Loꞈ˗eu nymˇgoˇ Awˆlai Sahˬ boꞈ taˬ duˬ
Loꞈ˗eu nymˇgoˇ
Awˆlai Sahˬ boꞈ taˬ duˬ
Akha
?
  • ˆ
  • ꞈ
  • ˇ
  • ˬ
  • Jaˇliꞈ
  • Jahˇ doˆ taˬ˗euˬ jeˬ
  • Mehˬ bawˬ
  • lff gaˇ kawˆ 12 aˇ deuˆ 1-6
  • Jaˇliꞈ dzaw daˆ leꞈ nya ni nawˬ˗ahˇ caw ba nehˬ˗eu aˬ jeˬ nga?

Tseˇ taˬ˗euˬ biˬdiˬoˬ heu hmˬ maˬ ahˇ nga.

Seuˆ maˬ, biˬdiˬoˬ maˬ haw nya nga.

  • Jaˇliꞈ dzaw daˆ leꞈ nya ni nawˬ˗ahˇ caw ba nehˬ˗eu aˬ jeˬ nga?
  • Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw
  • Uˬ dzah zaˬ deuˬ
  • Duˇ leˇ˗eu gaˇ kawˆ
  • Naꞈ suiˇ ni dzaw
  • Kawˆ shawˆ
  • Haw lahˬ
  • Jaˇliꞈ nawˬ˗ahˇ aˬ joˆ˗ehˇ caw ba nehˬ nya˗eu nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw
  • Jaˇliꞈ nawˬ˗ahˇ aˬ joˆ˗ehˇ caw ba nehˬ nya˗eu nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ dzaw dahˬ beh˗eu
  • Nawˇ iˇ cuꞈ shawˇ˗eu dah laˇ maˬ loˇ?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw
  • Gaˇ hawˇ˗eu pyuˇ nehˬ˗ehˇ taꞈ leˇ˗awˇ Jaˇliꞈ aˬ joˆ˗ehˇ ehˇ˗eu nga?
    Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw
Haw lahˬ
Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw
lff gaˇ kawˆ 12 aˇ deuˆ 1-6
Dzaw deuˆ 12. Zaˬ nyiˬ gʼaˬ jawˇ˗eu aˬ ma tiˬ gʼaˬ Yeˬhawˇbaˬ˗euˬ Saˇ kiˇ nehˬ˗ehˇ Jaˇliꞈ dzaw luꞈ.

Dzaw deuˆ 12

Jaˇliꞈ dzaw daˆ leꞈ nya ni nawˬ˗ahˇ caw ba nehˬ˗eu aˬ jeˬ nga?

Yaˬ doˆ˗eu paˇ dmˬ
Yaˬ doˆ˗eu paˇ dmˬ
Yaˬ doˆ˗eu paˇ dmˬ

Jaˇliꞈ dzaw˗eu heu naˇ, gaˇ dahˇ tsoeˬ dui dui˗eu meh. Ehˇ kʼawꞈ aˬ myah luꞈ yaw awˬ maˬ ngeuˇ˗a. Tiˬ poˆ na ‘Ngaˇ Jaˇliꞈ dzaw daˆ leꞈ nya˗eu maˬ siˬ ngaˇ’ lehˇ kʼawꞈ noeˬ laˇ nya˗eu meh. Toˆ˗ehˇ dzaw daˆ leꞈ nya ni leh jeh˗eu heu naˇ, aˬ jeˬ miˇ neh leh jeh poeˬ kʼoꞈ˗eu nga? Shaˬ˗eu jeˬ, laˆ tsoeˬ laˇ˗eu jeˬ˗ahˇ ya tahˬ puˬ kʼawꞈ, dzaw daˆ leꞈ nya ni nawˬ˗ahˇ caw ba nehˬ˗eu aˬ jeˬ nga?

