Gʼoeˬ siˬ ba la 2-8
Ja ceuˬ 79-81
Dawˬ caˇ 29 caˇ˗awˇ guiˬ lahˬ shaˇ | Aˇ dahˬ beh˗eu dawˬ (1 peu)
1. Yeˬhawˇbaˬ˗euˬ huiˬ dui mahˇ dui dui˗eu tsawˇ myahˇ˗ahˇ nui gaˬ mˇ mawˇ
(10 peu)
Yeˬhawˇbaˬ˗euˬ tsawˇ myahˇ˗ahˇ yaw zeu maˬ baw˗eu jeˬ˗ahˇ yahˇ (Ja ceuˬ 79:9; w17.02 10 ¶5)
Yeˬhawˇbaˬ˗euˬ tsawˇ myahˇ˗ahˇ kuˇ (Ja ceuˬ 80:18; ijwbv˗SI 3 ¶4-5)
Ehˇ dawˬ naˇ haˬ˗eu heu neh aˬ yawꞈ˗euˬ tsawˇ myahˇ˗ahˇ nui gaˬ mˇ mawˇ˗eu deuˬ˗ahˇ Yeˬhawˇbaˬ guiˬ lahˬ gʼawˬ mya ni biꞈ (Ja ceuˬ 81:13, 16)
Aˬ dui˗euˬ dehꞈ jeˬ dehꞈ kawˆ, mˇ jeˬ shaˇ kawˆ heu naˇ Yeˬhawˇbaˬ˗euˬ tsawˇ myahˇ˗ahˇ zaw leˇ˗eu meh. Teu miˇ neh aˬ dui Yeˬhawˇbaˬ˗euˬ Saˇ kiˇ pyeuꞈ˗eu lehˇ aˬ cawˬ˗ahˇ ya ehˇ nehˬ˗eu meh
2. Jaˇliꞈ laꞈ kʼoeˇ˗euˬ poeˬ˗eu zaˬ siˬ nui gahˇ˗ahˇ poˆ
(10 peu)
Ja ceuˬ 80:1—Iˇsaˬleˬlaˆ tsawˇ jeuˬ dawˬ tawˆ luꞈ˗ahˇ ngehˬ keuˆ ngeh tiˬ poˆ na aˬ jeˬ miˇ neh Yoˇsehˆ˗euˬ tsawˇ myahˇ˗ahˇ zmˬ˗eu nga? (it-2-E 111)
Heu jaw˗ahˇ Jaˇliꞈ gui gaˇ neh aˬ jeˬ ya siˬ deˬ?
3. Jaˇliꞈ gui˗eu
(4 peu) Ja ceuˬ 79:1–80:7 (th dzaw deuˆ 10)
4. Dawˬ ngehˬ cawˬ dahˬ beh˗eu
(1 peu) Iˇ kahˇ doe ni tsaꞈ gaˬ˗eu. Jaˇliꞈ dzaw˗eu gaˇ kawˆ ehˇ nehˬ. (lmd dzaw deuˆ 4 aˇ deuˆ 4)
5. Dawˬ ngehˬ cawˬ dahˬ beh˗eu
(3 peu) Kʼaˇ yehꞈ laˇ gaˇ tsaꞈ gaˬ˗eu. Jaˇliꞈ dzaw˗eu gaˇ kawˆ ehˇ nehˬ. (lmd dzaw deuˆ 4 aˇ deuˆ 3)
6. Dawˬ ngehˬ cawˬ dahˬ beh˗eu
(2 peu) Tsawˇ haˬ uiˬ gaˇ tsaꞈ gaˬ˗eu. Jaˇliꞈ dzaw˗eu gaˇ kawˆ ehˇ nehˬ. (lmd dzaw deuˆ 3 aˇ deuˆ 3)
7. Gʼa kʼoꞈ iˇ˗eu
(5 peu) Iˇ kahˇ doe ni tsaꞈ gaˬ˗eu. Yaw beh yaw tsaˬ yaw dawˇ jeˬ˗ahˇ maˬ ha geuꞈ kʼawꞈ nymˬ˗mˇ siˬ nya mawꞈ˗eu tiˬ gʼaˬ˗ahˇ Jaˇliꞈ dzaw ma laˬ lehˇ cawˬ haw (lmd dzaw deuˆ 8 aˇ deuˆ 3)
Dawˬ caˇ 10
8. “Aˬ yawꞈ maꞈ ngaˬ˗euˬ tsawˇ myahˇ˗ahˇ taˬ huiˬ taˬ mahˇ tehꞈ˗a”
(15 peu) Dawˬ mehˬ mehˬ˗awˇ naˇ haˬ.
Saˬdaˬ Eˬdeˬ yaˇ kmˇ˗ahˇ Yeˬhawˇbaˬ˗euˬ tsawˇ myahˇ˗ahˇ ja bu dahˬ beh˗euˬ meh. Teu gaˇ neh naˇ Yeˬhawˇbaˬ˗euˬ tsawˇ myahˇ˗ahˇ bi muiˬ bi shawˇ˗eu heu naˇ tsawˇ haˬ deuˬ hawˇ˗eu mˬ taˆ gʼaˬ kʼehˇ deuˬ˗euˬ gʼaˇ duˬ aˇ yeˇ kʼaˇ huiˬ˗eu jeˬ pyeuꞈ laˇ˗euˬ meh.
