Tiˬ siˬ ba la 15-21

• Yawˇbaˆ 36:26—Yeˬhawˇbaˬ aˬ myah luꞈ dehꞈ luꞈ jawˇ luꞈ meh lehˇ ehˇ˗eu gaˇ kawˆ˗ahˇ jah ziꞈ˗eu yaw shaˬ naˇ kʼahˬ lahˇ paˬ˗ehˇ gʼeh ngaˇ laˬ? (w22.12 2 ¶4)

  Nawˬ˗euˬ dawˬ kʼoꞈ

• Heu jaw˗ahˇ Jaˇliꞈ gui gaˇ neh aˬ jeˬ ya siˬ deˬ?

  Nawˬ˗euˬ dawˬ kʼoꞈ

Yeˬhawˇbaˬ˗euˬ aˇ maꞈ aˇ muˇ aˬ dui˗ahˇ shiˬ nehˬ˗ehˇ taꞈ˗eu Miˬyehˇ˗euˬ zahˇ sahˇ kʼoꞈ˗ahˇ mˇ caw nya ni aˬ dui˗ahˇ caw ba˗eu gʼaˇ duˬ gʼawˬ mya jeˬ lehˬ hmˬ nehˬ taˬ˗euˬ meh. (Gʼaˬkʼehˇ 15:28, 29) Nawˇ Yeˬhawˇbaˬ neh lehˬ hmˬ nehˬ˗euˬ heu jeˬ˗ahˇ zmˬ luꞈ ma loˇ?

Naˇ gawˇ laˆ saˆ˗eu jeˬ nehˬ˗ehˇ taꞈ leˇ˗awˇ aˬ cawˬ˗ahˇ bi ngehˬ dah˗eu aˇ taꞈ (DPA aˇ taꞈ) hawˇ˗eu Yawˬ ha˗euˬ gaˇ kawˆ boꞈ taˬ˗euˬ aˇ taꞈ (ic aˇ taꞈ): Aˇ taꞈ heu nyiˬ taꞈ˗aˬ, naˇ gawˇ laˆ saˆ luꞈ˗euˬ gʼaˬ shiˬ nehˬ˗ehˇ taꞈ leˇ˗awˇ aˬ joˆ˗ehˇ noeˬ˗eu lehˇ bi siˬ laꞈ˗eu meh. Iˇ cuꞈ shawˇ dzeuˇ˗euˬ deuˬ aˇ taꞈ heu˗ahˇ aˇ muˇ laꞈ kʼoeˇ˗euˬ sahˬ boꞈ paw haw˗eu gʼaˬ˗ahˇ shaˇ nya˗awˇ, yawˬ ha˗euˬ uˆ lahˇ˗eu uˬ moˆ jawˇ luꞈ˗eu zaˬ deuˬ˗euˬ gʼaˇ duˬ, Yawˬ ha˗euˬ gaˇ kawˆ boꞈ taˬ˗euˬ aˇ taꞈ (ic aˇ taꞈ) jiˇ shaˇ nya meh. Aˇ taꞈ teu yawˬ ha nehˬ˗ehˇ aˬ myah luꞈ bi jaˆ paˬ˗ehˇ gʼeh˗eu meh. Nawˇ aˇ taꞈ teu maˬ ya jahˇ˗euˬ siˬ naˇ, maˬ ngeuˇ naˇ tiˬ jeˬ na ya laˆ paˇ naˇ yaw kawˇ ma˗ehˇ jahˇ.

Zaˬ pi luꞈ˗eu deuˬ˗euˬ gʼaˇ duˬ (S-401) hawˇ˗eu kiꞈsaˬ (ma le) naˇ gawˇ ya laˆ saˆ˗eu deuˬ hawˇ˗eu ya pehꞈ˗eu deuˬ˗euˬ gʼaˇ duˬ (S-407): Aˇ taꞈ heu deuˬ naˇ aˬ dui˗ahˇ shiˬ hawˇ˗eu naˇ gawˇ laˆ saˆ˗eu jeˬ nehˬ˗ehˇ taꞈ leˇ˗awˇ lehˬ hmˬ ngeh caw ba nehˬ laꞈ˗eu meh. Nawˇ zaˬ pi luꞈ˗eu maˬ ngeuˇ naˇ ya pehꞈ˗eu maˬ ngeuˇ naˇ kiꞈsaˬ (ma le) naˇ gawˇ˗euˬ jaˆ gʼaˬ ya dawˆ luꞈ naˇ, nawˬ nehˬ˗ehˇ taꞈ leˇ˗eu sahˬ boꞈ aˇ taꞈ˗ahˇ aˇ muˇ˗ahˇ sheuˬ gʼeh˗eu deuˬ˗ahˇ shaˇ.

Naˇ gawˇ laˆ saˆ˗eu paw˗euˬ gawˬmiˬtiꞈ (HLC): Mehˇ nmˇ heu deuˬ naˇ saˬ laˬ gʼoˬ deuˬ˗ahˇ maˬ ehˇ, tsaꞈ gaˬ˗eu deuˬ˗ahˇ maˬ ehˇ, aˬ dui˗euˬ jah˗eu jeˬ˗ahˇ yaw muiˬ˗ehˇ dzawˇ nehˬ nya ni ya dzaw taˬ˗euˬ meh. Aˬ yawꞈ maꞈ saˬ laˬ gʼoˬ deuˬ˗ahˇ shiˬ maˬ dawˆ ni naˇ gawˇ laˆ saˆ˗eu gaˇ kawˆ ja ahˇ nehˬ nya˗awˇ teu loꞈ˗ehˇ laˆ saˆ nehˬ mawꞈ˗eu saˬ laˬ gʼoˬ˗ahˇ jiˇ poˆ mawˇ nya ni caw ba nehˬ nya˗eu meh. Aˬ yawꞈ maꞈ˗ahˇ aˇ yamˬ maˬ tseˇ ni aˬ geu ngeh kʼawꞈ ngehˬ cawˬ nya meh. Naˇ gawˇ laˆ saˆ duˬ˗ahˇ ya yuꞈ ngeh maˬ ehˇ, ya pehꞈ ngeh maˬ ehˇ, kiꞈsaˬ (ma le) naˇ gawˇ˗euˬ jaˆ gʼaˬ ya dawˆ ngeh maˬ ehˇ, zaˬ ya baw˗eu lehˇ gʼeh ngeh maˬ ehˇ, Naˇ gawˇ laˆ saˆ˗eu paw˗euˬ gawˬmiˬtiꞈ (HLC)˗ahˇ taˆ lehˇ ngehˬ cawˬ. Shiˬ maˬ ya dawˆ naˇ kawꞈ ngehˬ cawˬ nya meh.

Naˇ gawˇ laˆ saˆ˗eu paw˗euˬ gawˬmiˬtiꞈ—Aˬ yawꞈ maꞈ aˬ joˆ˗ehˇ ngehˬ gʼeh luꞈ˗eu nga? lehˇ ehˇ˗eu biˬdiˬoˬpah. Haw gʼaˬ naˇ heu loꞈ˗ehˇ naˇ haˬ:

Naˇ gawˇ ya laˆ saˆ ngeh maˬ ehˇ, ya pehꞈ ngeh maˬ ehˇ Naˇ gawˇ laˆ saˆ˗eu paw˗euˬ gawˬmiˬtiꞈ aˬ dui˗ahˇ aˬ joˆ˗ehˇ caw ba nehˬ˗eu nga?