Yawˬ ha˗euˬ nymˇ dahˬ˗ahˇ haw piˇ

Yeˬhawˇbaˬ oeˇ mˇ baˇ dzaˬ ngeh saˇ jaˇ dzaˬ˗euˬ dawˬ˗ahˇ aˇ yeˇ huiˬ˗eu lehˇ haw˗awˇ, miˬ zaˬ hawˇ˗eu kʼaˬ dzeˇ zaˬ deuˬ aˬ myah luꞈ yaw gʼoeˇ gʼoeˇ lehˇ ya jawˇ meh lehˇ ehˇ˗eu meh. (Maꞈtehˬ 19:5, 6) Miˬyehˇ˗ahˇ uˬ duˬ tahˬ˗eu miˬ sawˇ yo zaˬ gʼawˬ mya gu nymˇ dahˬ laꞈ kʼoeˇ laˬ kʼaˬ cehˇ˗eu meh. Ehˇ kʼawꞈ maˬ byah kuꞈ˗eu miˇ neh tiˬ poˆ na gaˇ kawˆ doˆ laˇ nya˗eu meh. Aˬ dui gaˇ kawˆ deuˬ˗ahˇ laˆ piˇ˗eu gʼaˇ duˬ, jawˇ gʼawˬ˗eu maˬ ngeuˇ naˇ gʼawˬ˗eu tsawˇ haˬ deuˬ loꞈ˗ehˇ maˬ ya jahˇ˗a. Sheuˬ dahˬ dzaˬ dzeuˇ˗euˬ Ka li zaˬ deuˬ yawˬ ha˗euˬ nymˇ dahˬ˗ahˇ aˬ joˆ˗ehˇ haw piˇ nya˗eu nga?

Aˬ dui aˇ yeˇ huiˬ˗eu 5 jeˬ˗ahˇ haw ma.

1. Nymˇ dahˬ bi pyaˆ˗iˇ nya˗eu dehꞈ bahˬ dehꞈ muˆ˗eu byawˬ gʼa moˆ gʼa˗eu jeˬ hawˇ˗eu aˬ cawˬ˗ahˇ ngehˬ cawˬ niˇ gʼa˗eu jeˬ˗ahˇ yahˇ˗eu heu neh nui ma˗ahˇ haw piˇ.—Maꞈtehˬ 5:28; 2 Beˬtuˆluˆ 2:14.

2. Miˬyehˇ nehˬ˗ehˇ cawˬ cawˬ˗eu jeˬ ziꞈ dah ni bi gʼeh˗awˇ nawˬ˗euˬ nymˇ dahˬ˗ahˇ Miˬyehˇ nui kʼahˇ shiˇ ni jiˇ leh jeh.—Ja ceuˬ 97:10.

3. Miˬyehˇ˗ahˇ neh oe˗euˬ nui ma yaw shuiꞈ beˬ paˇ˗awˇ, nawˬ˗euˬ nymˇ dahˬ˗ahˇ laˬ kʼaˬ bi cehˇ˗eu yaw awˬ awˬ lehˇ gʼeh˗eu tiˬ jeˬ na mˇ nehˬ.—Gawˇlawˇsehˇ 3:8-10, 12-14.

4. Tiˬ gʼaˬ tiˇ gʼaˬ yaw zeu baw, dawˬ muiˬ ngehˬ.—Gawˇlawˇsehˇ 4:6.

5. Gʼoeˇ˗eu gaˬ˗eu laꞈ kʼoeˇ tiˬ gʼaˬ tiˇ gʼaˬ˗euˬ nui kʼahˇ mˇ byah.—1 Gawˇliˬtu 7:3, 4; 10:24.

Ka li zaˬ deuˬ nymˇ dahˬ dahˬ dzaˬ˗eu jeˬ˗ahˇ yaw zeu baw naˇ, sheuˬ dahˬ dzaˬ˗eu jeˬ˗ahˇ aˇ dahˬ beh˗euˬ Yeˬhawˇbaˬ˗ahˇ taˬ huiˬ taˬ mahˇ˗eu jeˬ pyeuꞈ meh.

Aˬ dui ‘nui ma ziꞈ dah ni ya cehˆ’—Cehˆ ceh ceh˗eu zahˇ˗ahˇ caw teh lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Sheuˬ dahˬ dzaˬ˗eu jeˬ yaw beh ngeh laˬ kʼaˬ cehˇ kʼawꞈ, aˬ jeˬ˗euˬ gaˇ kawˆ doˆ laˇ nya˗eu nga?

• 

  Jaˇliꞈ zahˇ nymˇ dahˬ dahˬ dzaˬ˗eu laꞈ kʼoeˇ laˬ kʼaˬ maˬ cehˇ nya lehˇ noeˬ˗euˬ deuˬ˗ahˇ, aˬ joˆ˗ehˇ caw ba nya˗eu nga?

• 

  Yeˬhawˇbaˬ sheuˬ dahˬ dzaˬ˗eu jeˬ˗ahˇ aˇ dahˬ beh ngeh, aˬ jeˬ˗euˬ zahˇ dawˬ biꞈ˗euˬ nga?

• Nymˇ dahˬ dahˬ dzaˬ˗eu laꞈ kʼoeˇ laˬ kʼaˬ bi cehˇ˗eu gʼaˇ duˬ, nyiˬ gʼaˬ luꞈ aˬ jeˬ ya jahˇ˗eu nga?