Nawˇ Yawˬ nah na luꞈ Jaˇliꞈ˗ahˇ pyehˆ tseˇ˗eu paˇ dmˬ˗ahˇ neh, gaˇ dahˇ tsoeˬ˗eu jeˬ za luꞈ ma loˇ?

Nawˬ˗euˬ nui jah bi ziꞈ˗eu gʼaˇ duˬ, nawˇ Yawˬ nah na luꞈ Jaˇliꞈ˗ahˇ pyehˆ tseˇ˗eu paˇ dmˬ laꞈ kʼoeˇ˗euˬ Jaˇliꞈ aˇ deuˆ hawˇ˗eu, dzawˇ nehˬ taˬ˗euˬ gaˇ kawˆ˗ahˇ guiˬ luꞈ ma loˇ? Maˬ gui luꞈ naˇ, nawˇ kʼoeˇ loꞈ˗ehˇ yawˬ nah na luꞈ aˬ joˆ˗ehˇ jahˇ nya˗eu nga? Yaw myaˬ gʼaˬ yawˬ nah na luꞈ˗euˬ Jaˇliꞈ aˇ deuˆ uˬ shawˬ paw gui˗eu miˇ neh, teu nah laꞈ kʼoeˇ aˬ yawꞈ maꞈ neh ya gui˗euˬ jeˬ˗ahˇ shaˇ noeˬ nya˗eu meh. (Yawˇshuˆ 1:8; Ja ceuˬ 119:97) Nawˇ yawˬ nah na luꞈ˗euˬ Jaˇliꞈ aˇ deuˆ˗ahˇ neh, heu naˆ maˬ tseˇ gaˇ dahˇ tsoeˬ˗eu jeˬ za ni aˬ jeˬ ya jahˇ˗eu nga? Aˬ joˇ joˆ˗ehˇ pyeuꞈ yaꞈ nga lehˇ gʼoˆ shaw˗eu gʼaˇ duˬ, Jaˇliꞈ aˇ deuˆ teu deuˆ˗euˬ laꞈ oˆ laꞈ taˆ ehˇ taˬ˗euˬ jeˬ˗ahˇ gui˗awˇ, Jaˇliꞈ teu deuˆ˗euˬ Jaˇliꞈ zahˇ˗ahˇ dehꞈ caw˗euˬ tiˬ gʼaˬ na˗euˬ gaˇ kawˆ˗ahˇ shaˇ noeˬ haw. Kʼoeˇ naˇ, nawˬ˗euˬ dehꞈ ziˇ laꞈ kʼoeˇ zmˬ˗iˇ. Nawˇ gaˇ kawˆ tiˬ jeˬ na˗ahˇ noeˬ tsehˆ ngeh Miˬyehˇ˗euˬ dawˬ˗ahˇ noeˬ keuˆ naˇ, dawˬ teu nawˬ˗euˬ dehꞈ ziˇ˗ahˇ sheuˬ gʼeh˗awˇ nawˇ maˇ diˇ gaˇ dahˇ tsoeˬ˗eu jeˬ za˗eu meh.—Ja ceuˬ 119:105.

Miˇ kʼahˬ doe ni jawˇ˗eu Beˬdeˬlaˇ nymˇ jiˇ deuˬ, Yawˬ nah na luꞈ Jaˇliꞈ˗ahˇ pyehˆ tseˇ˗eu paˇ dmˬ uˬ shawˬ paw ja sawˇ˗eu meh. Maˬ myahˇ laˇ˗euˬ heu myaˆ kʼoꞈ˗ahˇ gaˇ kawˆ teu deuˬ JW tiˬbiˬ laꞈ kʼoeˇ Huiˬ˗eu mehˬ bawˬ hawˇ˗eu aˇ yeˇ huiˬ˗eu gaˇ kawˆ lehˇ ehˇ˗eu uˬ dzah˗ahˇ dawˆ ahˇ taˬ˗euˬ meh. Nawˇ biˬdiˬoˬ teu deuˬ haw saˬ saˬ˗euˬ aˬ geu ngeh de? Teu laꞈ kʼoeˇ˗euˬ tiˬ kawˆ na, nawˬ˗euˬ gaˇ kawˆ nehˬ˗ehˇ tsaˬ leˇ paˬ. Yaw jeˬ ma jeˬ, Lawˇtaˬ˗euˬ gaˇ kawˆ nawˇ ya noeˬ tsehˆ˗eu jeˬ˗ahˇ aˬ joˆ˗ehˇ taꞈ˗eu nga?

Miˇ tsaˬ˗ahˇ gaˬ˗eu nui ma taˬ bi ahˇ lehˇ ehˇ˗eu biˬdiˬoˬ˗ahˇ haw. (1 Yoˇhaˬ 2:15) Kʼoeˇ naˇ laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Nymˬ˗mˇ shawˬ uˬ duˬ tahˬ˗eu jeˬ˗ahˇ yaw kaˆ˗ehˇ ngehˬ keuˆ˗eu, Jaˇliꞈ zahˇ aˬ geu zahˇ nga?

• Lawˇtaˬ˗euˬ gaˇ kawˆ˗ahˇ haw ngeh, miˇ tsaˬ hawˇ˗eu miˇ tsaˬ kʼoeˇ taˆ jaˆ˗eu jeˬ˗ahˇ gaˬ˗eu heu naˇ, guˆ laˇ paˬ˗ehˇ gʼeh˗eu lehˇ aˬ joˆ˗ehˇ mawˇ laˇ˗eu nga?—Aˇdahˬbeh˗eu 13:12; 14:12; 19:3, 12, 13, 24-26

• Aˬ dui miˇ tsaˬ hawˇ˗eu miˇ tsaˬ kʼoeˇ taˆ jaˆ˗eu jeˬ˗ahˇ maˬ ngeuˇ˗eu, Yeˬhawˇbaˬ˗ahˇ gaˬ˗eu lehˇ aˬ joˆ˗ehˇ mˇ mawˇ nya˗eu nga?