Saˬdaˬ Yeˬhawˇbaˬ nehˬ˗ehˇ taꞈ leˇ˗awˇ ja bu taˬ˗euˬ tiˬ jeˬ na˗ahˇ ja sawˇ ma. Aˬ yawꞈ Yeˬhawˇbaˬ naˇ doeˇ dui dui˗awˇ nui gaˬ maˬ ahˇ˗eu uˆ lahˇ˗eu gʼaˬ pyeuꞈ˗eu lehˇ ja bu˗eu meh. (Aˇdahˬbeh˗eu 3:1-6; Yawˇbaˆ 4:18, 19) Kʼoeˇ naˇ Miˬyehˇ˗euˬ gaˇ mˇ zaˬ deuˬ kʼawꞈ, Miˬyehˇ˗ahˇ maˬ diˇ maˬ gaˬ˗a lehˇ ehˇ˗eu meh. (Yawˇbaˆ 2:4, 5) Kʼoeˇ uˬ taꞈ Saˬdaˬ tsawˇ haˬ aˇ lam aˇ lam gʼaˬ˗ahˇ aˬ dui˗euˬ tiˬ jawˬ jaˆ˗eu muiˬ˗eu yawˬ jeˬ na luꞈ˗ahˇ Beh˗euˬ yaw sahˇ gʼaˬ naˇ Yeˬhawˇbaˬ maˬ ngeuˇ˗a lehˇ jah leˇ ni mehˇ shuiˇ shuiˇ˗eu meh.—Loˇmaˆ 1:20, 21.
Ja bu˗eu dawˬ teu˗ahˇ ya gaˬ ngeh nawˬ˗ahˇ aˬ joˆ˗ehˇ gʼeh laˇ nya? Nawˇ Yeˬhawˇbaˬ˗euˬ tsawˇ myahˇ˗ahˇ laˆ piˇ nehˬ mawꞈ˗eu yaw duˬ baw meh. Kʼoeˇ naˇ Yeˬhawˇbaˬ aˬ yawꞈ˗euˬ gaˇ mˇ zaˬ deuˬ aˬ yawꞈ˗euˬ tsawˇ myahˇ˗ahˇ muiˬ ni shawˇ ni jahˇ mawꞈ meh lehˇ siˬ nya˗eu meh. (Iˇsaˬyaˇ 29:23 nehˬ˗ehˇ sheu cehˆ.) Aˬ dui aˬ joˆ˗ehˇ jahˇ nya˗eu nga?
Aˬ cawˬ˗ahˇ Yeˬhawˇbaˬ˗ahˇ siˬ nya laˇ˗awˇ gaˬ laˇ ni caw ba nehˬ. (Yoˇhaˬ 17:25, 26) Aˬ cawˬ˗ahˇ Yeˬhawˇbaˬ maˇ diˇ jawˇ meh lehˇ siˬ leˇ ni caw ba nehˬ˗eu gʼaˇ duˬ hawˇ˗eu Yeˬhawˇbaˬ˗euˬ seuˆ dzeuꞈ aˇ gʼehˇ deuˬ˗ahˇ mehˬ nehˬ˗eu gʼaˇ duˬ lehˬ hmˬ dah taˬ.—Iˇsaˬyaˇ 63:7
Yeˬhawˇbaˬ˗ahˇ nui ma gʼawˇ mawˇ dawˬ tawˆ luꞈ gaˬ. (Maꞈtehˬ 22:37, 38) Aˬ dui˗euˬ gʼaˇ duˬ muiˬ˗eu miˇ neh tehꞈ˗ehˇ maˬ ngeuˇ˗eu Yeˬhawˇbaˬ˗ahˇ laˬ kʼaˬ bi cehˇ mawꞈ˗eu miˇ neh aˬ yawꞈ˗euˬ ehˇ dawˬ naˇ haˬ˗eu jeˬ ya bi pyeuꞈ meh.—Dawˬdaˬ 27:11
Nui gaˬ mˬ maˬ maˬ byaˆ zaˇ ziˇ ziꞈ . . . Miˬyehˇ˗euˬ tsaˬ˗eu dawˇ˗eu zahˇ˗ahˇ yaw zeu maˬ baw˗eu deuˬ nehˬ˗ehˇ dzaw nymˇ˗ahˇ jawˇ ngeh lehˇ ehˇ˗eu biˬdiˬoˬ pah. Kʼoeˇ naˇ heu loꞈ˗ehˇ naˇ haˬ:
Ehˇliˬ˗oˬ hawˇ˗eu Diˇ˗eˬgoˬ Yeˬhawˇbaˬ˗euˬ tsawˇ myahˇ˗ahˇ aˬ joˆ˗ehˇ laˆ piˇ˗euˬ nga?
Aˬ yawꞈ maꞈ˗ahˇ Yeˬhawˇbaˬ jawˇ paw yawꞈ ni laˆ noeˬ nehˬ˗euˬ jeˬ naˇ aˬ jeˬ nga?
Aˬ dui aˬ yawꞈ maꞈ˗ahˇ aˬ joˆ˗ehˇ dzaw geuꞈ nya˗eu nga?