Gui˗eu deuˬ naˇ haˬ˗eu jeˬ

Yuˇdaˆ tsawˇ haˬ˗euˬ uˬ duˬ tahˬ nymˇ nymˇ ma˗euˬ yehˇ aˇ suˇ gʼaˬ nga? Aˬ yawꞈ maꞈ aˬ jeˬ˗euˬ gaˇ mˇ˗eu nga?

Piˇ ma maˬ ngeuˇ˗eu Leˬbiˇ tsawˇ haˬ deuˬ˗euˬ gaˇ tiˬ jeˬ naˇ, yehˇ ya geuꞈ˗eu heu meh. Aˬ yawꞈ maꞈ uˬ duˬ tahˬ nymˇ nymˇ ma˗ahˇ loꞈ piˇ˗eu yaw huiˬ yaw mahˇ deuˬ˗euˬ dawˬ˗ahˇ ya mˇ caw˗eu meh. Yuˇdaˆ tsawˇ haˬ pyeuꞈ˗awˇ, sahˬ boꞈ boꞈ zaˬ pyeuꞈ˗eu Piˇloˬ aˬ yawꞈ maꞈ˗euˬ gaˇ nehˬ˗ehˇ taꞈ leˇ˗awˇ ehˇ˗eu, “[Leˬbiˇ tsawˇ haˬ] heu deuˬ, tiˬ deuˬ na uˬ duˬ tahˬ nymˇ nymˇ ma˗euˬ gʼoˆ kʼehˬ˗ahˇ loꞈ˗awˇ, tiˬ deuˬ na naˇ muiˬ˗eu shawˇ˗eu jawˇ duˬ˗ahˇ tsawˇ haˬ deuˬ diˇ daˬ˗ehˇ maˬ ehˇ, maˬ yehꞈ maˇ yehꞈ˗ehˇ maˬ ehˇ, maˬ bi ahˇ leˇ˗eu gʼaˇ duˬ mehˬ shi paw loꞈ˗eu meh. Kʼoeˇ naˇ uˬ duˬ tahˬ nymˇ nymˇ ma˗ahˇ loꞈ piˇ˗eu gʼaˇ duˬ, uˬ ciꞈ nah gʼahˇ lehˇ biˇ taˬ˗awˇ, nymˇ teu tiˬ jawˬ cah cah˗ehˇ haw˗eu deuˬ jiˇ jawˇ˗eu meh.”

Kʼoeˇ uˬ taꞈ yehˇ heu deuˬ Baꞈdzah aˇ muˇ˗euˬ dawˬ˗ahˇ jiˇ mˇ caw˗eu meh. Aˬ yawꞈ maꞈ naˇ, Loˇmaˆ˗euˬ sahˬ paˬ sahˬ ma deuˬ neh guiˇ deuˆ˗eu keu ka baꞈ nya˗eu aˬ kawˬ˗aˬ biꞈ taˬ˗euˬ tiˬ muˇ tehꞈ meh.

Nui gahˇ ahˇ˗eu tsawˇ haˬ pyeuꞈ˗eu Yoˇaˬkiˬ Yeˬleˬmiˇaˇ ehˇ˗eu, “Yehˇ deuˬ Yeˬsuˇ˗ahˇ nyehꞈ laˇ ngeh, Yeˬsuˇ aˬ yawꞈ maꞈ˗ahˇ aˬ yawꞈ uˬ duˬ tahˬ nymˇ nymˇ ma laꞈ kʼoeˇ mehˬ luꞈ ngeh, aˬ jeˬ miˇ neh maˬ nyehꞈ laˇ de lehˇ naˇ haˬ˗euˬ meh. (Maꞈtehˬ 26:55) Yehˇ heu deuˬ, uˬ duˬ tahˬ nymˇ nymˇ ma˗euˬ yehˇ maˬ ngeuˇ law nmˇ˗aˬ Yeˬsuˇ heu loꞈ˗ehˇ maˬ naˇ haˬ˗eu paˬ.” Kʼoeˇ naˇ, nui gahˇ ahˇ˗eu heu gʼaˬ, teu˗euˬ jeˬ hu˗ahˇ Yeˬsuˇ˗ahˇ bi nyehꞈ˗eu lehˇ bi oe˗euˬ deuˬ jiˇ ni, uˬ duˬ tahˬ nymˇ nymˇ ma˗euˬ yehˇ pyeuꞈ meh lehˇ jiˇ jah˗eu meh. (Yoˇhaˬ 7:32, 45, 46) Kʼoeˇ uˬ taꞈ, Baꞈdzah aˇ muˇ Yeˬsuˇ˗euˬ zaˬ lahˇ˗ahˇ bi nyehꞈ laˬ iˇ˗eu gʼaˇ duˬ, uˬ duˬ tahˬ nymˇ nymˇ ma˗ahˇ loꞈ piˇ˗eu yaw huiˬ yaw mahˇ hawˇ˗eu yehˇ tiˬ gʼaˬ na˗ahˇ bi iˇ˗euˬ meh. Gʼaˬ kʼehˇ Pawˇluˆ˗ahˇ uˬ duˬ tahˬ nymˇ nymˇ ma laꞈ nyiˇ gʼeu doˆ gʼeh˗euˬ deuˬ jiˇ yehˇ deuˬ pyeuꞈ gaˇ duˇ˗eu meh.—Gʼaˬkʼehˇ 4:1-3; 5:17-27; 21:27-30.