Huˬ mehˬ mehˬ˗eu gʼaˬ geuꞈ˗awˇ Yeˬhawˇbaˬ˗ahˇ ja ceuˬ

Yeˬhawˇbaˬ Iˇsaˬleˬlaˆ deuˬ˗ahˇ Iˇjiˇtuˆ miˇ kʼahˬ˗ahˇ neh sheuˬ doˆ˗awˇ, Iˇjiˇtuˆ˗euˬ sahˬ paˬ˗euˬ guiˇ maꞈ˗ahˇ neh ka kʼoꞈ˗eu nehˬ˗euˬ miˇ neh, Iˇsaˬleˬlaˆ deuˬ Yeˬhawˇbaˬ˗ahˇ ya ja ceuˬ˗eu yaw duˬ baw meh. (Doˆ˗iˇ˗eu 15:1, 2) Yeˬhawˇbaˬ aˬ yawꞈ˗euˬ zaˬ lahˇ deuˬ˗ahˇ muiˬ˗eu jeˬ tehꞈ˗ehˇ mˇ nehˬ˗eu miˇ neh, aˬ dui aˬ yawꞈ˗ahˇ guiˬ lahˬ huiˬ˗eu lehˇ aˬ joˆ˗ehˇ mˇ mawˇ nya˗eu nga?—Ja ceuˬ 116:12.

Aˬ dui jahˇ nya˗eu tiˬ jeˬ naˇ, tiˬ poˆ na maˬ ngeuˇ naˇ, aˬ myah luꞈ huˬ mehˬ mehˬ˗eu gʼaˬ geuꞈ˗eu heu meh. Nawˇ huˬ mehˬ mehˬ˗eu gʼaˬ geuꞈ mawꞈ˗eu nui ma, hawˇ˗eu geuꞈ˗eu gʼaˬ ahˇ laˇ ni caw ba nehˬ laꞈ lehˇ, Yeˬhawˇbaˬ˗ahˇ guiˬ lahˬ shaˇ nya meh. (Piˇliˇpiˆ 2:13) Yaw myaˬ gʼaˬ tiˬ poˆ na huˬ mehˬ mehˬ geuꞈ˗awˇ neh dahˬ beh˗eu meh. Nawˇ Smˇ siˬ ba la, Oeˬ siˬ ba la ma ngeuˇ naˇ aˇ maꞈ˗ahˇ sheuˬ gʼeh˗eu gʼaˬ gʼa laˇ ngeh siˬ˗ahˇ naˬ liˬ 30 laꞈ maˬ ngeuˇ naˇ 50 laꞈ mˇ˗eu laˬ lehˇ tseˇ nya meh. Nawˇ tiˬ poˆ na huˬ mehˬ mehˬ˗eu gʼaˬ geuꞈ˗eu heu naˇ, laˬ kʼaˬ aˇ naˆ ni cehˇ˗eu lehˇ ya mawˇ ngeh, heu naˆ maˬ tseˇ mˇ daˆ leꞈ mawꞈ˗eu miˇ neh, aˬ myah luꞈ huˬ mehˬ mehˬ˗eu gʼaˬ geuꞈ mawꞈ laˇ˗eu paˬ. Gaˇ aˇ yamˬ tiˬ byah ni mˇ˗eu deuˬ maˬ ehˇ, jawˇ saˇ yaw kʼaˆ˗ehˇ maˬ doˆ˗eu deuˬ kʼawꞈ, aˬ myah luꞈ huˬ mehˬ mehˬ˗eu gʼaˬ geuꞈ nya˗eu meh. (mwb16.07 8) Yeˬhawˇbaˬ˗ahˇ ja ceuˬ˗eu gʼaˇ duˬ nawˬ neh leh jeh˗awˇ kʼaˇ mˇ˗eu jeˬ˗ahˇ aˬ yawꞈ aˇ poe taˬ baw˗eu yaw duˬ baw meh.—1 Laˬsaˬbaˬ 16:25.

Moˬgoˇliˬ˗yaˬ˗ahˇ jawˇ˗eu smˬ mehˇ nmˇ lehˇ ehˇ˗eu biˬdiˬoˬ˗ahˇ haw gʼaˬ naˇ, laꞈ oˆ jaˆ˗eu naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Heu smˬ mehˇ nmˇ aˬ geu jeˬ˗euˬ shaˬ zahˬ˗ahˇ ya tahˬ puˬ˗awˇ huˬ mehˬ mehˬ˗eu gʼaˬ geuꞈ nya˗eu gʼaˇ duˬ, aˬ yawꞈ maꞈ aˬ jeˬ jahˇ˗eu nga?

• 

  Heu smˇ gʼaˬ aˬ jeˬ jeˇ guiˬ lahˬ za˗eu nga?

• 

  Aˬ yawꞈ maꞈ aˬ myah luꞈ huˬ mehˬ mehˬ˗eu gʼaˬ geuꞈ˗eu heu naˇ, Miˬyehˇ˗euˬ gaˇ aˬ jeˬ jeˇ ya mˇ nga siˬ?

• 

  Aˬ yawꞈ maꞈ˗euˬ gaˇ kawˆ heu naˇ, aˬ cawˬ˗ahˇ gaˇ dahˇ aˬ joˆ˗ehˇ tsoeˬ˗eu nga?