Mehˬ bawˬ˗ahˇ laˇ˗euˬ deuˬ˗euˬ gʼaˇ duˬ

Iˇ cuꞈ shawˇ˗eu Jawˇ nah dzeuˇ koꞈ nah uˬ shawˬ paw dawˬ mehˬ meh˗eu gaˇ kawˆ deuˬ˗ahˇ haw gʼaˬ naˇ, aˇ muˇ˗ahˇ sheuˬ gʼeh˗eu deuˬ yawˬ ha˗euˬ jawˇ kʼahˬ˗ahˇ haw tsaˬ˗awˇ, nawˬ˗ahˇ iˇ cuꞈ aˬ gaˇ bi shawˇ˗eu lehˇ ehˇ nehˬ laꞈ meh.

Pyuˇ damˬ dawˆ˗eu Heu poˆ˗euˬ smˬ nah mehˬ bawˬ, tsawˇ jeuˬ˗euˬ dawˬ 400 jeˬ dzehˬ ni dawˬ yuˇ paˇ˗euˬ meh. Nawˬ neh nui ma keuˆ˗eu laꞈ kʼoeˇ damˬ nehˬ laꞈ˗euˬ pyuˇ heu naˇ, miˇ kʼahˬ doe ni mˇ luꞈ˗eu gaˇ heu˗ahˇ gʼaˬ biꞈ˗eu jeˬ pyeuꞈ meh. Nawˇ pyuˇ damˬ nehˬ mawꞈ naˇ, donate.jw.org˗ahˇ haw˗awˇ damˬ nya meh. Nawˬ neh nui ma keuˆ˗euˬ jeˬ˗ahˇ guiˬ lahˬ huiˬ ma. Uˆ lahˇ˗eu aˇ muˇ, nawˇ aˇ maꞈ aˇ muˇ˗euˬ gaˇ˗ahˇ nui ma keuˆ˗eu laꞈ kʼoeˇ caw ba˗eu miˇ neh, guiˬ lahˬ huiˬ dui dui˗eu meh.

Miˬyehˇ Miˇkʼahˬ gaˇ kawˆ tsaꞈ gaˬ˗eu deuˬ˗euˬ dzaw nymˇ Aˇ kʼoꞈ 23-ahˇ neh 65 kʼoꞈ heu laꞈ kʼoeˇ˗euˬ huˬ mehˬ mehˬ˗eu deuˬ, Miˬyehˇ˗euˬ gaˇ˗ahˇ heu naˆ maˬ tseˇ mˇ mawꞈ naˇ, yawˬ ha jawˇ˗eu aˇ muˇ˗euˬ jaˇ laˇ nyehꞈ tehˬ˗eu gʼaˬ˗ahˇ ngehˬ cawˬ˗awˇ, Miˬyehˇ Miˇkʼahˬ gaˇ kawˆ tsaꞈ gaˬ˗eu deuˬ˗euˬ dzaw nymˇ˗ahˇ daˆ˗eu gʼaˇ duˬ, iˇteuꞈnehꞈ laꞈ kʼoeˇ jaˇ laˇ dawˆ nya meh.