Ngaˬ siˬ ba la 27–Koꞈ siˬ ba la 2
Ja ceuˬ 42-44
Dawˬ caˇ 86 caˇ˗awˇ guiˬ lahˬ shaˇ | Aˇ dahˬ beh˗eu dawˬ (1 peu)
1. Yeˬhawˇbaˬ nehˬ biꞈ˗eu jeˬ˗ahˇ tiˬ byah tiˬ loꞈ gaˇ dahˇ tsoeˬ ni zmˬ
(10 peu)
Kʼaˇ gʼeh nya gaˇ neh mehˇ nmˇ deuˬ nehˬ˗ehˇ tiˬ kʼawˆ loꞈ˗ehˇ mawˇ dzoeˇ˗awˇ Yeˬhawˇbaˬ˗ahˇ uˬ duˬ tahˬ (Ja ceuˬ 42:4, 5; w06-SI 6/1 9 ¶4)
Jaˇliꞈ maˬ pyehˆ tseˇ mi naˆ˗ehˇ guiˬ lahˬ shaˇ (Ja ceuˬ 42:8; w12-SI 1/15 15 ¶2)
Jaˇliꞈ laꞈ kʼoeˇ˗euˬ yaw tsaˬ yaw dawˇ jeˬ˗ahˇ nawˬ˗euˬ dehꞈ ziˇ laꞈ kʼoeˇ yawˬ paw na luꞈ˗ahˇ zmˬ˗iˇ (Ja ceuˬ 43:3)
Yeˬhawˇbaˬ neh mehˬ˗euˬ jeˬ heu naˇ, shaˬ zahˬ kamˬ daˬ nya ni hawˇ˗eu, Miˬyehˇ˗euˬ gaˇ mˇ daˆ leꞈ ma lehˇ saˇ jaˇ dzaˬ taˬ˗eu loꞈ˗ehˇ mˇ caw nya ni caw ba nehˬ laꞈ˗eu meh.—1 Beˬtuˆluˆ 5:10; w16.09-SI 5 ¶11-12.
2. Jaˇliꞈ laꞈ kʼoeˇ˗euˬ poeˬ˗eu zaˬ siˬ nui gahˇ˗ahˇ poˆ
(10 peu)
Ja ceuˬ 44:19—“Kʼaˬ yehˇ tsahˬ” lehˇ ehˇ˗eu heu naˇ, aˬ jeˬ˗ahˇ ehˇ mawꞈ˗eu nga? (it-1-E 1242)
Heu jaw˗ahˇ Jaˇliꞈ gui gaˇ neh aˬ jeˬ ya siˬ deˬ?
3. Jaˇliꞈ gui˗eu
(4 peu) Ja ceuˬ 44:1-26 (th dzaw deuˆ 11)
4. Dawˬ ngehˬ cawˬ dahˬ beh˗eu
(4 peu) Iˇ kahˇ doe ni tsaꞈ gaˬ˗eu. Jaˇliꞈ dzaw˗eu gaˇ kawˆ ehˇ nehˬ. (lmd dzaw deuˆ 5 aˇ deuˆ 5)
5. Gʼa kʼoꞈ iˇ˗eu
(5 peu) Iˇ kʼahˇ doe ni tsaꞈ gaˬ˗eu. Nymˇ sahˇ gʼaˬ˗ahˇ nyaꞈ taꞈ poˆ˗euˬ mehˬ bawˬ˗ahˇ baˬ maꞈ˗euˬ mehˬ shi dawˬ mehˬ mehˬ gaˇ naˇ haˬ le lehˇ cawˬ˗awˇ, Miˬyehˇ Miˇkʼahˬ Bawˬdzaˬnymˇ˗ahˇ nga maꞈ aˬ jeˬ jeˇ jahˇ˗eu nga? lehˇ ehˇ˗eu biˬdiˬoˬ-ahˇ zmˬ. (lmd dzaw deuˆ 7 aˇ deuˆ 5)
6. Dawˬ mehˬ mehˬ˗eu
(3 peu) lmd dzaw lahˬ 1 aˇ deuˆ 4—Gaˇ kawˆ: Tsawˇ haˬ yawˬ gʼaˬ na luꞈ jawˇ saˇ doˆ dui dui laˇ˗eu meh. (th dzaw deuˆ 2)
Dawˬ caˇ 21
7. Sahˬ boꞈ dzaw˗eu paw maˬ ehˇ, gaˇ mˇ˗eu paw maˬ ehˇ, yaw gahˇ gahˇ lehˇ noeˬ tsehˆ
(15 peu) Dawˬ mehˬ mehˬ˗awˇ naˇ haˬ.
