Jah ziꞈ˗eu laꞈ kʼoeˇ ngehˬ

1 Teˇsaˬloˇni 1:5

Aˇ yeˇ huiˬ˗eu jeˬ: Aˬ dui ngehˬ˗eu gaˇ kawˆ heu, maˇ diˇ ngeuˇ˗awˇ aˇ yeˇ huiˬ˗eu jeˬ pyeuꞈ˗eu lehˇ jah ziꞈ˗eu gaˇ kawˆ bi mawˇ.

Mˇ paˬ˗ehˇ gʼeh˗eu jeˬ:

• Yaw muiˬ˗ehˇ lehˬ hmˬ. Aˬ dui aˇ yeˇ huiˬ˗eu tsahˇ˗ahˇ yaw muiˬ˗ehˇ gʼoˆ shaw nya ni gʼaˇ duˬ hawˇ˗eu, teu tsahˇ˗ahˇ Jaˇliꞈ gʼaˬ aˬ joˆ˗ehˇ biꞈ˗eu nga lehˇ si nya˗eu gʼaˇ duˬ, yaw muiˬ˗ehˇ ya poˆ tseˇ. Aˇ yeˇ huiˬ˗eu tsahˇ˗ahˇ yaw awˬ yaw nymˇ nymˇ˗ehˇ dzawˇ nehˬ. Gaˇ kawˆ teu naˇ haˬ luꞈ˗eu deuˬ˗ahˇ aˬ joˆ˗ehˇ gaˇ dahˇ tsoeˬ nga lehˇ yaw kʼaˆ kʼaˆ˗ehˇ shaˇ noeˬ˗awˇ, muiˬ˗eu shawˇ˗eu yaw sahˇ shaˇ.

• Dawˬ yaw muiˬ˗ehˇ tseˇ. Kʼaˇ boꞈ taˬ˗euˬ loꞈ˗ehˇ taˬ gui caw. Yawˬ ha˗euˬ dawˬ neh ngehˬ˗awˇ, ngehˬ˗eu dawˬ teu˗ahˇ maˇ diˇ jah˗eu lehˇ bi mawˇ.

• Yaw muiˬ muiˬ˗ehˇ ngehˬ. Teˇ saˇ ngehˬ kʼaˆ˗eu yaw tsaˬ tsaˬ˗ehˇ bi jaˆ. Naˇ haˬ luꞈ˗eu deuˬ˗ahˇ haw ngeh, aˬ yawꞈ maꞈ˗ahˇ maˬ saˇ maˇ saˇ˗ehˇ maˬ bi gʼeh leˇ ni haw.