Gaˇ kawˆ uˬ dzah deuˬ

Dawˬ caˇ caˇ˗eu heu naˇ Yeˬhawˇbaˬ˗euˬ tsawˇ haˬ deuˬ˗euˬ gʼaˇ duˬ uˬ duˬ tahˬ˗eu jeˬ laꞈ kʼoeˇ aˬ myah luꞈ aˇ yeˇ huiˬ˗eu jeˬ pyeuꞈ meh. Ehˇ kʼawꞈ tiˬ gʼaˬ na aˬ cawˬ˗euˬ mehˬ shi maˬ caˇ saˇ˗a. Aˬ dui Yeˬhawˇbaˬ˗ahˇ teˇ saˇ yaw kʼaˆ kʼaˆ˗ehˇ aˬ joˆ˗ehˇ caˇ˗awˇ ja ceuˬ nya˗eu nga? Heu kawˆ laꞈ kʼoeˇ aˬ dui aˬ jeˬ miˇ neh laꞈ kʼaˬ tiˬ cehˇ dawˬ caˇ ya caˇ˗eu nga lehˇ ehˇ nehˬ taˬ˗awˇ aˬ dui dawˬ caˇ caˇ nya laˇ ni aˬ joˆ˗ehˇ ya jahˇ˗eu lehˇ jiˇ tiˬ jeˬ na ehˇ nehˬ taˬ˗euˬ meh.

Gaˇ hu Iˇsaˬleˬlaˆ˗euˬ saˇ ka˗ahˇ buˬ˗iˇ law˗iˇ˗eu meuˬ lehˬ hmˬ taˬ˗euˬ jeˬ˗ahˇ neh aˬ dui gaˇ dahˇ tsoeˬ˗eu jeˬ dzaw geuꞈ nya meh. Dahˬ beh˗eu kawˆ˗ahˇ nymˇ iˬ baˇ mˇ˗euˬ deuˬ Yeˬhawˇbaˬ˗ahˇ aˬ yawꞈ maꞈ˗euˬ cehˆ zaꞈ duˬ aˬ joˆ˗ehˇ bi pyeuꞈ nya nga lehˇ haw˗awˇ nyiˬ kawˆ aˬ yawꞈ kawˆ naˇ Yeˬhawˇbaˬ neh mˇ mehˬ˗eu jeˬ aˬ dui aˬ cawˬ˗ahˇ iˬ baˇ pyehˬ ni maˬ ehˇ dehꞈ ziˇ˗ahˇ yaw zeu baw ni maˬ ehˇ tsaˬ˗eu jeˬ mˇ ni maˬ ehˇ aˬ joˆ˗ehˇ caw ba nehˬ nga lehˇ haw ma.

Heu nyiˬ kawˆ naˇ Pawˇluˆ neh Gawˇlawˇsehˇ meuˬ˗ahˇ jawˇ˗eu Ka li zaˬ deuˬ˗ahˇ boꞈ nehˬ˗euˬ sahˬ boꞈ˗ahˇ dawˬ pehˬ taˬ˗eu meh. Dahˬ beh˗eu kawˆ naˇ gaˇ kahˇ dahˇ gaˇ duˇ˗eu maˬ tsaˬ˗eu nui noeˬ˗ahˇ aˬ dui ya gaˬ ngeh aˬ joˆ˗ehˇ ya jahˇ˗eu nga lehˇ dzaw ma. Nyiꞈ kawˆ aˬ yawꞈ kawˆ naˇ Yeˬhawˇbaˬ neh aˬ dui˗ahˇ biꞈ˗eu lehˇ gʼeh˗eu laꞈ sawˬ˗ahˇ laˆ tsoeˇ laˇ˗eu jeˬ˗ahˇ aˬ dui aˬ joˆ˗ehˇ yahˇ nya nga lehˇ dzaw ma.