Yawˬ ha˗euˬ nui kʼahˇ˗ahˇ gʼaˬ leˇ ni deuˆ ceh ceh

Aˬ dui maˬ byah kuꞈ˗eu miˇ neh, yawˬ ha˗euˬ nui ma˗ahˇ gʼaˬ leˇ ni ya leh jeh˗eu meh. Aˬ dui yawˬ ha˗euˬ nui kʼahˇ tehꞈ˗ehˇ mˇ naˇ, Yeˬhawˇbaˬ nui kʼahˇ maˬ shiˇ˗eu kʼawꞈ pyeuꞈ nya meh. Yaw jeˬ ma jeˬ, tiˬ gʼaˬ na dzaˬ dzaˬ dawˇ dawˇ˗ahˇ maˬ ehˇ, dm gʼaˬ dm lmˇ˗ahˇ maˬ ehˇ, jawˇ duˬ jawˇ zaˇ˗ahˇ maˬ ehˇ, Miˬyehˇ˗ahˇ naˆ maˬ tseˇ taˬ huiˬ˗eu meh. Tiˬ gʼaˬ na naˇ, yuꞈ taꞈ jawˇ taꞈ˗eu jeˬ nehˬ˗ehˇ taꞈ leˇ˗awˇ, Miˬyehˇ˗euˬ zahˇ dawˬ˗ahˇ maˬ shaˇ noeˬ ni yawˬ ha˗euˬ nui kʼahˇ tiˬ shiˇ dehꞈ˗eu meh. (Loˇmaˆ 1:26, 27) Tiˬ deuˬ na naˇ, aˬ cawˬ neh bi gʼoeˇ bi gaˬ mawꞈ˗eu miˇ neh, maˬ tsaˬ˗a lehˇ siˬ nya˗eu kʼawꞈ aˬ yawꞈ maꞈ˗euˬ nui kʼahˇ mˇ˗eu meh.—Doˆ˗iˇ˗eu 23:2.

Toˆ˗ehˇ naˇ, aˬ dui yawˬ ha˗euˬ nui kʼahˇ˗ahˇ aˬ joˆ˗ehˇ gʼaˬ leˇ nya˗eu nga? Aˬ dui kʼaˇ gʼeh nya gaˇ neh leh jeh˗awˇ, Yeˬhawˇbaˬ nui kʼahˇ shiˇ˗eu jeˬ˗ahˇ ya haw tsoˆ taˬ˗eu meh. (Maꞈtehˬ 4:4) Kʼoeˇ naˇ maˬ tsaˬ˗eu nui kʼahˇ deuˬ˗ahˇ gʼaˬ leˇ nya ni, Yeˬhawˇbaˬ˗ahˇ guiˬ lahˬ ya shaˇ˗eu meh. Yeˬhawˇbaˬ aˬ dui˗euˬ gʼaˇ du, aˬ jeˬ muiˬ dzehˬ˗eu lehˇ siˬ nya˗awˇ, aˬ dui˗ahˇ aˬ joˆ˗ehˇ ya caw ba˗eu lehˇ jiˇ siˬ nya˗eu meh.—Ja ceuˬ 145:16.

Paꞈ yoˆ˗euˬ uˬ kʼoeˬ neh nawˬ˗euˬ dehꞈ ziˇ˗ahˇ taˬ bi laˆ cawˆ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• 

  Tiˬ gʼaˬ na aˬ jeˬ miˇ neh paꞈ yoˆ dawˇ˗eu nga?

• 

  Paꞈ yoˆ dawˇ˗eu heu naˇ, aˬ dui˗ahˇ aˬ joˆ˗ehˇ deuˬ˗eu nga?

• 

  Paꞈ yoˆ dawˇ˗eu, ya hawˬ lawˬ muˇ shuˆ˗eu heu naˇ, aˬ jeˬ miˇ neh bahˬ˗eu nga?—2 Gawˇliˬtu 7:1

• 

  Tiˬ gʼaˬ na aˬ dui˗ahˇ paꞈ yoˆ biꞈ laꞈ ngeh, maˬ dawˇ lehˇ ehˇ nehˬ˗eu gʼaˇ duˬ, hawˇ˗eu paꞈ yoˆ daˇ˗eu gʼaˇ duˬ, aˬ jeˬ ya jahˇ˗eu nga?