Miˬyehˇ dawˬ naˇ haˬ˗awˬ—Paˇ dmˬ heu aˬ joˆ˗ehˇ zmˬ nmˇ

Miˬyehˇ dawˬ naˇ haˬ˗awˬ boˬloˬshaˬ heu dmˬ sahˬ boꞈ maˬ guiˬ nya˗eu deuˬ˗euˬ gʼaˇ duˬ, aˇ baˇ neh Jaˇliꞈ˗euˬ gaˇ kawˆ yaw awˬ awˬ lehˇ mehˬ nya ni jahˇ doˆ laꞈ˗euˬ meh. Aˬ yawꞈ kawˆ yawꞈ aˇ baˇ ahˇ˗awˇ, myaˆ pyawˬ 2 pyawˬ ahˇ˗eu meh. Aˇ baˇ tiˬ baˇ jiˇ naˇ tiˬ baˇ˗ahˇ tawˆ iˇ˗eu lehˇ bi siˬ laˇ˗eu gʼaˇ duˬ jahˇ nehˬ taˬ˗euˬ meh.

Miˬyehˇ dawˬ naˇ haˬ˗awˬ mˬ maˬ maˬ byaˆ zaˇ ziˇ deh˗eu jeˬ za˗eu meh boˬloˬshaˬ hawˇ˗eu, Miˬyehˇ dawˬ naˇ haˬ˗awˬ boˬloˬshaˬ˗euˬ laꞈ kʼoeˇ aˇ baˇ tiˬ kawˆ meh. Ehˇ kʼawꞈ, sahˬ boꞈ aˇ mawˇ myaˬ dzehˬ˗eu tehꞈ meh. Teu miˇ neh, sahˬ boꞈ aˇ cuiꞈ guiˬ nya˗eu deuˬ˗ahˇ mehˬ nya meh. Mehˬ˗eu gʼaˬ Miˬyehˇ dawˬ naˇ haˬ˗awˬ mˬ maˬ maˬ byaˆ zaˇ ziˇ deh˗eu jeˬ za˗eu meh boˬloˬshaˬ zmˬ˗awˇ mehˬ, dzaw zaˬ gʼaˬ Miˬyehˇ dawˬ naˇ haˬ˗awˬ boˬloˬshaˬ zmˬ˗awˇ bi dzaw. Dzaw lahˬ yaw myaˬ gaˇ ahˇ˗eu meh. Dzaw zaˬ kʼaˇ yehꞈ˗eu loꞈ˗ehˇ ja sawˇ.

Aˬ yawꞈ siˬ yawꞈ biꞈ nehˬ˗eu paˇ dmˬ maˬ ngeuˇ kʼawꞈ, boˬloˬshaˬ heu dmˬ aˇ myah luꞈ biꞈ nehˬ nya meh. Jaˇliꞈ mehˬ ngeh aˇ baˇ zmˬ˗awˇ Jaˇliꞈ aˇ deuˆ ja shaw nehˬ. Dzaw˗eu jeˬ nehˬ˗ehˇ taꞈ leˇ˗awˇ gʼoˆ shaw ngaˇ laˬ lehˇ siˬ nya˗eu gʼaˇ duˬ, dzaw zaˬ˗ahˇ naˇ haˬ. Laꞈ oˆ paw jaˆ˗eu Jaˇliꞈ aˬ yawꞈ pyawˬ yawꞈ˗ahˇ guiˬ˗awˇ ja sawˇ. Boˬloˬshaˬ heu dzaw jiˇ naˇ, dzaw zaˬ˗ahˇ iˇ cuꞈ bi shawˇ ni caw ba˗eu gʼaˇ duˬ, Maˇ maˇ ni Jaˇliꞈ a jeˬ mehˬ˗eu nga? maˬ ngeuˇ naˇ, Jaˇliꞈ a dui˗ahˇ aˬ jeˬ mehˬ˗eu nga? lehˇ kuˇ˗eu paˇ dmˬ neh mehˬ.