Aˬ dui˗euˬ nui saˇ oꞈ˗eu jeˬ

1. Mehˬ bawˬ gm nui saˇ oꞈ eu,

Yeˬhawˇbaˬ˗ahˇ ja ceuˬ.

Aˬ yawꞈ guiˇ deuˆ jeˬ˗ahˇ laˆ byoˆ,

nui ma taꞈ ni mˇ.

Nui saˇ oꞈ Sahˬpaˬ Ka li,

aˬ yawꞈ yehˇ ju gʼeh.

Yawꞈ gʼaˬ leˇ ngeh aˬ dui maꞈ,

nui saˇ oꞈ eu meh.

2. Maˬ muiˬ jeˬ maˬ paˇ ehˇ meh,

guˇ guˇ˗ehˇ maˬ paˇ ceh.

Aˬ dui maꞈ gahˬ hawˇ˗eu mi cehˇ,

nui saˇ oꞈ jeˬ˗ahˇ zmˬ.

Aˬ dui iˬ baˇ ya pyehˬ meh,

laꞈ kʼaˬ cehˇ mawꞈ naˇ.

Yeˬsuˇ˗euˬ yawˇ pyeuꞈ eu loꞈ ehˇ,

taˬ aw laꞈ kʼoeˇ dehꞈ.

3. Aˬ dui maꞈ nui saˇ za naˇ,

Miˬyehˇ guiˬ lahˬ pyeuꞈ.

Aˬ yawꞈ euˬ dawˬ ahˇ mˇ caw,

ehˇ gaˇ gaˬ leˇ ma.

Miˬyehˇ Miˇkʼahˬ oe keuˆ naˇ,

laꞈ kʼaˬ cehˇ jeˬ za.

Dui dehꞈ ziˇ teu ngeh keuˆ ni,

nui saˇ ahˇ bo saˆ.