1. Jaˇliꞈ dzaw˗eu teu naˇ, aˬ jeˬ miˇ neh gaˇ dahˇ tsoeˬ˗eu nga?

“Miˬyehˇ˗euˬ dawˬ˗aˬ, yaw dehꞈ dehꞈ luꞈ˗awˇ baoˬ tiˬ byah ni ahˇ˗eu” meh. (Heˬbyehˇ 4:12) Jaˇliꞈ˗aˬ Miˬyehˇ˗euˬ nui noeˬ hawˇ˗eu aˬ yawꞈ aˬ dui˗ahˇ aˇ naˆ ni gaˬ˗eu lehˇ bi siˬ laꞈ˗eu miˇ neh, gaˇ dahˇ tsoeˬ dui dui˗eu meh. Kʼoeˇ uˬ taꞈ zaˬ siˬ nui gahˇ gʼawˬ mya jeˬ bi lahˬ laˇ˗awˇ, mehˬ hu paw noeˬ tmˬ˗eu jeˬ jiˇ bi jaˆ laˇ˗eu meh. Aˇ yeˇ kʼaˇ huiˬ˗eu jeˬ naˇ, Jaˇliꞈ dzaw˗eu teu nawˬ˗ahˇ Yeˬhawˇbaˬ˗euˬ cawˬ pyeuꞈ nya laˇ ni caw ba nehˬ˗awˇ, nawˬ˗euˬ dehꞈ ziˇ jiˇ bi muiˬ daˆ laˇ˗eu meh.

2. Jaˇliꞈ laꞈ kʼoeˇ˗euˬ yaw tsaˬ yaw dawˇ jeˬ˗ahˇ aˇ poeˬ taˬ baw˗eu heu, aˬ jeˬ miˇ neh aˇ yeˇ huiˬ˗eu nga?

Jaˇliꞈ laꞈ kʼoeˇ˗euˬ yaw tsaˬ yaw dawˇ jeˬ heu naˇ, aˇ poeˬ baw dui dui˗eu pyuˇ shuiˇ myawˬ gahˬ˗ahˇ duˇ˗eu meh. Teu miˇ neh, Jaˇliꞈ aˬ dui˗ahˇ ‘yaw tsaˬ yaw dawˇ jeˬ˗ahˇ poˆ geuꞈ˗eu tsaˬ meh. Ahˬ dzeh˗eu maˬ tsaˬ˗a’ lehˇ ehˇ˗eu meh. (Dawˬdaˬ 23:23) Aˬ dui yaw tsaˬ yaw dawˇ jeˬ heu aˇ naˆ ni aˇ poeˬ baw˗eu lehˇ siˬ nya taˬ naˇ, aˬ geu jeˬ˗ahˇ ya tahˬ puˬ kʼawꞈ, kʼaˇ gʼeh nya gaˇ neh leh jeh˗awˇ Jaˇliꞈ dzaw daˆ leꞈ˗eu meh.—Dawˬdaˬ 2:4, 5-ahˇ gui.

3. Jaˇliꞈ dzaw daˆ leꞈ nya ni Yeˬhawˇbaˬ nawˬ˗ahˇ aˬ joˆ˗ehˇ caw ba nya˗eu nga?

Beh˗euˬ yaw sahˇ pyeuꞈ˗awˇ aˬ dui˗euˬ cawˬ pyeuꞈ˗eu Yeˬhawˇbaˬ, aˬ yawꞈ˗euˬ gaˇ kawˆ˗ahˇ siˬ nya laˇ ni nawˬ˗ahˇ caw ba nehˬ mawꞈ˗eu meh. Aˬ yawꞈ nawˬ˗ahˇ ‘nui ma keuˆ ni maˬ ehˇ, Miˬyehˇ˗euˬ nui kʼahˇ mˇ nya ni maˬ ehˇ’ gʼaˬ biꞈ nehˬ nya meh. (Piˇliˇpiˆ 2:13-ahˇ gui.) Yeˬhawˇbaˬ nawˬ˗ahˇ Jaˇliꞈ dzaw mawꞈ laˇ ni hawˇ˗eu nawˬ neh ya siˬ˗euˬ jeˬ˗ahˇ mˇ caw nya ni caw ba nehˬ˗awˇ, shaˬ˗eu jeˬ, laˆ tsoeˬ laˇ˗eu jeˬ˗ahˇ ya tahˬ puˬ kʼawꞈ, kamˬ daˬ coeˇ ni jiˇ caw ba nehˬ˗eu meh. Teu miˇ neh Jaˇliꞈ dzaw daˆ leꞈ nya ni caw ba nehˬ laꞈ lehˇ, Yeˬhawˇ baˬ˗ahˇ aˬ myah luꞈ guiˬ lahˬ shaˇ˗awˬ.—1 Teˇsaˬloˇni 5:17.

