Ngaˬ siˬ ba la 6-12
Ja ceuˬ 36-37
Dawˬ caˇ 87 caˇ˗awˇ guiˬ lahˬ shaˇ | Aˇ dahˬ beh˗eu dawˬ (1 peu)
1. “Yaw haiˬ deuˬ neh mˇ˗euˬ gaˇ˗ahˇ, nawˇ nui ma shaˬ zahˬ taˬ mˇ”
(10 peu)
Haiˬ˗eu tsawˇ haˬ deuˬ neh mˇ˗euˬ jeˬ aˬ dui˗ahˇ deuˬ laˇ (Ja ceuˬ 36:1-4; w17.04 11 ¶4)
Haiˬ˗eu tsawˇ haˬ deuˬ˗ahˇ iˬ baˇ maˬ pyehˬ ni nui ma naˇ naˇ˗ehˇ jawˇ naˇ, aˬ dui˗ahˇ deuˬ˗eu tehꞈ meh (Ja ceuˬ 37:1, 7, 8; w22.06 10 ¶10)
Yeˬhawˇbaˬ˗euˬ saˇ jaˇ dawˬ˗ahˇ nui ma taˬ naˇ, aˬ dui˗ahˇ nui ma bi saˇ laˇ (Ja ceuˬ 37:10, 11; w03-SI 12/1 13 ¶20)
Yawˬ ha˗ahˇ naˇ haˬ, ‘Ngaˇ dawˬ gaˬ pyehˬ kʼawˬ duˬ˗ahˇ˗euˬ yaw haiˬ deuˬ˗euˬ gaˇ kawˆ ja gaˇ aˇ dzehˬ˗ehˇ haw dzeuˇ nya laˬ?’
2. Jaˇliꞈ laꞈ kʼoeˇ˗euˬ poeˬ˗eu zaˬ siˬ nui gahˇ˗ahˇ poˆ
(10 peu)
Ja ceuˬ 36:6—Ja ceuˬ sahˬ boꞈ boꞈ˗eu gʼaˬ Yeˬhawˇbaˬ˗euˬ yaw tsaˬ yaw dawˇ jeˬ˗aˬ, “gawˬ jawˬ loꞈ˗ehˇ goˇ dui dui”˗eu lehˇ ehˇ˗eu heu naˇ, aˬ jeˬ˗ahˇ ehˇ mawꞈ˗eu nga? (it-2-E 445)
Heu jaw˗ahˇ Jaˇliꞈ gui gaˇ neh aˬ jeˬ ya siˬ deˬ?
3. Jaˇliꞈ gui˗eu
(4 peu) Ja ceuˬ 37:1-26 (th dzaw deuˆ 10)
4. Dawˬ ngehˬ cawˬ dahˬ beh˗eu
(3 peu) Iˇ kahˇ doe ni tsaꞈ gaˬ˗eu. (lmd dzaw deuˆ 1 aˇ deuˆ 5)
5. Gʼa kʼoꞈ iˇ˗eu
(4 peu) Kʼaˇ yehꞈ laˇ gaˇ tsaꞈ gaˬ˗eu. Jaˇliꞈ maˬ dzaw lehˇ ehˇ hawˇ˗euˬ deuˬ˗ahˇ Jaˇliꞈ dzaw ma laˬ lehˇ tiˬ poˆ paˇ cawˬ haw. (lmd dzaw deuˆ 9 aˇ deuˆ 4)
6. Dawˬ mehˬ mehˬ˗eu
(5 peu) ijwbv 45—Gaˇ kawˆ: Ja ceuˬ 37:4 heu deuˆ naˇ, aˬ jeˬ˗ahˇ ehˇ mawꞈ˗eu nga? (th dzaw deuˆ 13)
Dawˬ caˇ 33
7. ‘Shaˬ˗eu zahˬ˗eu jeˬ˗euˬ aˇ yamˬ’ gʼaˇ duˬ, dah laˇ maˬ loˇ?
(15 peu) Dawˬ mehˬ mehˬ˗awˇ naˇ haˬ.
Miˇ kʼahˬ doe ni jawˇ˗eu mehˇ nmˇ gʼawˬ mya gʼaˬ, uˬ jeˬ jaˬ lehˇ˗euˬ shaˬ zahˬ hawˇ˗eu tsawˇ haˬ deuˬ neh mˇ˗euˬ baˬ da neh pyeuꞈ laˇ˗euˬ nui ma naˇ˗eu jeˬ uˬ taꞈ, shaˬ zahˬ˗ahˇ ya daˬ luꞈ˗eu meh. (Ja ceuˬ 9:9, 10) Nui ma nyiˇ laˇ paˬ˗ehˇ gʼeh˗eu jeˬ naˇ, ‘shaˬ˗eu zahˬ˗eu jeˬ˗euˬ aˇ yamˬ’ maˬ noeˬ maˬ duˇ˗ehˇ jawˇ gaˇ aˬ myah luꞈ pyeuꞈ laˇ nya˗eu miˇ neh, shaˬ˗eu zahˬ˗eu jeˬ heu˗ahˇ kamˬ daˬ nya˗eu gʼaˇ duˬ, ya lehˬ hmˬ taˬ˗eu meh.
