Jaˇliꞈ laꞈ kʼoeˇ˗euˬ poeˬ˗eu zaˬ siˬ nui gahˇ | Uˬduˬtahˬ˗eu 1-3
Lawˇ˗eu shehˇ˗eu jeˬ aˬ jeˬ˗euˬ gʼaˇ duˬ nga?
Zahˇ dawˬ˗euˬ dawˬ ma saˇ jaˇ laꞈ kʼoeˇ ehˇ taˬ˗euˬ lawˇ˗eu shehˇ˗eu jeˬ maˬ ngeuˇ naˇ damˬ nehˬ˗eu jeˬ heu naˇ, Yeˬhawˇbaˬ˗ahˇ nui kʼahˇ bi shiˇ˗eu jeˬ pyeuꞈ˗awˇ, Yeˬsuˇ˗euˬ ka kʼoꞈ˗eu jeˬ˗ahˇ aˇ baˇ baˇ mawˇ nehˬ˗eu uˬ taꞈ, teu˗ahˇ neh za˗euˬ gaˇ dahˇ tsoeˬ˗eu jeˬ˗ahˇ jiˇ bi siˬ laꞈ˗eu meh.—Heˬbyehˇ 8:3-5; 9:9; 10:5-10.
Lawˇ˗eu shehˇ˗eu jeˬ zaˬ yaw loˆ loˆ lehˇ ya gʼeh˗awˇ maˇ byawꞈ maˬ ya baw˗eu loꞈ˗ehˇ Yeˬsuˇ jiˇ byah kuꞈ˗awˇ ehˇ kʼaˇ maˬ ya˗eu aˬ yawꞈ˗euˬ gʼawˇ mawˇ lawˇ˗eu meh.—1 Beˬtuˆluˆ 1:18, 19
Miˬ dzaˬ˗ahˇ dzah puiˆ˗awˇ lawˇ˗eu jeˬ zaˬ heu Miˬyehˇ˗ahˇ mawˇ lah ni ya lawˇ nehˬ˗eu loꞈ˗ehˇ, Yeˬsuˇ kʼawꞈ aˬ yawꞈ˗euˬ gʼawˇ mawˇ dawˬ tawˆ luꞈ Yeˬhawˇbaˬ˗ahˇ lawˇ nehˬ
Miˬyehˇ nui kʼahˇ shiˇ˗eu cawˬ cawˬ taꞈ˗eu lawˇ˗eu shehˇ˗eu jeˬ lawˇ˗eu deuˬ, Miˬyehˇ nehˬ˗ehˇ nui saˇ oꞈ˗eu meh. Yeˬsuˇ shiˇ˗euˬ gaˇ Noeˬ mawˇ˗eu mehˬ bawˬ˗ahˇ kaˬ muˇ dzaˬ˗awˇ, aˬ gaꞈ dzaˇ uiˇ dawˇ deuˬ tseˇ doˆ taˬ˗euˬ deuˬ jiˇ Miˬyehˇ nehˬ˗ehˇ nui saˇ oꞈ