Huiˬ dzehˬ dzehˬ˗eu Miˬ yehˇ aˬ suˇ gʼaˬ˗a?

Miˬ yehˇ huiˬ dzehˬ dzehˬ˗eu tiˬ gʼaˬ jawˇ˗eu tehꞈ meh. Aˬ yawꞈ˗euˬ tsawˇ myahˇ˗aˬ Yeˬhawˇbaˬ lehˇ kuˇ˗eu meh. Jaˇ liꞈ˗ahˇ ehˇ˗eu ‘Yeˬhawˇbaˬ tiˬ gʼaˬ tehꞈ˗ehˇ Miˬ yehˇ pyeuꞈ˗awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ˗eu meh.’ (Ja ceuˬ 83:18) Miˬ yehˇ mˬ kʼoeˇ taˆ jawˇ˗eu meh, Miˬ yehˇ aˬ dui˗eu mawˇ do loꞈ˗ehˇ maˬ duˇ˗a. Aˬ dui Miˬ yehˇ˗ahˇ maˬ mawˇ nya˗a. Miˬ yehˇ aˬ dui ha˗ahˇ gaˬ˗eu loꞈ˗ehˇ aˬ yawꞈ˗ahˇ kʼawꞈ bi gaˬ mawꞈ˗eu meh. Miˬ yehˇ aˬ cawˬ˗ahˇ kʼawꞈ bi gaˬ mawꞈ˗eu meh. (Maꞈtehˬ 22:35-40) Miˬ yehˇ huiˬ dui dui˗awˇ neh yawˬ jeˬ na luꞈ beh˗eu meh.

Miˬ yehˇ nehˬ jeˬ hu beh˗eu gʼaˬ baoˬ yawˇ ja˗awˇ aˬ yawꞈ˗eu mawˇ do aˬ dui ha maˬ mawˇ nya. Aˬ yawꞈ aˬ Yeˬsuˇ leh tsawˇ haˬ zaˬ˗ahˇ biˬ siˬ laꞈ meh. Yeˬhawˇbaˬ mˬ taˆ gʼaˬ kʼehˇ jiˇ ni gʼawˬ mya ni beh˗eu meh.

Yeˬhawˇbaˬ mˬ kʼoeˇ taˆ yawˬ jeˬ na luꞈ˗ahˇ beh˗eu meh . . . miˇ tsaˬ kʼoeˇ taˆ kʼaˇ jaꞈ˗eu yawˬ jeˬ na luꞈ˗ahˇ beh˗eu meh. Pah mehˬ˗eu 4:11

Nahˇ ma ba la aˬ guiˇ ma˗ehˇ miˇ tsaˬ kʼoeˇ taˆ kʼaˇ jawˇ kʼaˇ jaˆ˗eu jeˬ Yeˬhawˇbaˬ neh beh˗eu meh.—Aˇdahˬbeh˗eu 1:1.

Miˬ yehˇ miˇ tsaˬ yuˇ˗awˇ tsawˇ haˬ tiˬ gʼaˬ beh dahˬ beh˗eu meh. Kʼoeˇ gʼaˬ Aˬdaˬ lehˇ kuˇ˗eu meh.—Aˇdahˬbeh˗eu 2:7.