Zaˬ guˬ deuˬ—“Yaw muiˬ jeˬ mˇ mawꞈ˗eu nui ma ahˇ˗eu tsawˇ haˬ bi pyeuꞈ laˇ”

Miˬyehˇ neh bi noeˬ doˆ˗eu laꞈ kʼoeˇ Pawˇluꞈ Tiˇtuˆ˗ahˇ sahˬ boꞈ boꞈ gʼeh ngeh, aˬ yawꞈ zaˬ guˬ zaˬ deuˬ hawˇ˗eu Tiˇtuˆ˗ahˇ jiˇ “aˬ cawˬ yaw muiˬ jeˬ dzaw geuꞈ paˬ˗ehˇ” yaw kʼaˆ˗ehˇ leh jeh lehˇ ehˇ nehˬ˗euˬ meh. (Tiˇtuˆ 2:6, 7) Kʼoeˇ naˇ, gaˇ naˇ yaw huiˬ teu laꞈ kʼoeˇ, aˬ yawꞈ maꞈ “yaw muiˬ jeˬ mˇ mawꞈ˗eu nui ma ahˇ˗eu tsawˇ haˬ bi pyeuꞈ laˇ˗eu gʼaˇ duˬ” Yeˬsuˇ Yeˬhawˇbaˬ˗euˬ tsawˇ haˬ deuˬ muiˬ laˇ shawˇ laˇ ni jahˇ meh lehˇ paˇ ehˇ˗euˬ meh. (Tiˇtuˆ 2:14) Yaw muiˬ jeˬ tiˬ hmˬ naˇ, Miˬyehˇ Miˇkʼahˬ gaˇ kawˆ tsaꞈ gaˬ˗awˇ mehˬ˗eu heu meh. Nawˇ zaˬ guˬ zaˬ tiˬ gʼaˬ pyeuꞈ naˇ, nawˬ˗euˬ gʼaˬ heu zmˬ˗awˇ tiˬ poˆ na maˬ ngeuˇ naˇ aˬ myah luꞈ huˬ mehˬ mehˬ˗eu gʼaˬ pyeuꞈ nya ma loˇ?—Dawˬdaˬ 20:29.

Nawˇ huˬ mehˬ mehˬ˗eu gʼaˬ pyeuꞈ mawꞈ naˇ, maˇ diˇ pyeuꞈ leˇ nya˗eu bawˬ toˆ toˆ taˬ. (Luˇkaꞈ 14:28-30) Yaw jeˬ ma jeˬ, nawˇ Miˬyehˇ gaˇ aˇ yamˬ tiˬ byah ni mˇ ngeh yawˬ ha˗ahˇ aˬ joˆ˗ehˇ mˇ cu nmˇ? Nawˇ naˬ liˬ aˇ laꞈ aˬ joˆ˗ehˇ mˇ byah nya˗eu nga? Gaˇ kawˆ heu nehˬ˗ehˇ taꞈ leˇ˗awˇ Yeˬhawˇbaˬ˗ahˇ caw ba nehˬ laꞈ lehˇ guiˬ lahˬ shaˇ. (Ja ceuˬ 37:5) Kʼoeˇ naˇ nawˬ neh bawˬ toˆ toˆ taˬ˗euˬ jeˬ, aˬ da aˬ ma hawˇ˗eu noeˬ dahˇ doe laˇ˗euˬ huˬ mehˬ mehˬ˗eu deuˬ˗ahˇ ja nehˬ. Yeˬhawˇbaˬ nawˇ aˬ yawꞈ˗euˬ gaˇ mˇ˗eu leh jeh gaˇ guiˬ lahˬ biꞈ˗eu yaw duˬ baw meh.

Zaˬ guˬ deuˬ Yeˬhawˇbaˬ˗ahˇ ciˬ huiˬ ciˬ mahˇ luꞈ lehˇ ehˇ˗eu biˬdiˬoˬ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Mehˇ nmˇ tiˬ gʼaˬ na huˬ mehˬ mehˬ˗eu gʼaˬ geuꞈ˗eu gʼaˇ duˬ, aˬ jeˬ jeˇ gaˇ kawˆ˗ahˇ ya laˆ piˇ˗euˬ nga? Aˬ yawꞈ maꞈ aˬ joˆ˗ehˇ jahˇ nya˗euˬ nga?

• Zaˬ deuˬ huˬ mehˬ mehˬ˗eu gʼaˬ pyeuꞈ nya ni, aˬ da aˬ ma deuˬ aˬ joˆ˗ehˇ caw ba nehˬ nya˗eu nga?

• Miˬyehˇ gaˇ mˇ˗eu aˇ yamˬ biˇ taˬ˗eu, aˬ jeˬ miˇ aˇ yeˇ huiˬ˗eu nga?

• Aˇ muˇ laꞈ kʼoeˇ˗euˬ mehˇ nmˇ deuˬ, huˬ mehˬ mehˬ˗eu deuˬ˗ahˇ gʼaˬ aˬ joˆ˗ehˇ biꞈ nya˗awˇ, aˬ joˆ˗ehˇ caw ba nehˬ nya˗eu nga?

• Huˬ mehˬ mehˬ˗eu deuˬ aˬ jeˬ jeˇ guiˬ lahˬ za˗eu nga?