Ngaˬ siˬ ba la 5-11

• Dawˬdaˬ 12:16—Heu deuˆ laꞈ kʼoeˇ˗euˬ Jaˇliꞈ zahˇ shaˬ zahˬ ya puˬ ngeh aˬ dui˗ahˇ nui ma ziꞈ dah ni jaˆ ni aˬ joˆ˗ehˇ caw ba nehˬ˗eu nga? (ijwyp˗SI 95 ¶10-11)

  Dawˬ kʼoꞈ

• Heu jaw˗ahˇ Jaˇliꞈ gui gaˇ neh aˬ jeˬ ya siˬ deˬ?

  Dawˬ kʼoꞈ

Nawˇ gaˇ maˬ poˆ mawˇ nya˗eu miˇ neh maˬ ehˇ, gaˇ˗ahˇ neh ya iˇ doˆ˗eu miˇ neh maˬ ehˇ, nymˬ˗mˇ maˬ ngeuˇ naˇ aˇ kʼoꞈ kʼawˆ laˇ ngeh pyuˇ maˬ ahˇ gaˇ maˬ ehˇ kʼahˬ lahˇ miˇ˗a laˬ? Miˇ tsaˬ heu siˬ˗euˬ jeˬ gaꞈ jeˬ ka mˇ˗eu jeˬ naˇ tiˬ jeˬ˗iˬ yaw duˬ maˬ baw˗a. Ehˇ kʼawꞈ Yeˬhawˇbaˬ aˬ dui˗euˬ dehꞈ ziˇ laꞈ kʼoeˇ aˬ yawꞈ˗ahˇ jeˬ hu taˬ naˇ, jeˬ gaꞈ jeˬ ka mˇ˗eu jeˬ heu maˬ noeˬ gaˇ duiˬ lehˇ poˆ laˇ paˇ laˇ kʼawꞈ aˬ dui loˬ˗eu jeˬ˗ahˇ ngehˬ gʼeh nehˬ ma lehˇ saˇ jaˇ dzaˬ taˬ˗euˬ meh.—Ja ceuˬ 46:1-3; 127:2; Maꞈtehˬ 6:31-33.

Yeˬhawˇbaˬ aˬ dui˗ahˇ nui ma cawˆ ni tiˬ jawˇ˗iˬ maˬ jahˇ˗a lehˇ ehˇ˗eu biˬdiˬoˬ pah. Kʼoeˇ naˇ heu loꞈ˗ehˇ naˇ haˬ:

• Mehˇ nmˇ Ehˇbaˇ˗laˇdoˬ neh ya puˬ ya mawˇ˗euˬ jeˬ˗ahˇ neh nawˇ aˬ jeˬ ya siˬ deˬ?

  Dawˬ kʼoꞈ

1 Tiˆmoˇseˬ 5:8-ahˇ gui. Kʼoeˇ naˇ heu loꞈ˗ehˇ naˇ haˬ:

• Jaˇliꞈ heu deuˆ nawˬ˗ahˇ Yeˬhawˇbaˬ aˬ yawꞈ˗ahˇ uˬ duˬ tahˬ˗eu deuˬ loˬ˗eu jeˬ˗ahˇ ngehˬ gʼeh nehˬ meh lehˇ jah ziꞈ dzehˬ laˇ ni aˬ joˆ˗ehˇ caw ba nehˬ nya?

  Dawˬ kʼoꞈ

Mˇ dzaˬ kʼawꞈ dawˇ˗eu shaˬ zahˬ˗ahˇ kamˬ daˬ coeˇ ni caw ba nehˬ˗eu Jaˇliꞈ zahˇ˗ahˇ haw ma:

• Yaw awˬ awˬ lehˇ dehꞈ. Maˬ loˬ˗eu jeˬ taˬ zeuˇ. Maˬ loˬ gaˇ dziˇ dzoˆ taˬ laˆ daˆ.—Maꞈtehˬ 6:22

• Gaˇ hawˇ˗eu sahˬ boꞈ dzaw˗eu jeˬ nehˬ˗ehˇ taꞈ leˇ˗awˇ noeˬ tsehˆ ngeh, Miˬyehˇ˗euˬ gaˇ˗ahˇ jeˬ hu taˬ nya ni caw ba nehˬ˗eu jeˬ˗ahˇ tseˇ.—Piˇliˇpiˆ 1:9-11

• Taˬ aw˗awˇ laˆ poˆ laˆ paˇ˗eu tiˬ gʼaˬ pyeuꞈ. Gaˇ mˇ˗eu maˬ jaˆ naˇ jiˇ ni aˬ jeˬ˗euˬ gaˇ kʼawꞈ mˇ. Yawˬ ha˗euˬ nymˇ jiˇ˗ahˇ mˇ cu nya˗eu gʼaˇ duˬ, aˬ cawˬ haw teˬ˗eu gaˇ˗ahˇ kʼawꞈ nui ma keuˆ˗eu laꞈ kʼoeˇ mˇ.—Dawˬdaˬ 14:23

• Yawˬ ha jiˇ yaw kʼaˆ˗ehˇ maˬ jaˆ kʼawꞈ, aˬ cawˬ˗ahˇ caw ba nehˬ.—Heˬbyehˇ 13:16