Naꞈ suiˇ ni dzaw

Gaˇ myaˬ dui dui kʼawꞈ, laˆ tsoeˬ laˇ˗eu jeˬ˗ahˇ ya tahˬ puˬ kʼawꞈ, Jaˇliꞈ aˬ joˆ˗ehˇ dzaw daˆ leꞈ nya˗eu nga lehˇ haw˗awˇ, Yeˬhawˇbaˬ nawˬ˗ahˇ aˬ joˆ˗ehˇ caw ba nehˬ laꞈ˗eu nga lehˇ jiˇ haw.

4. Jaˇliꞈ dzaw˗eu jeˬ˗ahˇ aˇ poeˬ taˬ baw

Tiˬ poˆ na dehꞈ ziˇ laꞈ kʼoeˇ gaˇ myaˬ dzaˬ myaˬ dawˇ˗eu miˇ neh, Jaˇliꞈ dzaw˗eu aˇ yamˬ maˬ jaˆ nya lehˇ kʼawꞈ noeˬ laˇ nya˗eu meh. Toˆ˗ehˇ naˇ nawˬ˗ahˇ caw ba nehˬ nya˗eu aˬ jeˬ nga? Piˇliˇpiˆ 1:10-ahˇ gui gʼaˬ naˇ, naˇ haˬ˗eujeˬ heu˗ahˇ ja sawˇ.

  • Nawˬ˗euˬ dehꞈ ziˇ laꞈ kʼoeˇ “muiˬ dzehˬ˗eu jeˬ” maˬ ngeuˇ naˇ aˇ yeˇ huiˬ dzehˬ˗eu aˬ geu jeˬ nya?

  • Nawˇ Jaˇliꞈ dzaw˗eu jeˬ˗ahˇ aˇ poeˬ aˬ joˆ˗ehˇ taˬ baw nya˗eu nga?

A. Aˇ baˇ: Kʼaˇ shuiꞈ hawˇ˗eu kʼaˬ lo dawˆ ahˇ˗eu aˇ baˇ. 1. Kʼaˇ shuiꞈ hawˇ˗eu kʼaˬ lo tiˬ bymˇ. 2. Kʼaˇ shuiꞈ bawˬ tsahˬ˗euˬ tiˬ kʼehˆ naˆ ni dawˆ ahˇ taˬ. 3. Kʼaˬ lo maˬ deˇ leˇ jiˇ˗eu miˇ neh laꞈ nyiˇ ga luꞈ. B. Aˇ baˇ. 1. Kʼaˇ shuiꞈ hawˇ˗eu kʼaˬ lo aˬ yawꞈ yaw oeˇ bymˇ. 2. Kʼaˬ lo bawˬ tsahˬ laꞈ kʼoeˇ tiˬ byah ni ahˇ. 3. Kʼaˇ shuiꞈ shehˆ ahˇ gʼeh ngeh kʼaˬ lo yaw kaˬ˗ahˇ ahˇ leˇ nya˗awˇ deˇ leˇ jiˇ. Bawˬ tsahˬ˗euˬ laꞈ nyiˇ kʼaˇ shuiꞈ ui cuiˆ maˬ ngeuˇ naˇ maˬ ga.
  1. 1. Aˬ dui kʼaˇ shuiꞈ jeˬ hu shehˆ ahˇ˗awˇ kʼaˬ lo dawˆ ahˇ naˇ, kʼaˬ lo maˬ deˇ leˇ jiˇ˗a

