Miˬyehˇ˗euˬ gaˇ mˇ paw bym laˇ—Yaw muiˬ˗ehˇ naˇ haˬ˗eu jeˬ

Aˬ jeˬ miˇ neh aˇ yeˇ huiˬ˗eu nga?: Tsawˇ haˬ˗euˬ nui noeˬ naꞈ˗eu iˇ cuꞈ loꞈ˗ehˇ duˇ naˇ, naˇ haˬ˗eu jeˬ iˇ cuꞈ kʼawꞈ doˆ laꞈ˗eu poˇ naˬ loꞈ˗ehˇ duˇ meh. (Dawˬ 20:5, MS) Naˇ haˬ˗eu jeˬ tiˬ gʼaˬ tiˇ gʼaˬ ngehˬ cawˬ kʼoꞈ nya ni, caw ba˗eu jeˬ pyeuꞈ meh. Naˇ haˬ˗eu jeˬ yaw muiˬ˗ehˇ lehˬ hmˬ˗awˇ zmˬ iˇ ngeh, aˬ dui˗ahˇ nymˇ sahˇ deuˬ aˬ joˆ˗ehˇ noeˬ nga lehˇ siˬ laˇ ni caw ba nehˬ˗eu meh. Yeˬsuˇ yaw muiˬ˗ehˇ naˇ haˬ˗eu jeˬ zmˬ˗euˬ meh. Aˬ dui aˬ joˆ˗ehˇ dzaw geuꞈ nya˗eu nga?

Jahˇ paˬ˗ehˇ gʼeh˗eu jeˬ:

• Nui noeˬ˗ahˇ siˬ nya ni caw ba nehˬ˗eu naˇ haˬ˗eu jeˬ zmˬ. Yeˬsuˇ gʼaˬ kʼehˇ deuˬ aˬ joˆ˗ehˇ noeˬ nya lehˇ bi ngehˬ doˆ leꞈ˗eu gʼaˇ duˬ, naˇ haˬ˗eu jeˬ yaw myaˬ hmˬ zmˬ˗euˬ meh. (Tehˬ 16:13-16; be˗E 238 ¶3-5) Nawˇ noeˬ luꞈ˗eu jeˬ˗ahˇ siˬ nya ni caw ba nehˬ˗eu naˇ haˬ˗eu jeˬ aˬ geu hmˬ zmˬ mawꞈ nya?

• Dawˬ kʼoꞈ za ni naˇ haˬ˗eu jeˬ zmˬ. Beˬtuˆluˆ˗euˬ nui noeˬ˗ahˇ laˆ tsaˬ˗eu gʼaˇ duˬ, Yeˬsuˇ naˇ haˬ˗eu jeˬ zmˬ˗awˇ, aˬ yawꞈ tsaˬ˗eu dawˬ kʼoꞈ za ni caw ba nehˬ˗euˬ meh. (Tehˬ 17:24-26) Aˬ cawˬ deuˬ tsaˬ˗eu nui noeˬ za paˬ˗ehˇ, nawˇ aˬ joˆ˗ehˇ naˇ haˬ mawꞈ nya?

• Naˇ haˬ˗eu deuˬ˗ahˇ ciˬ poeˬ. Zahˇ mehˬ˗eu saˬ laˬ tiˬ gʼaˬ “yaw muiˬ paˬ˗ehˇ shaˇ noeˬ˗awˇ” dawˬ kʼoꞈ biꞈ ngeh, Yeˬsuˇ aˬ yawꞈ˗ahˇ ciˬ poeˬ nehˬ˗euˬ meh. (Kuˆ 12:34) Aˬ cawˬ dawˬ kʼoꞈ biꞈ ngeh, nawˇ aˬ joˆ˗ehˇ ciˬ poeˬ nya˗eu nga?

Yeˬsuˇ neh mˇ˗euˬ jeˬ˗ahˇ mˇ caw—Mehˬ ngeh lehˇ ehˇ˗eu biˬdiˬoˬ jeˬ hu tsehˆ˗ahˇ haw. Kʼoeˇ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• Mehˇ nmˇ tsaˬ˗eu gaˇ kawˆ ehˇ nehˬ kʼawꞈ, aˬ jeˬ miˇ neh maˬ muiˬ˗eu jeˬ pyeuꞈ nga?

• Gaˇ kawˆ ja nehˬ˗eu tehꞈ˗ehˇ maˬ ngeuˇ, aˬ dui aˬ jeˬ jahˇ˗eu loˬ nga?

Biˬdiˬoˬ jeˬ nah tsehˆ˗ahˇ haw. Kʼoeˇ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ:

• Mehˇ nmˇ yaw muiˬ˗ehˇ naˇ haˬ˗eu jeˬ, aˬ joˆ˗ehˇ zmˬ˗eu nga?

• Aˬ dui aˬ yawꞈ neh mehˬ˗euˬ jeˬ˗ahˇ, aˬ jeˬ paˇ dzaw geuꞈ nya˗eu nga?