‘Aˬ cawˬ tsawˇ jeuˬ˗euˬ tahˬ pahˬ aˬ ma mawˇ kawˇ dawˬ tawˆ luꞈ biˬ dzeh jiˇ’

Tahˬ pahˬ aˬ ma mawˇ kawˇ˗ahˇ uˬ duˬ taˬ tahˬ lehˇ zahˇ sahˇ kʼoꞈ maˬ jahˇ doˆ laꞈ˗euˬ kʼawꞈ, Yeˬhawˇbaˬ tiˬ gʼaˬ tehꞈ˗ehˇ uˬ duˬ tahˬ˗eu jeˬ˗ahˇ za geuˇ meh lehˇ Yaˬkoˆ siˬ nya˗eu meh. (Doˆ˗iˇ˗eu 20:3-5) Yeˬhawˇbaˬ Yaˬkoˆ˗ahˇ Beˬdeˬlaˇ˗ahˇ gʼoꞈ iˇ lehˇ ehˇ nehˬ gʼaˬ naˇ, Yaˬkoˆ aˬ yawꞈ nehˬ˗ehˇ jawˇ˗eu deuˬ˗ahˇ tahˬ pahˬ aˬ ma mawˇ kawˇ dawˬ tawˆ luꞈ bi dzeh jiˇ lehˇ ehˇ nehˬ˗eu meh. Kʼoeˇ naˇ Yaˬkoˆ tahˬ pahˬ aˬ ma mawˇ kawˇ hawˇ˗eu, baˬ ya naˬ bawˇ naˬ yoˆ deuˬ˗ahˇ jiˇ laˆ cawˆ jiˇ˗euˬ meh. (Aˇdahˬbeh˗eu 35:1-4) Yaˬkoˆ neh jahˇ˗euˬ jeˬ˗ahˇ Yeˬhawˇbaˬ nui kʼahˇ shiˇ˗eu yaw duˬ baw meh.

Nymˬ˗mˇ iˬ nah aˬ dui Yeˬhawˇbaˬ˗ahˇ tehꞈ˗ehˇ uˬ duˬ aˬ joˆ˗ehˇ tahˬ nya˗eu nga? Aˬ dui jahˇ nya˗eu aˇ yeˇ huiˬ˗eu tiˬ jeˬ naˇ, tahˬ pahˬ aˬ ma mawˇ kawˇ hawˇ˗eu maw loˬ ja maw˗ahˇ taꞈ˗eu yawˬ jeˬ na luꞈ˗ahˇ yahˇ˗eu heu meh. Teu naˇ nehꞈ maˬ bi guˬ laˇ˗euˬ myawˬ gahˬ hawˇ˗eu byawˬ gʼa mo gʼa˗eu jeˬ˗ahˇ jiˇ ehˇ mawꞈ˗eu meh. Aˬ dui yawˬ ha˗ahˇ heu loꞈ˗ehˇ naˇ haˬ nya meh. ‘Ngaˇ shiˬ dawˇ˗eu nehꞈ, nehꞈ nehꞈ pyeuꞈ, tsawˇ haˬ maˬ jahˇ nya˗eu baoˬ, heu deuˬ nehˬ˗ehˇ taꞈ˗eu paˇ dmˬ hawˇ˗eu tiˬbiˬ haw luꞈ miˇ˗a laˬ? Ngaˇ gʼaˬ naˬ naˬ ngeh jahˇ˗eu jeˬ, mah loˬ loˬ˗eu jeˬ˗ahˇ guˆ laˇ paˬ˗ehˇ maˬ gʼeh ni jahˇ doˆ taˬ˗euˬ jeˬ nehˬ˗ehˇ taꞈ ngaˇ laˬ?’ Aˬ dui Yeˬhawˇbaˬ bye˗eu jeˬ˗ahˇ neh gaˇ mahˇ kaˬ gaˇ ya jawˇ˗eu meh.—Ja ceuˬ 97:10.

“Nehꞈ sahˬ paˬ˗ahˇ muiˇ˗awˬ” lehˇ ehˇ˗eu biˬdiˬoˬ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Paˬleˇsaˬ lehˇ kuˇ˗eu dzaw zaˬ tiˬ gʼaˬ aˬ jeˬ˗euˬ gaˇ kawˆ˗ahˇ ya tahˬ puˬ˗euˬ nga?

• 

  Maw loˬ ja maw nehˬ˗ehˇ taꞈ˗eu gaˇ kawˆ˗ahˇ ya tahˬ puˬ ngeh, sheuˬ gʼeh˗eu deuˬ neh bi caw ba˗eu heu naˇ aˬ jeˬ miˇ neh tsawˇ gahˇ ahˇ˗eu jeˬ pyeuꞈ˗eu nga?

• 

  Aˬ dui Yeˬhawˇbaˬ neh bi uˆ kaˬ uˆ lahˇ mawꞈ naˇ, aˬ jeˬ ya jahˇ˗eu nga?

• Paˬleˇsaˬ aˬ jeˬ jahˇ˗eu lehˇ noeˬ tsehˆ˗euˬ nga?

• Nawˬ˗euˬ jawˇ kʼahˬ˗ahˇ maw loˬ ja maw nehˬ˗ehˇ taꞈ˗eu gaˇ kawˆ˗ahˇ yahˇ nya˗eu aˬ jeˬ jeˇ jaˆ˗eu nga?