  2. 2. Ehˇ kʼawꞈ kʼaˬ lo jeˬ hu dawˆ ahˇ˗awˇ kʼaˇ shuiꞈ shehˆ ahˇ naˇ, dawˬ tawˆ luꞈ deˇ leˇ jiˇ˗eu meh. Teu gaˇ duˇ ni aˬ dui aˇ yeˇ huiˬ dzehˬ˗eu jeˬ˗ahˇ jeˬ hu mˇ naˇ, yawˬ jeˬ yawˬ mˇ˗eu aˇ yamˬ jiˇ doˆ laˇ meh

Jaˇliꞈ dzaw˗eu heu naˇ Miˬyehˇ˗ahˇ siˬ nya laˇ˗awˇ aˬ yawꞈ˗ahˇ uˬ duˬ tahˬ nya laˇ ni caw ba nehˬ˗eu meh. Maꞈtehˬ 4:4-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

  • Aˬ dui Jaˇliꞈ dzaw˗eu jeˬ˗ahˇ aˇ poeˬ taˬ baw˗eu heu naˇ, aˬ joˆ˗ehˇ gaˇ dahˇ tsoeˬ˗eu nga?

5. Laˆ tsoeˬ laˇ˗eu jeˬ˗ahˇ ya tahˬ puˬ kʼawꞈ dzaw daˆ leꞈ

Tiˬ gʼaˬ na nawˬ˗ahˇ Jaˇliꞈ maˬ bi dzaw˗eu gʼaˇ duˬ laˆ tsoeˬ laˇ˗eu kʼawꞈ pyeuꞈ nya meh. Toˆ˗ehˇ gʼeh ngeh Pehˬtseˇ˗suiˬkoꞈ aˬ joˆ˗ehˇ jahˇ˗euˬ nga lehˇ haw. Biˬdiˬoˬ pah gʼaˬ naˇ, naˇ haˬ˗eu jeˬ heu˗ahˇ ja sawˇ.

Biˬdiˬoˬ: Oˇ oꞈ˗eu baˬ da neh za˗euˬ laꞈ sawˬ (5:22)

‘Oˇ oꞈ˗eu baˬ da neh za˗euˬ laꞈ sawˬ’ lehˇ ehˇ˗eu biˬdiˬoˬ laꞈ kʼoeˇ˗euˬ aˇ baˇ tiˬ baˇ na. Pehˬtseˇ˗suiˬkoꞈ aˬ yawꞈ˗euˬ maˬ muiˬ˗eu cawˬ deuˬ˗ahˇ cawˬ maˬ paˇ cawˬ ma lehˇ ehˇ nehˬ˗awˇ iˇ doˆ luꞈ.
  • Pehˬtseˇ˗suiˬkoꞈ aˬ yawꞈ dzaw luꞈ˗eu gaˇ kawˆ, nymˇ jiˇ hawˇ˗eu cawˬ deuˬ˗ahˇ ja nehˬ ngeh, aˬ yawꞈ maꞈ˗ahˇ aˬ joˆ˗ehˇ gʼeh leˇ˗eu nga?

  • Pehˬtseˇ˗suiˬkoꞈ oˇ oꞈ˗eu baˬ da neh, aˬ jeˬ˗euˬ laꞈ sawˬ za˗euˬ nga?

2 Tiˆmoˇseˬ 2:24, 25-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

  • Nawˇ Jaˇliꞈ dzaw gaˇ nymˇ jiˇ laꞈ kʼoeˇ˗euˬ deuˬ hawˇ˗eu cawˬ deuˬ aˬ joˆ˗ehˇ noeˬ˗eu nga?

  • Jaˇliꞈ aˇ deuˆ heu˗ahˇ haw ngeh, nawˇ Jaˇliꞈ dzaw gaˇ tiˬ gʼaˬ na maˬ ya leˇ naˇ aˬ joˆ˗ehˇ ya jahˇ˗eu nga? Aˬ jeˬ miˇ neh?

