Ka li zaˬ˗euˬ dehꞈ ziˇ

Maˬgaˬziˇ paˇ dmˬ zmˬ daˆ leꞈ

2018 kʼoꞈ˗ahˇ neh naˇ, laꞈ nyiˇ paw zmˬ˗eu maˬgaˬziˇ paˇ dmˬ laꞈ kʼoeˇ tiˬ dmˬ dmˬ lah ni gaˇ kawˆ daˬ ma tiˬ kawˆ˗ahˇ tehꞈ˗ehˇ ngehˬ keuˆ taˬ˗awˇ, Mehˬ˗eu Keu ka bawˬ laꞈ kʼoeˇ ahˇ˗eu tiˬ jeˬ pyeuꞈ meh. Teu miˇ neh aˬ dui Miˬyehˇ gaˇ mˇ ngeh, maˬgaˬziˇ heu zmˬ nya˗awˇ, laꞈ nyiˇ iˇ ngeh maˬ ehˇ, myawˬ zeuˇ˗iˇ ngeh maˬ ehˇ, maˬgaˬziˇ heu yuˇ˗awˇ iˇ nya meh. Maˬgaˬziˇ heu tsawˇ haˬ deuˬ˗ahˇ Jaˇliꞈ dzaw nehˬ˗eu gʼaˇ duˬ jahˇ doˆ laꞈ˗euˬ maˬ ngeuˇ kʼawꞈ, tiˬ gʼaˬ na˗ahˇ Miˬyehˇ˗euˬ gaˇ kawˆ˗ahˇ siˬ nya mawꞈ laˇ ni caw ba nehˬ nya meh.

Tsawˇ haˬ deuˬ nehˬ˗ehˇ ngehˬ cawˬ dahˬ beh gʼaˬ ngeh, Jaˇliꞈ aˇ deuˆ tiˬ deuˆ gui nehˬ˗awˇ, maˬgaˬziˇ laꞈ kʼoeˇ ahˇ˗eu aˬ yawꞈ siˬ nya mawꞈ˗eu gaˇ kawˆ˗ahˇ ngehˬ keuˆ. Yaw jeˬ ma jeˬ, aˬ dui aˬ yawꞈ nymˇ jiˇ˗ahˇ ya ngehˬ gʼeh˗eu maˬ ngeuˇ naˇ, noeˬ shaˬ kʼahˬ lahˇ luꞈ˗eu lehˇ ya mawˇ naˇ, “Ngaˇ nymˬ˗mˇ hawˇ˗eu gaˇ kawˆ heu˗ahˇ ya gui˗euˬ ma. Nawˬ˗ahˇ jiˇ gaˇ dahˇ tsoeˬ meh lehˇ noeˬ miˇ˗a” lehˇ ehˇ nehˬ nya meh. Tsaꞈ gaˬ dahˬ beh˗eu poˆ pyeuꞈ kʼawꞈ, aˬ yawꞈ siˬ nya mawꞈ naˇ, maˬgaˬziˇ teu dmˬ biꞈ nehˬ nya˗awˇ, naˬ gaˬ paw neh jiˇ sha nehˬ nya meh. Aˬ dui neh aˇ pyaˇ daˬ taˬ˗euˬ jeˬ naˇ, maˬgaˬziˇ heu biꞈ˗eu lehˇ maˬ ngeuˇ kʼawꞈ, laꞈ nyiˇ paw zmˬ˗eu maˬgaˬziˇ heu naˇ yawˬ ha neh ya siˬ˗euˬ jeˬ˗ahˇ nui ma keuˆ˗eu laꞈ kʼoeˇ mˇ caw˗eu deuˬ˗ahˇ poˆ mawˇ nya ni caw ba nehˬ nya meh.—Gʼaˬkʼehˇ 13:48.

2018

Aˇ baˇ: ‘Loꞈ˗eu nymˇgoˇ’ hawˇ˗eu ‘Noeˬlaˇ˗awˬ!’ paˇ dmˬ˗euˬ sahˬ boꞈ baˆ kʼoˆ˗ahˇ ngehˬ kawˆ taˬ˗euˬ gaˇ kawˆ uˬ dzah deuˬ. 1. ‘Jaˇliꞈ nymˬ˗mˇ iˬ nah keuˆ ni zmˬ nya ngaˇ siˬ loˇ?’ 2. ‘Mehˬ hu paw aˬ jeˬ pyeuꞈ laˇ˗eu nga?’ 3. ‘Miˬyehˇ nawˬ˗ahˇ kʼahˬ lahˇ ngaˇ laˬ?’ 4. ‘Aˬ dui˗ahˇ laˬ kʼaˬ bi cehˇ˗eu aˬ geu jeˬ nga?’ 5. ‘Nui ma cawˆ luꞈ˗eu deuˬ˗ahˇ caw ba˗eu jeˬ.’

2019

2020

Nawˬ˗euˬ tsaꞈ gaˬ duˬ˗ahˇ˗euˬ tsawˇ haˬ deuˬ, aˬ jeˬ˗euˬ gaˇ kawˆ˗ahˇ siˬ nya mawꞈ˗eu nga?