Zaˬ guˬ deuˬ˗oˇ, nawˇ sahˬ boꞈ dzaw jiˇ naˇ aˬ jeˬ mˇ˗eu lehˇ noeˬ taˬ maˬ loˇ? Nawˇ huˬ mehˬ mehˬ˗eu gʼaˬ geuꞈ nya ni caw ba nehˬ˗eu gaˇ tiˬ hmˬ na mˇ˗eu lehˇ noeˬ taˬ˗euˬ kʼawꞈ pyeuꞈ nya meh. Maˬ ngeuˇ naˇ gaˇ yaw awˬ˗ehˇ poˆ mawˇ nya ni caw ba nehˬ˗eu li maˆ za ni maˬ ehˇ, sahˬ boꞈ dzaw goˇ˗eu maˬ ehˇ, tiˬ jeˬ na maˬ ehˇ dzaw naˇ muiˬ˗eu maˬ siˬ lehˇ shaˇ noeˬ luꞈ˗eu kʼawꞈ pyeuꞈ nya meh. Teu ngeh naˇ nawˬ˗euˬ dehꞈ ziˆ laꞈ kʼoeˇ nui ma cehˇ tahˬ tahˬ laˇ paˬ˗ehˇ gʼeh˗eu aˇ yamˬ pyeuꞈ meh. Nawˇ mˇ mawꞈ˗eu yaw myaˬ jeˬ jaˆ˗eu miˇ neh maˬ ehˇ, aˬ cawˬ loꞈ˗ehˇ mˇ ni ka tiˇ laˇ˗eu miˇ neh maˬ ehˇ nui ma suˬ saˬ luꞈ˗eu kʼawꞈ pyeuꞈ nya meh. Nawˬ˗ahˇ yaw gahˇ gahˇ lehˇ noeˬ tsehˆ nya ni caw ba nehˬ˗eu jeˬ naˇ aˬ jeˬ nga?
Maꞈtehˬ 6:32, 33-ahˇ gui. Kʼoeˇ naˇ heu loꞈ˗ehˇ naˇ haˬ.
Gaˇ hawˇ˗eu sahˬ boꞈ dzaw goˇ˗eu jeˬ nehˬ˗ehˇ taꞈ leˇ˗awˇ maˬ noeˬ tsehˆ mi naˆ˗ehˇ Miˬyehˇ˗euˬ gaˇ paw aˇ pyaˇ daˬ taˬ˗eu heu naˇ aˬ jeˬ miˇ neh muiˬ˗eu nga?
Aˬ da aˬ ma deuˬ yawˬ ha˗euˬ zaˬ˗ahˇ Maꞈtehˬ 6:32, 33-ahˇ mˇ caw nya ni aˬ joˆ˗ehˇ caw ba nehˬ nya˗eu nga?—Ja ceuˬ 78:4-7
Nawˇ noeˬ tsehˆ ngeh smˇ muiˬ muiˬ laˇ mawꞈ˗eu maˬ ngeuˇ naˇ baoˬ jaˆ˗awˇ tsawˇ myahˇ doˆ mawꞈ˗eu nui noeˬ maˬ bi uˆ lahˇ ni yahˇ. (1 Yoˇhaˬ 2:15, 17) Pyuˇ shuiˇ myawˬ gahˬ gʼawˬ mya ni jaˆ˗eu tsawˇ haˬ deuˬ laˬ kʼaˬ cehˇ˗eu guiˬ lahˬ dawˬ˗ahˇ ha geuꞈ˗eu yaw shaˬ meh lehˇ taˬ ngehˇ. (Luˇkaꞈ 18:24-27) Smˇ muiˬ muiˬ laˇ ni leh jeh naˇ nui jah gʼaˬ kʼaˆ laˇ ni hawˇ˗eu Yeˬhawˇbaˬ nui kʼahˇ shiˇ ni mˇ˗eu gʼaˇ duˬ yaw shaˬ meh.—Maꞈtehˬ 6:24; Maˬkuˆ 8:36.
Maˬ ziꞈ˗eu jeˬ˗ahˇ nui ma taˬ gaˇ yahˇ—Pyuˇ shuiˇ myawˬ gahˬ Biˬdiˬoˬ pah. Kʼoeˇ naˇ heu loꞈ˗ehˇ naˇ haˬ.
Dawˬdaˬ 23:4, 5 heu naˇ nui gahˇ ahˇ˗eu laꞈ kʼoeˇ noeˬ tsehˆ nya ni aˬ joˆ˗ehˇ caw ba nehˬ˗eu nga?