Dawˬ caˇ 161
Nawˬ˗euˬ nui kʼahˇ mˇ-eu laˬ k’aˬ cehˇ
1. Nawˬ-euˬ Zaˬ maˇ doˆ laˇ Yawˇdaˬ lawˇ baˬ-ahˇ
Yawꞈ laꞈ k’oeˇ byah luꞈ Miˬyehˇ dawˬ,
Nawˬ neh noeˬ taˬ jeˬ mˇ dui dui mawꞈ
Ziꞈ dah ni mˇ lehˇ noeˬ taˬ.
Lawˬ haw laˇ jeˬ ahˇ jiˇ cuˬ deuˆ g’aˬ.
Miˬyehˇ tsawˇ myahˇ ahˇ haw piˇ.
Yawˬ jeˬ na biꞈ nehˬ k’aˇ g’eh nya loꞈ-ehˇ,
Biꞈ mawꞈ nya teu loꞈ-ehˇ ngaˇ jiˇ.
(Caˇ poˆ)
Nawˬ euˬ nui k’ahˇ mˇ laˬ k’aˬ cehˇ.
Yawˬ jeˬ na luꞈ nawˬ ahˇ biꞈ ma.
Ngaˇ laˬ k’aˬ cehˇ, ehˇ ngeh maˬ jiˇ.
Nawˬ euˬ yaw shehꞈ laꞈ k’oeˇ cah.
Nawˬ euˬ nui k’ahˇ mˇ laˬ k’aˬ cehˇ.
Noeˬ tmˬ jeˬ maˇ jawˆ ni dehꞈ ma.
Ngaˇ za luꞈ ma, nawˇ nui gaˬ ahˇ.
Yawˬ nah na nawˬ ahˇ ja ceuˬ.
Laˬ k’aˬ tiˬ cehˇ.
2. Yeˬhawˇbaˬ gaˇ kawˆ mawˇ nya laˇ ngeh,
Laˬ k’aˬ cehˇ nui ma maˇ diˇ ni.
Tsaꞈ gaˬ ma nawˬ euˬ saˇ kiˇ ya pyeuꞈ,
Yaw tsaˬ yaw dawˇ dzawˇ gaˬ ma.
Tiˬ kawˆ loꞈ-ehˇ gaˇ mˇ mehˇ nmˇ deuˬ nehˬ-ehˇ,
Muiˬ dehꞈ ziˇ za zawˇ-ehˇ muiˬ nya.
Nawˬ-euˬ tsawˇ myahˇ ya kuˇ aˇ poeˬ baw miˇ-a.
Biꞈ nehˬ jiˇ dawˬ tawˆ k’aˇ jaˆ-eu.
(Caˇ poˆ)
Nawˬ euˬ nui k’ahˇ mˇ laˬ k’aˬ cehˇ.
Yawˬ jeˬ na luꞈ nawˬ ahˇ biꞈ ma.
Ngaˇ laˬ k’aˬ cehˇ, ehˇ ngeh maˬ jiˇ.
Nawˬ euˬ yaw shehꞈ laꞈ k’oeˇ cah.
Nawˬ euˬ nui k’ahˇ mˇ laˬ k’aˬ cehˇ.
Noeˬ tmˬ jeˬ maˇ jawˆ ni dehꞈ ma.
Ngaˇ za luꞈ ma, nawˇ nui gaˬ ahˇ.
Yawˬ nah na nawˬ ahˇ ja ceuˬ.
Laˬ k’aˬ tiˬ cehˇ.
Dehꞈ ma laˬ k’aˬ tiˬ cehˇ.
(Ja ceuˬ. 40:3, 10-ahˇ jiˇ haw.)