Huˬ mehˬ mehˬ˗eu gʼaˬ geuꞈ˗eu

Aˬ dui Miˬyehˇ˗euˬ gaˇ˗ahˇ heu naˆ maˬ tseˇ mˇ˗eu lehˇ aˇ pyaˇ daˬ˗eu heu naˇ, yawˬ ha˗euˬ gʼaˬ˗ahˇ yaw gahˇ gahˇ˗ehˇ zmˬ˗eu jeˬ pyeuꞈ meh. (1 Gawˇliˬtu 9:26) Aˬ dui aˇ pyaˇ daˬ taˬ naˇ, miˇ tsaˬ heu siˬ aˇ saˬ maˬ saˬ˗euˬ yaw kaˬ˗ahˇ yawˬ ha˗euˬ aˇ yamˬ˗ahˇ yaw gahˇ gahˇ˗ehˇ zmˬ nya˗eu meh. (Eˇpeˇsu 5:15, 16) Nawˬ˗euˬ nymˇ jiˇ uˬ duˬ tahˬ ngeh, dzaˇ˗i tiˬ poˆ paˇ keuˆ le luꞈ˗eu Miˬyehˇ˗euˬ gaˇ mˇ˗eu kʼoꞈ shuiꞈ laꞈ kʼoeˇ, aˬ jeˬ jeˇ mˇ mawꞈ nya lehˇ ja cawˬ haw˗awˬ tawˇ. Bawˬ dzaˬ˗eu sahˬ boꞈ aˇ taꞈ heu dmˬ laꞈ kʼoeˇ aˬ dui maˇ diˇ mˇ nya˗awˇ guiˬ lahˬ shaˇ keuˆ paˬ˗ehˇ gʼeh˗eu aˇ pyaˇ deuˬ˗ahˇ ngehˬ keuˆ taˬ˗euˬ meh.—Yaˬkoˆ 1:5.

Yaw jeˬ ma jeˬ, nymˇ jiˇ laꞈ kʼoeˇ˗euˬ yawˬ gʼaˬ na luꞈ caw ba˗awˇ, tiˬ gʼaˬ˗ahˇ huˬ mehˬ mehˬ˗eu gʼaˬ bi geuꞈ˗eu za meh loˇ? Nawˇ naˬ liˬ aˇ laꞈ maˬ mˇ byah nya gaˇ kʼahˬ lahˇ naˇ, nawˇ loꞈ˗ehˇ pyeuꞈ luꞈ˗eu huˬ mehˬ mehˬ˗eu tiˬ gʼaˬ na˗ahˇ ja cawˬ haw˗awˬ tawˇ. (Dawˬdaˬ 15:22) Nymˇ jiˇ uˬ duˬ tahˬ ngeh, huˬ mehˬ mehˬ˗eu tiˬ gʼaˬ na˗ahˇ naˇ haˬ tseˇ nya meh. Kʼoeˇ naˇ aˇ yamˬ aˬ joˇ joˆ˗ehˇ biˇ˗eu lehˇ boꞈ doˆ laꞈ. Dzeuˇ yaꞈ ngeh nawˇ huˬ mehˬ mehˬ˗eu gʼaˬ geuꞈ haw˗euˬ naˇ jiˇ, tiˬ poˆ paˇ geuꞈ kʼoꞈ˗eu za ngaˇ laˬ lehˇ shaˇ noeˬ haw.

Nawˬ˗euˬ nymˇ jiˇ laꞈ kʼoeˇ ba la tiˬ siˬ maˬ ngeuˇ naˇ teu myah maˬ tseˇ tiˬ poˆ na huˬ mehˬ mehˬ˗eu gʼaˬ geuꞈ nya˗eu tiˬ gʼaˬ na jawˇ meh loˇ? Nawˇ gʼaˬ yaw kʼaˆ˗ehˇ maˬ ahˇ naˇ, yawˬ nah na luꞈ Miˬyehˇ˗euˬ gaˇ aˇ yamˬ yaw nymˇ nymˇ lehˇ mˇ˗awˇ tiˬ poˆ na huˬ mehˬ mehˬ˗eu gʼaˬ geuꞈ nya meh. Gaˇ aˇ yamˬ tiˬ byah ni mˇ˗eu deuˬ hawˇ˗eu sahˬ boꞈ dzaw zaˬ deuˬ, jawˇ nah dzeuˇ tiˬ nah˗ahˇ neh ngaˬ nah yaw kaˬ˗ahˇ aˇ yamˬ maˬ jaˆ naˇ, koꞈ nah jawˇ nah ngaˬ poˆ jaˆ˗eu ba la aˇ siˬ˗ahˇ tseˇ˗awˇ geuꞈ nya meh. Ba la aˬ geu siˬ˗ahˇ tiˬ poˆ na huˬ mehˬ mehˬ˗eu gʼaˬ geuꞈ˗eu lehˇ boꞈ taˬ˗awˇ, aˇ yamˬ aˬ joˆ˗ehˇ biˇ˗eu lehˇ jiˇ boꞈ taˬ luꞈ˗uˇ.—Dawˬdaˬ 21:5.

Kʼaˬ duˬ ni gʼeh . . . Huˬ mehˬ mehˬ˗eu gʼaˬ, lehˇ ehˇ˗eu biˬdiˬoˬ˗ahˇ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Ehˇmaˬ˗euˬ gaˇ kawˆ˗ahˇ haw ngeh, Yeˬhawˇbaˬ huˬ mehˬ mehˬ˗eu gʼaˬ geuꞈ˗eu lehˇ leh jeh˗eu deuˬ˗ahˇ gaˬ˗awˇ ngehˬ gʼeh˗eu gaˇ kawˆ nehˬ˗ehˇ taꞈ leˇ˗awˇ aˬ dui˗ahˇ aˬ jeˬ bi siˬ laꞈ˗eu nga?