Ka li zaˬ˗euˬ dehꞈ ziˇ
Miˬyehˇ˗ahˇ saˇ jaˇ puiˬ˗euˬ deuˬ˗ahˇ yahˇ
Saˬdaˬ hawˇ˗eu aˬ yawꞈ uˆ lahˇ˗eu uˬ moˆ jawˇ˗eu deuˬ, maˇ maˇ ni gʼeh˗eu gaˇ kawˆ hawˇ˗eu jaˬ myawꞈ myawꞈ˗eu gaˇ kawˆ laˆ keuˬ laˆ so˗awˇ aˬ dui˗euˬ nui jah gʼaˬ bi baˬ iˇ ni leh jeh˗eu meh. (2 Gawˇliˬtu 11:3) Yaw jeˬ ma jeˬ, Aˬshuˇliˆ˗euˬ guiˇ maꞈ deuˬ, Yeˬhawˇbaˬ˗euˬ tsawˇ haˬ deuˬ˗ahˇ nui ma gʼaˬ bi baˬ˗iˇ˗eu gʼaˇ duˬ, ngeuˇ˗eu tiˬ paˆ maˬ ngeuˇ˗eu tiˬ paˆ lehˇ ngehˬ˗eu meh. (2 Laˬsaˬbaˬ 32:10-15) Nymˬ˗mˇ iˬ nah Miˬyehˇ˗ahˇ saˇ jaˇ puiˬ˗euˬ deuˬ jiˇ teu loꞈ˗ehˇ jahˇ˗eu meh. Aˬ dui teu deuˬ neh mehˬ˗euˬ jeˬ˗ahˇ ya siˬ ya mawˇ naˇ, aˬ joˆ˗ehˇ ya jahˇ˗eu nga? Aˬ dui teu˗ahˇ dzaˇ doꞈ pyeuꞈ˗eu loꞈ˗ehˇ ya haw˗eu meh. Taˬ gui, taˬ ngehˬ cawˬ, aˬ cawˬ˗ahˇ jiˇ taˬ sha nehˬ. Aˬ dui˗ahˇ Yeˬhawˇbaˬ hawˇ˗eu aˇ maꞈ aˇ muˇ˗ahˇ nui ma maˬ taˬ coeˇ ni bi gʼeh laˇ˗eu, Miˬyehˇ˗ahˇ puiˬ˗eu deuˬ neh pyehˬ kʼawˬ˗euˬ gaˇ kawˆ˗ahˇ ya haw doˆ nya˗awˇ, teu˗ahˇ ya yahˇ˗eu meh.—Yuˇdaˆ 3, 4.
“Jah˗eu jeˬ gʼaˇ duˬ leh jeh dui dui˗awˇ deuˆ ceh ceh” lehˇ ehˇ biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.
Aˬ dui iˇteuꞈnehꞈ laꞈ kʼoeˇ tiˬ jeˬ na gui ngeh, haw ngeh, aˬ jeˬ miˇ neh saˇ tiˇ taˬ paˬ˗ehˇ gʼeh˗eu nga?
Aˬ dui Loˇmaˆ 16:17 laꞈ kʼoeˇ ahˇ˗eu nui noeˬ nui duˇ˗ahˇ aˬ joˆ˗ehˇ mˇ caw nya˗eu nga?