Gaˇ kawˆ uˬ dzah deuˬ

Nymˬ˗mˇ iˬ nah jaˬ myawꞈ myawꞈ˗eu jeˬ tiˬ jeˬ maˬ ngeuˇ˗eu loꞈ˗ehˇ pyeuꞈ iˇ taˬ˗euˬ meh. Jaˬ myawꞈ myawꞈ beh beh˗euˬ aˬ suˇ gʼaˬ nga? Jaˬ myawꞈ myawꞈ˗eu laꞈ kʼoeˇ neh doeˇ dzehˬ˗eu aˬ geu jeˬ nga? Aˬ dui jaˬ myawꞈ mehˇ shuiˇ˗ahˇ maˬ tawˆ leˇ ni aˬ joˆ˗ehˇ yahˇ nya˗eu nga? Aˬ dui aˬ cawˬ˗ahˇ yaw tsaˬ yaw dawˇ jeˬ aˬ joˆ˗ehˇ ngehˬ nya˗eu nga? Aˬ dui tsaꞈ gaˬ iˇ ngeh, yaw tsaˬ yaw dawˇ jeˬ ngehˬ˗eu gʼaˇ duˬ, Mehˬ˗eu Keu ka bawˬ keuˆ aˬ joˆ˗ehˇ zmˬ nya˗eu nga? Heu kawˆ laꞈ kʼoeˇ naˇ haˬ˗eu jeˬ heu deuˬ˗ahˇ dawˬ kʼoꞈ biꞈ˗eu meh.

Poˆ laˇ paˇ laˇ˗eu jeˬ nehˬ˗ehˇ tsaˬ leˇ ni dehꞈ˗eu heu naˇ yaw awˬ maˬ ngeuˇ˗a. Heu nyiˬ kawˆ naˇ, aˬ dui˗euˬ dehꞈ ziˇ laꞈ kʼoeˇ maˬ noeˬ doˆ coeˇ˗eu gaˇ kawˆ tiˬ jeˬ na pyeuꞈ laˇ ngeh, aˬ dui nui saˇ oꞈ nya˗awˇ, Sheuˬ gʼeh˗eu gʼaˬ pyeuꞈ˗eu Yeˬsuˇ Ka li˗ahˇ nui ma taˬ nya ni caw ba nehˬ˗eu meh.