Kʼaˬ duˬ ni gʼeh

Yeˬsuˇ aˬ jeˬ jahˇ˗euˬ nga?

Biˬdiˬoˬ: Yeˬsuˇ Saˬgehˇ˗ahˇ tsaꞈ gaˬ

1. Biˬdiˬoˬ˗ahˇ haw, maˬ ngeuˇ naˇ Luˇkaꞈ 19:1-7-ahˇ gui. Jiˇnaˇ, naˇ haˬ˗eu jeˬ heu deuˬ˗ahˇ shaˇ noeˬ:

1. Tiˬ deuˬ na aˬ jeˬ miˇ neh Saˬgehˇ˗ahˇ yahˇ˗eu kʼawꞈ pyeuꞈ nya˗eu nga?

2. Saˬgehˇ˗ahˇ tsaꞈ gaˬ mawꞈ ni Yeˬsuˇ˗ahˇ laˆ noeˬ nehˬ˗euˬ jeˬ naˇ aˬ jeˬ nga?

Yeˬsuˇ˗ahˇ neh aˬ jeˬ ya siˬ˗eu nga?

2. Miˬyehˇ Miˇkʼahˬ gaˇ kawˆ laˬ kʼaˬ cehˇ˗eu guiˬ lahˬ dawˬ˗ahˇ yawˬ gʼaˬ na luꞈ˗ahˇ tsaꞈ gaˬ doe˗eu gʼaˇ duˬ, kʼaˬ duˬ ni ya gʼeh˗eu meh.

Yeˬsuˇ˗ahˇ dzaw geuꞈ

3. Yeˬhawˇbaˬ˗ahˇ gʼoe. Miˬyehˇ˗euˬ baoˬ Yeˬsuˇ˗ahˇ tsaꞈ gaˬ daˆ leꞈ nya ni gʼaˬ biꞈ˗euˬ loꞈ˗ehˇ aˬ dui˗ahˇ jiˇ biꞈ nehˬ nya meh. (Maꞈtehˬ 10:19, 20; Luˇkaꞈ 4:18) Aˬ dui guˆ˗eu deuˬ˗ahˇ kʼaˬ duˬ ni tsaꞈ gaˬ peuˬ ni caw ba nehˬ laꞈ lehˇ Yeˬhawˇbaˬ˗ahˇ ya shaˇ˗eu meh.—Gʼaˬkʼehˇ 4:29.

4. Aˬ cawˬ˗ahˇ taˬ daˇ. Aˬ dui tiˬ gʼaˬ na˗euˬ myaˆ pyawˬ naˇ mehˇ˗ahˇ haw˗awˇ neh maˬ ehˇ, yaw dehