Tsaˬ˗eu nui ma neh Yeˬsuˇ˗euˬ mehˬ nah caw teh

6:9-11, 25-27, 54, 66-69

Yeˬsuˇ gʼaˬ kʼehˇ deuˬ˗ahˇ yaw kaˆ˗ehˇ maˬ gʼoˆ shaw leˇ˗eu yaw jeˬ maˬ jeˬ tiˬ hmˬ˗ahˇ ngehˬ keuˆ ngeh, yaw myaˬ gʼaˬ sahˬ tiꞈ tiꞈ˗awˇ aˬ yawꞈ˗euˬ mehˬ nah maˬ paˇ caw tehˬ˗euˬ meh. Teu nah˗euˬ jeˬ hu hawˇ˗eu Yeˬsuˇ zahˬ leˇ paˬ˗ehˇ gʼeh˗eu jeˬ jahˇ˗awˇ aˬ yawꞈ maꞈ˗ahˇ bi dzaˬ bi dawˇ˗euˬ tehꞈ˗a siˬ. Teu gaˇ haw ngeh, Miˬyehˇ aˬ yawꞈ˗ahˇ baoˬ biꞈ˗euˬ miˇ neh jahˇ nya nga lehˇ siˬ laˇ˗eu meh. Toˆ˗ehˇ naˇ, aˬ yawꞈ maꞈ aˬ jeˬ miˇ neh sahˬ tiꞈ tiꞈ˗eu nga? Aˬ yawꞈ maꞈ Yeˬsuˇ mehˬ nah caw teh˗eu teu naˇ, yawˬ ha gʼaˇ duˬ tehꞈ˗ehˇ shaˇ noeˬ˗awˇ, shiˬ shaˬ jiˇ paw˗euˬ gʼaˇ duˬ tehꞈ˗ehˇ shaˇ noeˬ˗eu miˇ neh nga lehˇ siˬ laˇ˗eu meh.

Yawˬ ha˗ahˇ heu loꞈ˗ehˇ naˇ haˬ: ‘Ngaˇ Yeˬsuˇ mehˬ nah aˬ jeˬ miˇ caw teh nya? Nymˬ˗mˇ hawˇ˗eu mehˬ hu paw za˗eu guiˬ lahˬ baˬ da neh nya laˬ? Maˬ ngeuˇ naˇ ngaˇ Yeˬhawˇbaˬ˗ahˇ gaˬ˗awˇ, aˬ yawꞈ˗ahˇ nui kʼahˇ bi shiˇ mawꞈ˗eu miˇ neh nya laˬ?’

Aˬ dui gaˇ kawˆ heu deuˬ baˬ da neh Yeˬhawˇbaˬ˗euˬ gaˇ mˇ naˇ, aˬ jeˬ miˇ neh sahˬ tiꞈ tiꞈ laˇ nya˗eu nga?

• Aˬ dui Miˬyehˇ˗euˬ tsawˇ haˬ deuˬ nehˬ˗ehˇ ya jawˇ˗eu laˬ kʼaˬ cehˇ˗eu miˇ neh

• Aˬ dui Baˬlaˬdiˇsuˆ˗ahˇ jawˇ mawꞈ˗eu miˇ neh