Gʼoꞈ dehꞈ laˇ˗eu jeˬ maˇ diˇ maˬ pyeuꞈ laˇ˗euˬ kʼoeˇ keuˆ ni

Aˬ dui gaˬ˗eu tiˬ gʼaˬ na shiˇ ngeh, gʼoꞈ dehꞈ laˇ˗eu gaˇ kawˆ noeˬ tmˬ˗eu jeˬ heu naˇ, aˬ dui˗ahˇ gʼaˬ bi ahˇ laˇ˗eu meh. Iˬ baˇ hawˇ˗eu shiˇ˗eu jeˬ heu naˇ, aˬ dui˗ahˇ ciˬ tehˬ taˬ˗euˬ jeˬ˗ahˇ duˇ˗eu meh. (Iˇsaˬyaˇ 25:7, 8) Teu baˬ da neh Miˬyehˇ neh “kʼaˇ beh taˬ˗euˬ yawˬ jeˬ na luꞈ iˬ nah keuˆ ni shaˬ zahˬ naꞈ”˗eu meh. (Loˇmaˆ 8:22) Gʼoꞈ dehꞈ laˇ˗eu jeˬ maˇ diˇ maˬ pyeuꞈ laˇ˗euˬ kʼoeˇ keuˆ ni, aˬ dui gaˬ˗eu gʼaˬ shiˇ ngeh aˬ joˆ˗ehˇ kamˬ daˬ nya˗eu nga? Jaˇliꞈ mehˬ˗eu jeˬ aˬ dui˗ahˇ caw ba nya meh.

Gaˬ˗eu gʼaˬ shiˇ ngeh lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Mehˇ nmˇ Dehˇniˬ˗oˬ hawˇ˗eu Maˬsaˆhiˆlo uˬ taꞈ Yoˬsiˆmiˆ, nui ma cawˆ laˇ paˬ˗ehˇ gʼeh˗eu aˬ jeˬ˗euˬ gaˇ kawˆ˗ahˇ ya tahˬ puˬ˗euˬ nga?

• Maˇ diˇ zmˬ nya˗eu nui noeˬ nui duˇ heu ngaˬ jeˬ, aˬ yawꞈ maꞈ˗ahˇ aˬ joˆ˗ehˇ caw ba˗euˬ nga?

• Yawˬ jawˇ na luꞈ aˬ dui˗ahˇ gʼaˬ biꞈ nehˬ nya˗eu aˬ suˇ gʼaˬ nga?—2 Gawˇliˬtu 1:3, 4