Koꞈ siˬ ba la 9-15

• Dawˬdaˬ 17:3—Aˬ dui aˬ jeˬ miˇ neh yawˬ ha˗euˬ nui ma˗ahˇ ya haw piˇ˗eu nga? (w23.06 20-21 ¶3)

  Dawˬ kʼoꞈ

• Heu jaw˗ahˇ Jaˇliꞈ gui gaˇ neh aˬ jeˬ ya siˬ deˬ?

  Dawˬ kʼoꞈ

Nymˇ jiˇ laˬ kʼaˬ cehˇ˗eu gʼaˇ duˬ dawˬ yaw muiˬ˗ehˇ ya ngehˬ cawˬ˗eu meh. Nymˇ jiˇ laꞈ kʼoeˇ˗euˬ deuˬ tiˬ gʼaˬ tiˇ gʼaˬ bya cehˆ ni ngehˬ cawˬ naˇ, mehˬ bawˬ gm˗eu laꞈ kʼoeˇ noeˬ taˬ˗euˬ jeˬ˗ahˇ mˇ pyeuꞈ nya˗awˇ shaˬ ngeh zahˬ ngeh jiˇ tiˬ gʼaˬ tiˇ gʼaˬ caw ba nehˬ nya meh. (Dawˬdaˬ 15:22) Nymˇ jiˇ laꞈ kʼoeˇ tiˬ gʼaˬ tiˇ gʼaˬ bya cehˆ ni ngehˬ cawˬ nya˗eu gʼaˇ duˬ, aˬ jeˬ jeˇ ya jahˇ˗eu nga?

Tiˬ gʼaˬ tiˇ gʼaˬ aˇ yamˬ biꞈ. (Dawˬmehˬmehˬ˗eu 6:6, 7) Nymˇ jiˇ laꞈ kʼoeˇ˗euˬ deuˬ, iˇ kahˇ˗euˬ gaˇ, Miˬyehˇ˗euˬ gaˇ, laˬ kʼaˬ cehˇ˗eu jeˬ, tiˬ kawˆ loꞈ˗ehˇ mˇ ngeh tiˬ jawˇ, tiˬ gʼaˬ tiˇ gʼaˬ gaˬ dzehˬ gʼoeˇ dzehˬ laˇ˗awˇ nui ma taˬ dzehˬ laˇ˗eu uˬ taꞈ tiˬ gʼaˬ tiˇ gʼaˬ dawˬ lawˬ ka ni ngehˬ nya laˇ˗eu meh. Tiˬ poˆ na nawˇ yawˬ ha ya leˇ˗eu jeˬ ya byehˇ dzeh˗awˇ nymˇ jiˇ laꞈ kʼoeˇ˗euˬ deuˬ ya leˇ˗eu jeˬ ya jahˇ˗eu kʼawꞈ pyeuꞈ nya meh. Ehˇ kʼawꞈ toˆ˗ehˇ jahˇ˗eu teu naˇ aˬ myah luꞈ gaˇ dahˇ tsoeˬ˗eu meh. (Piˇliˇpiˆ 2:3, 4) Aˬ dui aˇ yamˬ˗ahˇ tiˬ kawˆ loꞈ˗ehˇ kʼaˇ muiˬ˗eu jeˬ˗ehˇ aˬ joˆ˗ehˇ zmˬ nya˗eu nga?—Eˇpeˇsu 5:15, 16.

Nymˇ jiˇ laˬ kʼaˬ cehˇ nui saˇ oꞈ ni leh jeh—Dawˬ ngehˬ cawˬ˗eu jeˬ bi muiˬ daˆ laˇ lehˇ ehˇ˗eu biˬdiˬoˬ pah. Kʼoeˇ naˇ heu loꞈ˗ehˇ naˇ haˬ:

• Naˬ gaˬ lawˬ muˇ aˇ dzehˬ˗ehˇ zmˬ naˇ, nymˇ jiˇ laꞈ kʼoeˇ dawˬ ngehˬ cawˬ˗eu jeˬ˗ahˇ aˬ joˆ˗ehˇ deuˬ˗eu nga?

  Dawˬ kʼoꞈ

• Dawˬ ngehˬ˗eu jeˬ muiˬ daˆ laˇ˗eu gaˇ kawˆ nehˬ˗ehˇ taꞈ leˇ˗awˇ nawˇ biˬdiˬoˬ heu˗ahˇ neh aˬ jeˬ ya siˬ de?

  Dawˬ kʼoꞈ

Yaw muiˬ˗ehˇ naˇ haˬ. (Yaˬkoˆ 1:19) Zaˬ deuˬ˗aˬ, aˬ da aˬ ma maˬ dehˬ laˇ˗a, gʼoˆ shaw nehˬ meh lehˇ siˬ nya taˬ naˇ, aˬ yawꞈ maꞈ˗euˬ nui ma laꞈ kʼoeˇ pyeuꞈ luꞈ˗eu jeˬ bya cehˆ ni ja nehˬ˗eu meh. Teu miˇ neh, zaˬ deuˬ kʼahˬ lahˇ laˇ paˬ˗ehˇ gʼeh˗eu gaˇ kawˆ ja doˆ laꞈ naˇ kʼawꞈ, aˇ dzehˬ dzeuˇ ni maˬ ya ngehˬ maˬ ya ehˇ˗a. (Dawˬdaˬ 17:27) Teu loꞈ˗ehˇ jahˇ ngeh to˗aˬ, aˬ yawꞈ maꞈ ngehˬ gaˇ gʼawˬ shaˬ gaˬ˗eu laꞈ kʼoeˇ yaw muiˬ˗eu naˇ haˬ nehˬ. Kʼoeˇ naˇ aˬ yawꞈ maꞈ˗ahˇ caw ba nehˬ nya˗awˇ gaˬ˗eu lehˇ bi siˬ˗eu gʼaˇ duˬ, zaˬ˗euˬ nui noeˬ˗ahˇ gʼoˆ shaw nehˬ nya ni leh jeh.