Tsaꞈ gaˬ˗eu deuˬ loˬ dzehˬ gaˇ caw ba˗iˇ˗eu

Aˬ dui jawˇ duˬ yaw shuiꞈ˗ahˇ pawˇ˗iˇ˗awˇ Miˬyehˇ˗euˬ gaˇ mˇ huiˬ gʼeh˗eu gʼaˇ duˬ, nui jah ya ahˇ˗eu meh. (Heˬbyehˇ 11:8-10) Nawˇ tsaꞈ gaˬ˗eu deuˬ loˬ dzehˬ gaˇ caw ba iˇ˗eu lehˇ shaˇ noeˬ luꞈ naˇ, aˇ muˇ˗ahˇ sheuˬ gʼeh˗eu deuˬ nehˬ˗ehˇ ja cawˬ nya meh. Aˬ geu gaˇ caw ba˗iˇ˗awˇ, teu gaˇ pyuˇ aˇ myaˆ ni ya zmˬ nga lehˇ siˬ nya˗eu gʼaˇ duˬ aˬ jeˬ jeˇ ya jahˇ˗eu nga? Tsaꞈ gaˬ˗eu deuˬ loˬ dzehˬ gaˇ Miˬyehˇ gaˇ mˇ˗eu gaˇ kawˆ deuˬ˗ahˇ gui nya˗awˇ, yawˬ gaˇ yawˬ Miˬyehˇ gaˇ mˇ˗iˇ haw˗euˬ deuˬ˗ahˇ naˇ haˬ nya meh. (Dawˬdaˬ 15:22) Kʼoeˇ naˇ, Yeˬhawˇbaˬ neh bi sheuˬ gʼeh˗eu gʼaˇ duˬ guiˬ lahˬ shaˇ. (Yaˬkoˆ 1:5) Nawˇ caw ba˗iˇ˗eu lehˇ gʼeh˗eu jawˇ duˬ aˬ joˆ˗ehˇ gʼeh nga lehˇ poˆ tseˇ haw˗awˇ, gʼeh nya naˇ teu gaˇ oeˬ nah ngaˬ nah laˬ lehˇ gʼa˗iˇ haw.

Jah˗eu laꞈ kʼoeˇ huiˬ˗eu gaˇ deuˬ mˇ—Loˬ dzehˬ gaˇ caw ba˗iˇ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Gaˬbeˬlaˇ aˬ jeˬ˗euˬ shaˬ zahˬ˗ahˇ ya tahˬ puˬ˗euˬ nga? Aˬ yawꞈ˗ahˇ caw ba nehˬ˗euˬ aˬ jeˬ nga?