6. Yeˬhawˇbaˬ˗ahˇ gʼoe˗awˇ aˬ yawꞈ neh bi caw ba

Yeˬhawˇbaˬ nehˬ˗ehˇ ngehˬ˗ehˇ gʼoeˇ leˇ naˇ ngehˬ˗ehˇ, aˬ yawꞈ nui kʼahˇ shiˇ˗eu jeˬ mˇ mawꞈ laˇ˗eu meh. Ehˇ kʼawꞈ Yeˬhawˇbaˬ nui ma tsaˬ˗eu loꞈ˗ehˇ dehꞈ˗eu gʼaˇ duˬ, tiˬ jeˬ na laˆ paˇ˗eu yaw awˬ maˬ ngeuˇ nya lehˇ kʼawꞈ noeˬ laˇ nya meh. Nawˇ teu loꞈ˗ehˇ noeˬ luꞈ naˇ gʼaˬ taˬ baˬ siˬ. Yeˬhawˇbaˬ nawˬ˗ahˇ caw ba nehˬ meh. Biˬdiˬoˬ pah gʼaˬ naˇ, naˇ haˬ˗eu jeˬ heu˗ahˇ ja sawˇ.

Biˬdiˬoˬ: Dehꞈ poˆ dehꞈ paˇ nya ni Yeˬhawˇbaˬ caw ba nehˬ (3:56)

  • Biˬdiˬoˬ laꞈ kʼoeˇ˗euˬ Jiˬ˗mˬ, Yeˬhawˇbaˬ nui kʼahˇ shiˇ ni aˬ jeˬ jeˇ laˆ paˇ˗euˬ nga?

  • Aˬ yawꞈ˗euˬ gaˇ kawˆ˗ahˇ haw ngeh, nawˬ˗ahˇ aˬ geu tsahˇ˗ahˇ ya leˇ nya?

Heˬbyehˇ 11:6-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.

  • Yeˬhawˇbaˬ aˬ yawꞈ˗ahˇ siˬ nya laˇ˗awˇ aˬ yawꞈ nui kʼahˇ shiˇ˗eu jeˬ mˇ nya ni, leh jeh˗eu deuˬ˗ahˇ aˬ jeˬ biꞈ˗eu nga?

  • Nawˇ leh jeh˗awˇ Jaˇliꞈ dzaw luꞈ gaˇ Yeˬhawˇbaˬ ya mawˇ ngeh, aˬ yawꞈ˗ahˇ aˬ joˆ˗ehˇ gʼeh leˇ˗eu nga?

Tiˬ gʼaˬ na naˇ haˬ˗eu: “Aˬ jeˬ miˇ neh Yeˬhawˇbaˬ˗euˬ Saˇ kiˇ deuˬ nehˬ˗ehˇ Jaˇliꞈ dzaw de?”

  • Teu loꞈ˗ehˇ naˇ haˬ laˇ naˇ, nawˇ aˬ joˆ˗ehˇ ehˇ kʼoꞈ nehˬ de?

Kawˆ shawˆ

Jaˇliꞈ dzaw˗eu teu aˬ myah luꞈ yaw awˬ maˬ ngeuˇ kʼawꞈ, nawˇ dzaw daˆ leꞈ naˇ mˬ maˬ maˬ byaˆ zaˇ ziˇ laˬ kʼaˬ tiˬ cehˇ dehꞈ gʼeh nya ni caw ba nehˬ laꞈ meh. Teu miˇ neh aˬ myah luꞈ Yeˬhawˇbaˬ˗ahˇ gʼoe˗awˬ, aˬ yawꞈ nawˬ˗ahˇ laꞈ sawˬ biꞈ nehˬ laꞈ meh.

Ja sawˇ poˆ˗eu

  • Jaˇliꞈ laꞈ kʼoeˇ˗euˬ yaw tsaˬ yaw dawˇ jeˬ, nawˬ˗euˬ gʼaˇ duˬ aˬ jeˬ miˇ neh aˇ poeˬ baw˗eu nga?

