Miˬyehˇ neh bi mawˇ˗euˬ aˇ baˇ nui jah bi ziꞈ laˇ

9:1-7

Miˬyehˇ neh bi mawˇ˗euˬ aˇ baˇ laꞈ kʼoeˇ Yeˬsuˇ gʼawˇ mawˇ paˇ iˇ˗awˇ, mˬ taˆ jawˇ˗eu Aˬda aˬ yawꞈ˗ahˇ nui kʼahˇ shiˇ miˇ˗a lehˇ ehˇ gaˇ ya gaˬ ngeh, Yeˬsuˇ˗ahˇ aˬ joˆ˗ehˇ gʼeh leˇ paˬ nga lehˇ shaˇ noeˬ haw sheˇ. Heu naˇ Yeˬsuˇ˗ahˇ mehˬ hu paw pyeuꞈ laˇ˗eu shaˬ zahˬ˗ahˇ kamˬ daˬ coeˇ ni gʼaˬ biꞈ˗eu yaw duˬ baw meh. Miˬyehˇ neh bi mawˇ˗euˬ aˇ baˇ heu naˇ, Beˬtuˆluˆ, Yaˬkoˆ hawˇ˗eu Yoˇhaˬ˗euˬ nui ma˗ahˇ zaw leˇ˗awˇ, Yeˬsuˇ˗aˬ maˇ diˇ Meˬsiˇya ngaˇ lehˇ jah leˇ˗euˬ uˬ taꞈ, aˬ yawꞈ˗euˬ dawˬ naˇ haˬ˗eu tsaˬ ngaˇ lehˇ jiˇ jah leˇ˗euˬ meh. Kʼoeˇ gaˇ neh 32 kʼoꞈ dawˬ peh byah laˇ ngeh, Beˬtuˆluˆ teu ngeh ya puˬ ya mawˇ˗euˬ jeˬ˗ahˇ noeˬ taˬ nya˗awˇ, gaˇ hu neh “ngehˬ yaꞈ tmˇ yaꞈ˗euˬ dawˬ”˗ahˇ jah ziꞈ laˇ˗euˬ meh.—2Beˬ 1:16-19.

Aˬ dui Miˬyehˇ neh bi mawˇ˗euˬ aˇ baˇ heu˗ahˇ maˬ ya mawˇ˗euˬ kʼawꞈ, aˇ baˇ baˇ nehˬ le˗euˬ teu maˇ diˇ pyeuꞈ laˇ gaˇ ya mawˇ˗euˬ ma. Nymˬ˗mˇ Yeˬsuˇ Sahˬ paˬ geuꞈ˗awˇ uˆ lahˇ luꞈ meh. Gʼawˬ myahˇ maˬ gʼeh˗ehˇ aˬ yawꞈ “gʼaˬ leˇ”˗awˇ, miˇ tsaˬ heu siˬ˗ahˇ yaw tsaˬ yaw dawˇ tehꞈ˗ehˇ jaˆ˗eu miˇ yaw shuiꞈ laˆ pyeuꞈ˗eu meh.—Pah 6:2.

Jaˇliꞈ laꞈ kʼoeˇ˗euˬ maˬ keuˆ laˇ miˇ ehˇ taˬ˗euˬ dawˬ maˇ diˇ pyeuꞈ laˇ gaˇ ya mawˇ ngeh, nawˬ˗euˬ nui jah aˬ joˆ˗ehˇ ziꞈ laˇ nya?