Ngaˇ tiˬ poˆ na huˬ mehˬ mehˬ˗eu gʼaˬ aˬ myah paˇ ya geuꞈ˗eu nga?

Yeˬsaˬgeˬlaˇ neh yaw sahˇ laꞈ kʼoeˇ ya mawˇ˗euˬ uˬ duˬ tahˬ nymˇ kʼoeˇ naˇ, Yeˬhawˇbaˬ˗euˬ zaˬ lahˇ deuˬ nui ma keuˆ˗eu laꞈ kʼoeˇ myawˬ gahˬ damˬ nehˬ laˇ meh lehˇ bi siˬ laꞈ˗eu meh. Aˬ dui jiˇ ni Yeˬhawˇbaˬ˗ahˇ ja ceuˬ˗eu gʼaˇ duˬ aˬ jeˬ damˬ nehˬ nya˗eu nga?—Heˬ 13:15, 16.

Muiˬ dui dui˗eu tiˬ jeˬ naˇ tiˬ poˆ naˆ huˬ mehˬ mehˬ˗eu gʼaˬ geuꞈ˗eu heu meh. Miˬyehˇ gaˇ mˇ˗eu 2018 kʼoꞈ laꞈ kʼoeˇ ba la yaw myaˬ siˬ jawˇ nah 5 jaw jaˆ˗eu meh. Teu miˇ neh, yawˬ nah na luꞈ gaˇ mˇ˗eu deuˬ kʼawꞈ, Miˬyehˇ gaˇ mˇ˗eu aˇ yamˬ jaˆ meh. Kʼoeˇ naˇ, smˇ siˬ ba la, Oeˬ siˬ ba la, hawˇ˗eu aˇ maꞈ˗ahˇ sheuˬ gʼeh˗eu gʼaˬ gʼa laˇ ngeh siˬ˗ahˇ, tiˬ poˆ na huˬ mehˬ mehˬ˗eu gʼaˬ geuꞈ˗eu deuˬ 30 laꞈ maˬ ngeuˇ naˇ 50 laꞈ geuꞈ le laˬ lehˇ tseˇ nya meh.

Gaˇ kawˆ tiˬ jeˬ na baˬ da neh huˬ mehˬ mehˬ˗eu gʼaˬ maˬ geuꞈ nya naˇ kʼawꞈ, aˬ dui Miˬyehˇ gaˇ mˇ˗eu paw muiˬ daˆ laˇ ni jahˇ nya meh. Aˬ dui aˬ joˆ˗ehˇ pyeuꞈ luꞈ˗eu kʼawꞈ Yeˬhawˇbaˬ˗ahˇ gaˬ˗eu baˬ da neh aˬ yawꞈ˗euˬ gaˇ mˇ˗eu 2018 kʼoꞈ laꞈ kʼoeˇ, aˬ dui aˬ yawꞈ˗ahˇ muiˬ dzehˬ˗eu jeˬ damˬ nehˬ mawꞈ ni laˆ noeˬ nehˬ˗eu meh.—Hawˇ 14:2.

Yeˬhawˇbaˬ caw ba naˇ ngaˇ jiˇ mˇ nya ma lehˇ kuˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• Shaˬbiˬna aˬ jeˬ miˇ neh Miˬyehˇ˗euˬ gaˇ mˇ mawꞈ dzehˬ laˇ˗eu nga?

• Shaˬbiˬna neh mˇ˗euˬ jeˬ nawˬ˗ahˇ gʼaˬ aˬ joˆ˗ehˇ biꞈ nya?

• Miˬyehˇ gaˇ mˇ˗eu 2018 kʼoꞈ laꞈ kʼoeˇ nawˇ, huˬ mehˬ mehˬ˗eu gʼaˬ aˬ geu siˬ˗ahˇ geuꞈ nya paˬ˗ehˇ gʼeh˗eu nga?