Tsawˇ haˬ gʼawˬ mya ni˗ahˇ tsawˇ haˬ ui cuiˆ neh tehꞈ˗ehˇ bi dzaˬ

A.D. 32–ahˇ Baˬsaˬkaˬ bawˬ˗iˬ maˬ keuˆ laˇ miˇ na˗ehˇ, Yeˬsuˇ zahˬ leˇ paˬ˗ehˇ gʼeh˗eu tiˬ jeˬ jahˇ˗euˬ meh. Guiˬ lahˬ dawˬ boꞈ˗euˬ 4 gʼaˬ luꞈ neh boꞈ˗ahˇ taˬ˗euˬ zahˬ leˇ paˬ˗ehˇ gʼeh˗eu gaˇ kawˆ heu hmˬ tehꞈ meh.

Zahˬ leˇ paˬ˗ehˇ gʼeh˗eu jeˬ heu hmˬ naˇ, gaˇ hu neh nymˇ iˬ nah keuˆ ni Yeˬsuˇ mˇ˗eu jeˬ˗ahˇ aˇ baˇ baˇ mawˇ nehˬ˗eu jeˬ pyeuꞈ meh.

14:16-21

• Gʼaˬ kʼehˇ deuˬ kaˬ muˇ ngaˬ yaˆ hawˇ˗eu ngaˬ shaˬ nyiˬ mawˇ tehꞈ˗ehˇ ahˇ kʼawꞈ, Yeˬsuˇ gʼaˬ kʼehˇ deuˬ˗ahˇ tsawˇ haˬ aˇ maꞈ˗ahˇ bi dzaˬ bi dawˇ lehˇ ehˇ nehˬ˗euˬ meh

• Yeˬsuˇ kaˬ muˇ kʼoeˇ ngaˬ yaˆ hawˇ˗eu ngaˬ shaˬ kʼoeˇ nyiˬ mawˇ yuˇ˗awˇ, guiˬ lahˬ shaˇ˗euˬ meh. Kʼoeˇ naˇ, kaˬ muˇ kʼoeˇ deuˬ gʼaˬ kʼehˇ deuˬ˗ahˇ biꞈ nehˬ˗awˇ, tsawˇ haˬ aˇ maꞈ˗ahˇ bi biˇ nehˬ˗euˬ meh

• Yeˬsuˇ neh zahˬ leˇ paˬ˗ehˇ gʼeh˗eu jeˬ jahˇ˗euˬ heu, yawˬ gʼaˬ na luꞈ˗euˬ gʼaˇ duˬ maˬ dzaˬ jiˇ coeˇ ni dzeˇ laˇ˗euˬ meh. Yeˬsuˇ tsawˇ haˬ aˇ maꞈ˗ahˇ, tsawˇ haˬ ui cuiˆ neh tehꞈ˗ehˇ bi dzaˬ bi dawˇ˗euˬ meh. Teu deuˬ naˇ aˬ yawꞈ˗euˬ gʼaˬ kʼehˇ meh

  

• Yeˬsuˇ maˬ keuˆ laˇ miˇ na˗ehˇ, aˇ saˬ saˬ˗eu aˇ yamˬ laꞈ kʼoeˇ “aˇ yamˬ tsaˬ tsaˬ ni bi dzaˬ bi dawˇ”˗eu deuˬ tseˇ doˆ ma lehˇ ehˇ taˬ˗euˬ meh.—Tehˬ 24:45

• 1919 kʼoꞈ˗ahˇ Yeˬsuˇ tseˇ doˆ taˬ˗euˬ aˇ muˇ muˇ zaˬ pyeuꞈ˗eu mehˇ nmˇ “saˇ jaˇ ziꞈ˗awˇ noeˬ dahˇ doe˗eu zaˬ kʼaˆ”˗ahˇ tseˇ doˆ˗euˬ meh. Heu naˇ, “zaˬ kʼaˆ nui deuˬ˗ahˇ” aˇ yamˬ tsaˬ ni bi dzaˬ bi dawˇ gʼaˇ duˬ meh

• Tseˇ doˆ taˬ˗euˬ aˇ muˇ muˇ zaˬ heu neh, Yeˬsuˇ gaˇ hu aˬ yawꞈ neh aˇ baˇ baˇ yaꞈ˗euˬ loꞈ˗ehˇ mˇ luꞈ˗eu meh

Tsawˇ haˬ deuˬ, Miˬyehˇ nehˬ˗ehˇ cawˬ cawˬ˗eu jeˬ muiˬ daˆ laˇ ni caw ba nehˬ˗eu gʼaˇ duˬ, ngaˇ Yeˬsuˇ neh zmˬ˗eu deuˬ˗ahˇ siˬ nya˗awˇ, aˬ yawꞈ maꞈ˗ahˇ yaw zeu bawˬ˗eu lehˇ aˬ joˆ˗ehˇ mˇ mawˇ nya˗eu nga?