Gaˇ kawˆ uˬ dzah deuˬ

Aˬ dui yawˬ gʼaˬ na luꞈ shaˬ zahˬ jaˆ kʼawꞈ Yeˬhawˇbaˬ aˬ dui loˬ˗eu gʼaˬ deuˬ lehˬ hmˬ nehˬ taˬ˗euˬ meh. Aˬ dui nymˇ maˬ ehˇ mehˬ hu paw maˬ ehˇ maˇ diˇ gʼaˬ za laˇ˗eu jeˬ˗ahˇ aˬ gaˇ poˆ laˬ iˇ nya˗eu nga lehˇ heu kawˆ laꞈ kʼoeˇ ehˇ taˬ˗euˬ meh.

Heu kawˆ laꞈ kʼoeˇ Yeˬsuˇ neh ja˗euˬ aˇ caˇ caˇ kʼawꞈ sehˇ poˆ˗eu aˬ li tiˬ gʼaˬ˗euˬ gaˇ kawˆ˗ahˇ neh aˬ dui aˇ yehˇ huiˬ˗eu jeˬ˗ahˇ ya siˬ˗eu meh. Kʼoeˇ naˇ aˬ dui Miˬyehˇ gaˇ mˇ˗eu jeˬ hawˇ˗eu yaw myaˬ kʼoꞈ dzaw laꞈ˗euˬ yaw tsaˬ yaw dawˇ jeˬ˗ahˇ aˇ poeˬ aˇ naˆ ni taˬ baw nga lehˇ jiˇ siˬ laˇ ni caw ba nehˬ laꞈ˗eu meh.

Suˬ saˬ˗eu dehꞈ ziˇ heu laꞈ kʼoeˇ aˬ dui aˇ yehˇ huiˬ˗eu jeˬ˗ahˇ ngehˇ nya meh. Heu kawˆ laꞈ kʼoeˇ Yeˬhawˇbaˬ˗euˬ huiˬ dui dui˗eu baoˬ aˇ yehˇ aˬ joˆ˗ehˇ huiˬ˗awˇ aˬ dui baoˬ heu˗ahˇ gʼaˬ aˬ joˆ˗ehˇ biꞈ nya˗eu nga lehˇ gʼoˆ shaw laˇ ni caw ba nehˬ˗eu meh.