Nyi naˬ nyi naˬ˗ehˇ gʼeh˗eu tsawˇ haˬ maˬ pyeuꞈ ni yahˇ

Nyi naˬ nyi naˬ˗ehˇ gʼeh˗eu deuˬ naˇ, mˇ nya˗eu jeˬ hawˇ˗eu mˇ paˬ˗ehˇ gʼeh˗eu jeˬ˗ahˇ kawˇ maˇ˗ehˇ maˬ mˇ ni jawˇ˗eu meh. Yeˬhuˇ teu loꞈ˗ehˇ maˬ gʼeh˗a. Yeˬhawˇbaˬ aˬ yawꞈ˗ahˇ Aˬhaˆ˗euˬ nymˇ jiˇ˗ahˇ sehꞈ iˇ lehˇ dawˬ biꞈ ngeh, aˬ yawꞈ taˆ lehˇ mˇ˗euˬ meh. (2 Sahˬpaˬ 9:6, 7, 16) Tiˬ gʼaˬ na “Nyiˬ kʼoꞈ smˇ kʼoꞈ gʼeh˗awˇ neh hawˇ˗eu iˇ cuꞈ shawˇ ma” lehˇ ehˇ˗awˇ, tiˬ gʼaˬ na naˇ, “Gʼawˬ myahˇ maˬ gʼeh˗ehˇ Jaˇliꞈ gui dahˬ beh ma” lehˇ ehˇ˗eu meh. Tiˬ gʼaˬ na naˇ kʼawꞈ, “Gaˇ heu naˆ maˬ tseˇ muiˬ˗eu poˆ mawˇ nya naˇ, huˬ mehˬ mehˬ˗eu gʼaˬ geuꞈ ma” lehˇ ehˇ˗eu meh. Jaˇliꞈ aˬ dui˗ahˇ Miˬyehˇ˗ahˇ uˬ duˬ tahˬ˗eu jeˬ nehˬ˗ehˇ taꞈ leˇ˗awˇ maˬ nyi naˬ ni caw ba nehˬ nya˗eu meh.

Jaˇliꞈ aˇ deuˆ heu deuˬ aˬ dui˗ahˇ nyi naˬ nyi naˬ˗ehˇ maˬ bi gʼeh ni, aˬ joˆ˗ehˇ caw ba nehˬ nya˗eu nga?

• Dawˬtsoˆ 5:4

• Dawˬtsoˆ 11:4

• 1 Gawˇliˬtu 7:29-31

• Yaˬkoˆ 4:13, 14