Ka li zaˬ˗euˬ dehꞈ ziˇ
Aˬ dui muiˬ˗eu Jaˇliꞈ dzaw zaˬ aˬ joˆ˗ehˇ pyeuꞈ nya˗eu nga?
Nawˇ lawˬ haw jeˬ˗ahˇ ya daˬ ngeh, Daˬyeˬlaˇ loꞈ˗ehˇ saˇ jaˆ ziꞈ mawꞈ miˇ˗a loˇ? Daˬyeˬlaˇ Miˬyehˇ˗euˬ dawˬ hawˇ˗eu naˆ shuiˇ ni gʼeh˗eu maˬ keuˆ laˇ miˇ ehˇ taˬ˗euˬ dawˬ deuˬ˗ahˇ yaw muiˬ˗ehˇ pyehˆ tseˇ˗eu meh. (Daˬ 9:2) Jaˇliꞈ˗ahˇ yaw muiˬ˗ehˇ pyehˆ tseˇ˗eu heu naˇ, nawˇ saˇ jaˇ ziꞈ ni caw ba nehˬ˗eu meh. Aˬ jeˬ miˇ neh? Yeˬhawˇbaˬ neh saˇ jaˇ kʼaˇ dzaˬ taˬ˗euˬ jeˬ maˇ diˇ pyeuꞈ laˇ jiˇ meh lehˇ nawˬ˗ahˇ nui jah biꞈ˗eu miˇ neh. (Shuˆ 23:14) Kʼoeˇ naˇ, Miˬyehˇ˗ahˇ gaˬ˗eu jeˬ bi myaˬ laˇ˗awˇ, tsaˬ˗eu jeˬ bi mˇ ni laˆ noeˬ nehˬ meh. (Ceuˬ 97:10) Ehˇ kʼawꞈ, nawˇ aˬ joˆ˗ehˇ dahˬ beh paˬ nga? Heu gaˇ ehˇ nehˬ taˬ˗euˬ jeˬ˗ahˇ mˇ caw haw.
Ngaˇ aˬ jeˬ pyehˆ tseˇ paˬ nga? Yaw muiˬ˗ehˇ pyehˆ tseˇ˗eu heu naˇ, aˇ muˇ bawˬ dzaˬ˗eu gʼaˇ duˬ lehˬ hmˬ gaˇ jiˇ ehˇ mawꞈ˗eu meh. Yawˬ jaw na luꞈ Jaˇliꞈ gui ngeh, nawˇ maˬ siˬ nya˗eu tsahˇ˗ahˇ poˆ tseˇ naˇ, gaˇ dahˇ tsoeˬ dui dui˗eu meh. Tiˬ deuˬ na Jaˇliꞈ laꞈ kʼoeˇ ehˇ taˬ˗euˬ maˬ keuˆ laˇ miˇ ehˇ taˬ˗euˬ dawˬ hawˇ˗eu Miˬyehˇ˗euˬ yaw sahˇ laꞈ kʼoeˇ neh siˬ le˗euˬ aˇ siˬ deuˬ˗ahˇ maˬ ehˇ, kuiˇ laꞈ Pawˇluˆ miˇshaˬnaˬliˬ geuꞈ ngeh cah˗eu gaˇ kawˆ hawˇ˗eu Yeˬhawˇbaˬ neh beh˗euˬ jeˬ˗ahˇ maˬ ehˇ, gaˇ kawˆ heu deuˬ˗ahˇ pyehˆ tseˇ˗eu meh. Nawˇ aˬ yawꞈ ngeh nah Jaˇliꞈ nehˬ˗ehˇ taꞈ leˇ˗awˇ naˇ haˬ˗eu jeˬ noeˬ doˆ laˇ naˇ, boꞈ taˬ˗awˇ nyaˆ taˆ poˆ pyehˆ tseˇ nya meh.
Ngaˇ gaˇ kawˆ deuˬ aˬ gaˇ poˆ iˇ nmˇ? Poˆ tseˇ˗eu keu ka poeˬ˗eu zaˬ siˬ nui gahˇ bi mawˇ lehˇ kuˇ˗eu biˬdiˬoˬ nawˇ aˬ gaˇ poˆ iˇ˗eu nya˗eu nga lehˇ ehˇ nehˬ laꞈ meh. Kʼoeˇ naˇ, nawˇ poˆ nya ngaˇ laˬ lehˇ jahˇ haw˗eu gʼaˇ duˬ, Daˬyeˬlaˇ yaw huiˬ 7-ahˇ ahˇ˗eu baoˬ huiˬ dui dui˗eu miˇ kʼahˬ deuˬ nehˬ˗ehˇ sheu cehˆ taˬ˗euˬ jaˬ zaˬ aˬ yawꞈ mawˇ aˬ yawꞈ aˬ joˆ˗ehˇ gʼeh nga lehˇ poˆ haw.
Ngaˇ aˇ yamˬ aˇ myaˆ ni ya pyehˆ tseˇ˗eu nga? Yawˬ jawˇ na luꞈ pyehˆ tseˇ˗eu heu naˇ, nui jah bi ziꞈ laˇ nya meh. Nawˇ aˇ yamˬ yaw nymˇ nymˇ lehˇ pyehˆ tseˇ dahˬ beh˗awˇ, tiˬ poˆ ui cuiˆ cuiˆ˗ehˇ bi myaˬ laˇ nya meh. Jaˇliꞈ˗ahˇ pyehˆ tseˇ˗eu heu naˇ, pyuˇ shuiˇ myawˬ gahˬ˗ahˇ poˆ gaˇ duˇ˗eu meh. Nawˇ pyuˇ shuiˇ myawˬ gahˬ˗ahˇ ngehˬ˗ehˇ poˆ mawˇ naˇ, ngehˬ˗ehˇ poˆ mawꞈ˗eu nui ma ahˇ laˇ meh. (Dawˬ 2:3-6) Teu ngeh, nawˇ pyehˆ tseˇ˗eu jeˬ˗ahˇ ya leˇ˗awˇ, maˬ mˇ naˇ maˬ shaˇ˗eu jeˬ pyeuꞈ laˇ meh.—1Beˬ 2:2.
Daˬyeˬlaˇ yaw huiˬ 7-ahˇ ahˇ˗eu jeˬ zaˬ aˬ yawꞈ mawˇ yawꞈ aˬ jeˬ˗ahˇ ehˇ mawꞈ˗eu nga?
Naˇ haˬ lahˬ˗eu:
Daˬyeˬlaˇ 7:8, 24 aˬ joˆ˗ehˇ maˇ diˇ pyeuꞈ laˇ˗euˬ nga?
Nyaˆ taꞈ kawˆ:
Pah mehˬ˗eu sahˬ boꞈ yaw huiˬ 13-ahˇ ehˇ taˬ˗euˬ jeˬ zaˬ deuˬ, aˬ jeˬ˗ahˇ ehˇ mawꞈ˗eu nga?