Gaˇ kawˆ uˬ dzah deuˬ

Miˇ kʼahˬ doe ni jawˇ˗eu tsawˇ haˬ yawˬ ha naꞈ˗i jaˆ˗eu jeˬ heu naˆ maˬ tseˇ geuꞈ mawꞈ˗eu meh. Ka li zaˬ deuˬ yawˬ ha naꞈ˗i jaˆ˗eu jeˬ˗ahˇ aˬ joˆ˗ehˇ ya haw˗eu nga? Heu nyiˬ kawˆ laꞈ kʼoeˇ maˇ diˇ yawˬ ha naꞈ˗i jaˆ˗eu jeˬ, aˬ jeˬ˗ahˇ ehˇ mawꞈ˗eu nga, naꞈ˗i jaˆ˗eu jeˬ heu˗ahˇ aˬ joˆ˗ehˇ ya laˇ nya˗eu nga, naꞈ˗i jaˆ˗eu jeˬ aˬ dui yawˬ ha˗euˬ gʼaˇ duˬ hawˇ˗eu aˬ cawˬ˗euˬ gʼaˇ duˬ gaˇ dahˇ tsoeˬ ni aˬ joˆ˗ehˇ zmˬ nya˗eu nga, lehˇ ehˇ˗eu gaˇ kawˆ heu deuˬ˗ahˇ dzaw ma. Aˇ yeˇ huiˬ dzehˬ˗eu jeˬ naˇ, maˇ diˇ bi buˬ bi law˗iˇ˗eu Miˬyehˇ Yeˬhawˇbaˬ˗ahˇ, aˬ dui˗euˬ naꞈ˗i jaˆ˗eu jeˬ neh aˬ joˆ˗ehˇ ciˬ huiˬ ciˬ mahˇ nya nga lehˇ haw ma.

Heu kawˆ laꞈ kʼoeˇ Yeˬhawˇbaˬ aˬ myah luꞈ aˬ yawꞈ˗euˬ gaˇ mˇ zaˬ deuˬ˗ahˇ gʼaˬ biꞈ˗eu gaˇ kawˆ˗ahˇ haw˗awˇ, aˬ yawꞈ˗euˬ gaˇ mˇ zaˬ deuˬ aˬ yawꞈ˗ahˇ dzaw geuꞈ˗eu laꞈ kʼoeˇ aˬ cawˬ˗ahˇ gʼaˬ aˬ joˆ˗ehˇ biꞈ˗eu nga lehˇ jiˇ haw ma. Kʼoeˇ naˇ nymˬ˗mˇ ngehˬ˗ehˇ dzehˬ aˬ dui aˬ jeˬ miˇ neh tiˬ gʼaˬ tiˇ gʼaˬ, gʼaˬ ya biꞈ˗eu nga lehˇ jiˇ haw ma.

Zaˬ guˬ deuˬ Yeˬhawˇbaˬ˗euˬ gaˇ mˇ˗eu lehˇ haw tsoˆ taˬ naˇ laꞈ kʼaˬ cehˇ˗eu meh. Heu kawˆ laꞈ kʼoeˇ aˬ dui zaˬ guˬ deuˬ aˬ jeˬ miˇ neh Yeˬhawˇbaˬ˗euˬ gaˇ mˇ˗eu jeˬ laꞈ kʼoeˇ aˇ pyaˇ ya daˬ taˬ˗awˇ, aˬ jeˬ miˇ neh Miˬyehˇ gaˇ mˇ˗eu jeˬ dehꞈ ziˇ laꞈ kʼoeˇ aˇ yeˇ huiˬ dzehˬ˗eu jeˬ ya bi pyeuꞈ nga lehˇ haw ma.