Ka li zaˬ˗euˬ dehꞈ ziˇ
Yeˬhawˇbaˬ aˬ yawꞈ˗euˬ tsawˇ haˬ deuˬ˗ahˇ haw piˇ
Baˬsaˬkaˬ Bawˬ˗iˬ aˇ dahˬ beh˗eu poˆ naˇ aˇ yeˇ huiˬ dui dui˗eu meh. Teu ngeh miˇ, Iˇjiˇtuˆ sahˬ paˬ aˬ yawꞈ˗euˬ aˬ li aˬ yuiꞈ gʼaˬ shiˇ˗euˬ lehˇ ya gaˬ ngeh, Moˇseˬ˗ahˇ “Naw nyaꞈ hawˇ˗eu naw nyaꞈ˗euˬ Iˇsaˬleˬlaˆ tsawˇ haˬ deuˬ doˆ˗iˇ˗awˬ. Nga maꞈ˗euˬ miˇ kʼahˬ laꞈ kʼoeˇ neh doˆ˗iˇ˗awˇ, naw maꞈ shaˇ˗eu loꞈ˗ehˇ, naw maꞈ˗euˬ Sahˬpaˬ Miˬyehˇ˗ahˇ uˬ duˬ tahˬ˗iˇ˗awˬ” lehˇ ehˇ nehˬ˗euˬ meh. (Doˆ˗iˇ˗eu 12:31) Yeˬhawˇbaˬ aˬ yawꞈ˗euˬ tsawˇ haˬ deuˬ˗ahˇ caw ba˗euˬ meh.
Aˬ dui Yeˬhawˇbaˬ˗euˬ Saˇ kiˇ deuˬ˗euˬ gaˇ kawˆ˗ahˇ haw kʼoꞈ gʼeh ngeh, Yeˬhawˇbaˬ aˬ yawꞈ maꞈ˗ahˇ sheuˬ gʼeh˗awˇ haw piˇ luꞈ˗eu lehˇ aˬ dui˗ahˇ maˇ jawˆ ni mawˇ laˇ˗eu meh. Gaˇ kawˆ heu saˇ naˇ dawˬ pehˬ hmˬ˗euˬ byaˬ duˬ˗ahˇ “Yeˬhawˇbaˬ˗euˬ tsawˇ myahˇ˗ahˇ zmˬ˗eu tsawˇ haˬ deuˬ” lehˇ kuˇ˗eu gaˇ byaˬ taˬ˗euˬ meh.
“Yeˬhawˇbaˬ˗euˬ tsawˇ myahˇ˗ahˇ zmˬ˗eu tsawˇ haˬ deuˬ” lehˇ ehˇ˗eu biˬdiˬoˬ˗ahˇ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
1914 kʼoꞈ dahˬ beh laˇ dzaˬ˗ahˇ, Jaˇliꞈ dzaw zaˬ deuˬ tsawˇ haˬ deuˬ Jaˇliˬ˗ahˇ gʼoˆ shaw nya ni caw ba nehˬ˗eu gʼaˇ duˬ, aˬ jeˬ˗euˬ keu ka yaw shuiꞈ˗ahˇ zmˬ˗euˬ nga? Aˬ joˆ˗ehˇ pyeuꞈ laˇ˗euˬ nga?
1916 kʼoꞈ hawˇ˗eu 1918 kʼoꞈ˗ahˇ, aˬ jeˬ˗euˬ lawˬ haw˗eu jeˬ jaˆ laˇ˗awˇ, Yeˬhawˇbaˬ aˇ maꞈ aˇ muˇ˗ahˇ sheuˬ gʼeh luꞈ nga lehˇ aˬ joˆ˗ehˇ siˬ laˇ˗eu nga?
Yeˬhawˇbaˬ˗euˬ tsawˇ haˬ deuˬ, laˆ tsoeˬ laˇ gaˇ ya daˬ kʼawꞈ nui ma ziꞈ dah ni aˬ joˆ˗ehˇ jawˇ˗euˬ nga?
1935 kʼoꞈ˗ahˇ Yeˬhawˇbaˬ˗euˬ tsawˇ haˬ deuˬ aˬ jeˬ gaˇ kawˆ˗ahˇ gʼoˆ shaw paˇ˗euˬ nga? Heu aˬ yawꞈ maꞈ˗ahˇ aˬ joˆ˗ehˇ taꞈ˗eu nga?
Nawˇ nawˬ˗euˬ miˇ kʼahˬ˗ahˇ˗euˬ Beˬdeˬlaˇ, maˬ ngeuˇ naˇ saˇ naˇ dawˬ pehˬ hmˬ˗ahˇ˗euˬ Jaˇliꞈ byaˬ duˬ˗ahˇ iˇ hawˬ˗euˬ naˇ, Yeˬhawˇbaˬ aˬ yawꞈ˗euˬ tsawˇ haˬ deuˬ˗ahˇ sheuˬ gʼeh˗awˇ haw piˇ luꞈ˗eu lehˇ nawˬ˗ahˇ bi jah ziꞈ laˇ˗eu aˬ jeˬ jeˇ ya mawˇ leˬ?