Mehˇ nmˇ deuˬ nehˬ˗ehˇ jeˬ hu laˆ tsaˬ—aˬ joˆ˗ehˇ?

Nawˇ Yeˬsuˇ˗euˬ saˇ ka˗ahˇ, Gaˬliˬlehˇ miˇ kʼahˬ˗ahˇ jawˇ luꞈ˗eu loꞈ˗ehˇ saˇ noeˬ haw sheˇ. Nawˇ Sehˬ gʼawˆ˗euˬ Bawˬ˗iˬ˗ahˇ keuˬ leˇ˗eu gʼaˇ duˬ, Yeˬluˇsaˬlehˬ meuˬ˗ahˇ iˇ˗euˬ meh. Meuˬ teu meuˬ˗ahˇ gaˇ mahˇ kaˬ gaˇ neh laˇ˗euˬ, Miˬyehˇ˗ahˇ uˬ duˬ tahˬ˗eu tsawˇ haˬ tehꞈ˗ehˇ byah jiˇ taˬ˗euˬ meh. Nawˇ Yeˬhawˇbaˬ˗ahˇ lawˇ neh mawꞈ˗eu miˇ neh, gaˇ mahˇ kaˬ˗awˇ shaˬ dui dui kʼawꞈ, Ciꞈmyehꞈ tiˬ mawˇ cahˇ˗awˇ, uˬ duˬ tahˬ nymˇ˗ahˇ le keuˆ˗euˬ meh. Nawˇ le keuˆ ngeh, lawˇ neh laˇ˗eu deuˬ jiˇ gʼawˬ mya ni jawˇ˗eu meh. Nymˇ poˆ jawˇ˗aˬ, nawˬ˗euˬ Ciꞈmyehꞈ piˇ ma deuˬ˗ahˇ ya a nehˬ˗eu keuˆ laˇ˗euˬ meh. Ehˇ kʼawꞈ, mehˇ nmˇ tiˬ gʼaˬ nawˬ˗ahˇ nui maˬ pehˇ luꞈ˗a lehˇ noeˬ doˆ laˇ ngeh, aˬ joˆ˗ehˇ ya jahˇ˗eu lehˇ Yeˬsuˇ ehˇ nehˬ taˬ˗eu meh. Nawˬ˗ahˇ nui ma pehˇ luꞈ˗eu gʼaˬ naˇ, aˇ maꞈ aˇ muˇ maˬ ngeuˇ naˇ, Yeˬluˇsaˬlehˬ meuˬ˗ahˇ jawˇ˗eu paˬ. (Tehˬ 5:24-ahˇ gui.) Nawˇ hawˇ˗eu nawˬ˗ahˇ nui ma pehˇ luꞈ˗eu gʼaˬ, Yeˬsuˇ neh ehˇ taˬ˗euˬ loꞈ˗ehˇ aˬ joˆ˗ehˇ laˆ tsaˬ laˆ dzoeˇ nmˇ? Laꞈ oˆ jaˆ˗eu oeˬ coeˇ oeˬ bawˬ˗euˬ laꞈ koeˇ tsaˬ˗eu dawˬ kʼoꞈ˗ahˇ tseˇ˗awˬ.

Nawˇ mˇ paˬ˗ehˇ gʼeh˗eu jeˬ . . .

• nawˇ mˇ bahˬ˗awˇ, mehˇ nmˇ gaˇ kʼahˇ dahˇ gaˇ pehˇ˗eu meh lehˇ siˬ nya naˇ, aˬ yawꞈ nehˬ˗ehˇ ngehˬ cawˬ iˇ

• nawˇ mehˇ nmˇ aˇ dzehˇ˗ehˇ noeˬ dzeuˇ˗eu, maˬ ngeuˇ naˇ aˬ yawꞈ jiˇ bahˬ meh lehˇ noeˬ˗eu miˇ neh, aˬ yawꞈ˗euˬ nui noeˬ˗ahˇ laˆ paˇ˗eu gʼaˇ duˬ leh jeh

• aˬ yawꞈ aˬ joˆ˗ehˇ noeˬ nya lehˇ ja nehˬ laꞈ ngeh, nawˇ gaˇ kawˆ dawˬ tawˆ luꞈ˗ahˇ maˬ siˬ jiˇ nya kʼawꞈ, oˇ oꞈ˗awˇ naˇ haˬ nehˬ. Nawˇ aˬ yawꞈ˗ahˇ nui ma laˆ cawˆ nehˬ˗euˬ, maˬ ngeuˇ naˇ, maˬ yehꞈ maˇ yehꞈ˗ehˇ mˇ lehˬ˗euˬ, seuˆ maˬ lehˇ ehˇ nehˬ

Mehˇ nmˇ teu gʼaˬ mˇ paˬ˗ehˇ gʼeh˗eu jeˬ . . .

• nawˇ aˬ yawꞈ˗ahˇ maˬ muiˬ˗eu aˬ jeˬ jeˇ mˇ nehˬ˗a lehˇ mehˇ nmˇ nui deuˬ˗ahˇ ja nehˬ iˇ˗awˇ, aˬ yawꞈ paw pyawˬ˗eu deuˬ˗ahˇ poˆ iˇ˗eu

• nawˬ˗ahˇ ngehˬ daˆ laˇ˗awˇ, nawˬ neh aˬ yawꞈ˗ahˇ nui ma laˆ pehˇ˗euˬ yawˬ jeˬ na luꞈ˗ahˇ ngehˬ keuˆ˗eu uˬ taꞈ, nawˬ˗euˬ lehˬ bymˇ˗ahˇ bi tawˆ mawꞈ

• nawˇ nui ma taˬ aw˗eu laꞈ kʼoeˇ aˬ yawꞈ nehˬ˗ehˇ ngehˬ cawˬ leˇ peuˬ˗eu miˇ neh, aˬ yawꞈ nawˬ˗ahˇ nui ma laꞈ kʼoeˇ neh iˬ baˇ pyehˬ nehˬ paˬ˗ehˇ gʼeh meh

Nymˇ iˬ nah aˬ dui uˬ duˬ tahˬ˗eu jeˬ˗ahˇ jeˬ zaˬ maˬ paˇ ya lawˇ nehˬ˗euˬ kʼawꞈ, Yeˬsuˇ mehˇ nmˇ yaw kaˬ tsaˬ leˇ dzoeˇ leˇ˗eu jeˬ hawˇ˗eu Miˬyehˇ ha geuꞈ˗eu uˬ duˬ tahˬ˗eu jeˬ nehˬ˗ehˇ taꞈ leˇ˗awˇ aˬ joˆ˗ehˇ mehˬ˗eu nga?