Miˬyehˇ˗euˬ gaˇ mˇ paw bym laˇ—Gʼa kʼoꞈ iˇ

Aˬ jeˬ miˇ neh aˇ yeˇ huiˬ˗eu nga?: Miˬyehˇ Miˇkʼahˬ˗euˬ gaˇ kawˆ˗ahˇ siˬ nya mawꞈ˗eu tsawˇ haˬ myaˬ ni, Miˬyehˇ nehˬ˗ehˇ taꞈ˗eu yaw tsaˬ yaw dawˇ˗ahˇ shaˇ poˆ luꞈ˗eu meh. (Yaˇ 55:6) Teu miˇ neh, aˬ dui aˬ yawꞈ˗ahˇ bi huiˬ bi mahˇ laˇ˗eu gʼaˇ duˬ, yaw myaˬ poˆ ya gʼa kʼoꞈ iˇ˗eu meh. Tsawˇ haˬ deuˬ ya tahˬ puˬ˗eu gaˇ kawˆ maˬ duˇ leˇ˗eu miˇ neh, aˬ yawꞈ maꞈ˗euˬ nui ma˗ahˇ, ahˇ leˇ ni mehˬ˗eu kʼawꞈ maˬ duˇ leˇ˗a. Ehˇ kʼawꞈ, aˬ dui gʼa kʼoꞈ iˇ˗eu gʼaˇ duˬ yaw muiˬ˗ehˇ lehˬ hmˬ taˬ˗awˇ, gʼa kʼoꞈ iˇ ma lehˇ noeˬ taˬ˗eu uꞈ taꞈ, Jaˇliꞈ mehˬ dahˬ beh ma lehˇ noeˬ tsoˆ taˬ naˇ, aˬ yawꞈ maꞈ˗ahˇ caw ba nya meh.

Jahˇ paˬ˗ehˇ gʼeh˗eu jeˬ:

• Gʼawˬ myahˇ maˬ bi kaˇ iˇ ni, kawˇ ma˗ehˇ gʼa kʼoꞈ iˇ.—Tehˬ 13:19

• Yaw zeu baw˗eu laꞈ kʼoeˇ yaw gʼoeˇ gʼoeˇ lehˇ ngehˬ cawˬ. Lawˬ ka ni bi gʼeh

• Yaw bya bya lehˇ dawˬ cawˬ puˬ˗awˇ dahˬ beh. Aˬ yawꞈ˗euˬ tsawˇ myahˇ kuˇ˗awˇ aˬ jeˬ miˇ neh gʼa kʼoꞈ laˇ˗eu lehˇ ehˇ nehˬ. Yaw jeˬ ma jeˬ, naˇ haˬ˗eu jeˬ˗ahˇ dawˬ kʼoꞈ biꞈ laˇ˗euˬ, boˬloˬshaˬ yaw shuiꞈ dmˬ biꞈ laˇ˗euˬ, nga maꞈ˗euˬ goeˇsaiˇ ehˇ mawˇ nehˬ laˇ˗euˬ, maˬ ngeuˇ naˇ, Jaˇliꞈ aˬ joˆ˗ehˇ ya dzaw˗eu lehˇ mehˬ nehˬ laˇ˗euˬ. Ehˇ kʼawꞈ, nymˇ sahˇ gʼaˬ noeˬ shaˬ luꞈ˗eu gaˇ kawˆ ngehˬ doˆ leꞈ naˇ, aˬ yawꞈ maꞈ nehˬ˗ehˇ tsaˬ leˇ ni ngehˬ cawˬ.—Piˆ 2:4

• Jaˇliꞈ laꞈ kʼoeˇ mehˬ˗eu jeˬ, maˬ ngeuˇ naˇ aˬ yawꞈ˗ahˇ paˇ dmˬ biꞈ˗awˇ bi guiˬ˗eu heu neh, aˬ yawꞈ˗euˬ nui ma laꞈ kʼoeˇ ahˇ˗eu yaw tsaˬ yaw dawˇ˗euˬ siˬ yoeˬ˗ahˇ iˇ cuꞈ shehˬ. (1Gawˇ 3:6) Aˬ yawꞈ nehˬ˗ehˇ gʼoeˇ leˇ ni leh jeh

• Nyaˆ taꞈ poˆ gʼa kʼoꞈ iˇ˗eu gʼaˇ duˬ gaˇ ma shaˇ dahˇ yaꞈ