  • “Muiˬ dzehˬ˗eu jeˬ” maˬ ngeuˇ naˇ aˇ yeˇ huiˬ dzehˬ˗eu jeˬ˗ahˇ mˇ nya˗eu gʼaˇ duˬ, aˬ jeˬ ya jahˇ˗eu nga?

  • Jaˇliꞈ dzaw daˆ leꞈ nya ni caw ba nehˬ laꞈ lehˇ, Yeˬhawˇbaˬ˗ahˇ aˬ jeˬ miˇ neh guiˬ lahˬ ya shaˇ˗eu nga?

Ngaˇ mˇ˗eu lehˇ noeˬ taˬ˗euˬ jeˬ

Haw lahˬ

Gʼawˬ mya gʼaˬ˗ahˇ aˇ yamˬ yaw gahˇ gahˇ˗ehˇ zmˬ nya ni caw ba nehˬ˗eu oeˬ jeˬ˗ahˇ haw.

“Nawˬ˗euˬ aˇ yamˬ˗ahˇ yaw gahˇ gahˇ˗ehˇ aˬ joˆ˗ehˇ zmˬ nya˗eu nga?” (Noeˬlaˇ˗awˬ!, 2014 Nyiˬ siˬ ba la)

Kʼaˬ dzeˇ zaˬ maˬ gʼoˆ shaw nehˬ laꞈ kʼawꞈ, Yeˬhawˇbaˬ nui kʼahˇ shiˇ˗eu jeˬ˗ehˇ dehꞈ˗eu lehˇ leh jeh˗euˬ zaˬ miˬ zaˬ tiˬ gʼaˬ˗ahˇ, Yeˬhawˇbaˬ aˬ joˆ˗ehˇ caw ba nehˬ˗euˬ nga lehˇ haw.

Aˬ dui˗euˬ kʼaˆ behˆ˗ahˇ pi nya ni Yeˬhawˇbaˬ gʼaˬ biꞈ (5:05)

Zaˬ miˬ zaˬ gʼaˬ oˇ oꞈ˗awˇ Jaˇliꞈ dzaw daˆ leꞈ˗euˬ heu, kʼaˬ dzeˇ zaˬ gʼaˬ˗ahˇ gaˇ dahˇ aˬ joˆ˗ehˇ tsoeˬ˗eu nga lehˇ haw.

Ngaˇ yaw tsaˬ yaw dawˇ jeˬ˗ahˇ lawˬ haw˗euˬ ma (6:30)

Tiˬ deuˬ na Yeˬhawˇbaˬ˗euˬ Saˇ kiˇ deuˬ nymˇ jiˇ˗ahˇ laˆ pyaˆ nga lehˇ ehˇ˗eu meh. Teu maˇ diˇ ngeuˇ ngaˇ laˬ?

“Yeˬhawˇbaˬ˗euˬ Saˇ kiˇ deuˬ nymˇ jiˇ˗ahˇ laˆ pyaˆ nga laˬ, maˇ ngeuˇ naˇ laˆ ziꞈ nga laˬ?” (Iˇteuꞈnehꞈ laꞈ kʼoeˇ˗euˬ gaˇ kawˆ)

    Aˬkaˬ sahˬ boꞈ paˇ dmˬ (2013-2025)
    Doˆ iˇ˗eu
    Ahˇ leˇ˗eu
    • Akha
    • Biˇ nehˬ˗eu
    • Toeˬ taˬ˗eu
    • Copyright © 2025 Watch Tower Bible and Tract Society of Pennsylvania
    • Zmˬ nya˗eu aˇ tiˆ
    • Yawˬ ha˗euˬ gaˇ kawˆ˗ahˇ haw lahˇ nehˬ˗eu jeˬ
    • Yawˬ ha-euˬ gaˇ kawˆ-ahˇ haw lahˇ-eu g'aˇ duˬ toeˬ taˬ-eu
    • JW.ORG
    • Ahˇ leˇ˗eu
    Biˇ nehˬ˗eu