Shiˬ shaˬ jiˇ paw lehˬ hmˬ˗eu heu naˇ,a uˬ jeˬ jaˬ lehˇ˗euˬ shaˬ zahˬ˗ahˇ kamˬ daˬ nya ni aˬ joˆ˗ehˇ caw ba˗eu nga?
Nui ma paw lehˬ hmˬ taˬ: Uˬ jeˬ jaˬ lehˇ˗euˬ shaˬ zahˬ pyeuꞈ laˇ naˇ, aˬ jeˬ jeˇ jahˇ˗eu lehˇ shaˇ noeˬ shaˇ sawˇ˗awˇ pyuˇ shuiˇ myawˬ gahˬ˗ahˇ aˬ dzehˇ taˬ kʼahˬ lahˇ. Heu loꞈ˗ehˇ jahˇ˗eu heu naˇ, uˬ jeˬ jaˬ lehˇ˗euˬ shaˬ zahˬ pyeuꞈ laˇ ngeh, yaw gahˇ gahˇ˗ehˇ noeˬ tsehˆ nya ni caw ba nehˬ nya˗eu meh. Teu miˇ neh aˬ dui pyuˇ shuiˇ myawˬ gahˬ˗ahˇ maˬ ngeuˇ˗eu yawˬ ha˗euˬ dehꞈ ziˇ˗ahˇ aˇ poeˬ taˬ baw paˬ˗ehˇ gʼeh˗eu meh. (Aˇdahˬbeh˗eu 19:16; Ja ceuˬ 36:9) Kʼoeˇ uˬ taꞈ, uˬ jeˬ jaˬ lehˇ˗euˬ shaˬ zahˬ pyeuꞈ yaꞈ˗euˬ aˇ yamˬ laꞈ kʼoeˇ pyuˇ shuiˇ ya smˇ˗iˇ˗euˬ naˇ, tsaˬ tsaˬ ni noeˬ nya˗awˇ aˇ dzehˬ˗ehˇ maˬ kʼahˬ lahˇ ni caw ba nehˬ laꞈ˗eu meh.—Ja ceuˬ 37:19
Nui jah paw lehˬ hmˬ taˬ: Yeˬhawˇbaˬ˗euˬ seuˆ dzeuꞈ aˇ gʼehˇ ahˇ laˇ ni hawˇ˗eu aˬ yawꞈ aˬ dui˗ahˇ ngehˬ gʼeh haw piˇ nehˬ mawꞈ meh lehˇ jah ziꞈ laˇ ni leh jeh. (Ja ceuˬ 37:18) Uˬ jeˬ jaˬ lehˇ˗euˬ shaˬ zahˬ maˬ pyeuꞈ laˇ mi naˆ˗ehˇ aˬ dui yawˬ ha˗ahˇ Yeˬhawˇbaˬ aˬ dui˗ahˇ sheuˬ gʼeh nehˬ˗awˇ, “maˬ ya shiˇ ni” caw ba nehˬ laꞈ meh lehˇ aˬ myah luꞈ saˇ tiˇ ya biꞈ˗eu meh.—Yeˬlaˬmiˇ 45:5; Ja ceuˬ 37:23, 24
Yeˬhawˇbaˬ aˬ yawꞈ˗euˬ saˇ jaˇ dawˬ˗ahˇ mˇ byah meh lehˇ jah ziꞈ naˇ, “shaˬ˗eu zahˬ˗eu jeˬ keuˆ le ngeh, maˬ byehˇ dzeh ni haw piˇ˗eu meh” lehˇ jah ziꞈ laˇ˗eu meh.—Ja ceuˬ 37:39.
Nawˇ uˬ jeˬ jaˬ lehˇ˗euˬ shaˬ zahˬ gʼaˇ duˬ, lehˬ hmˬ taˬ maˬ loˇ? lehˇ ehˇ˗eu Biˬdiˬoˬ pah. Kʼoeˇ naˇ heu loꞈ˗ehˇ naˇ haˬ.
Uˬ jaˬ jaˬ lehˇ˗euˬ shaˬ zahˬ aˇ yamˬ laꞈ kʼoeˇ Yeˬhawˇbaˬ aˬ dui˗ahˇ aˬ joˆ˗ehˇ caw ba nehˬ nya˗eu nga?
Aˬ dui aˬ jeˬ jeˇ lehˬ hmˬ taˬ nya˗eu nga?
Uˬ jeˬ jaˬ lehˇ˗euˬ shaˬ zahˬ ya puˬ˗euˬ deuˬ˗ahˇ aˬ dui aˬ joˆ˗ehˇ caw ba nehˬ nya˗eu nga?
8. Aˇ muˇ Jaˇliꞈ dzaw˗eu
(30 peu) w19.05 2-5 ¶1-14
Aˇ saˬ saˬ˗eu dawˬ (3 peu) |
a 2017 kʼoꞈ, Noeˬlaˇ˗awˬ! Paˇ dmˬ 5 dmˬ aˬ yawꞈ dmˬ, myaˆ pyawˬ 4-6-ahˇ haw. (Aˬkaˬ paw maˬ jaˆ)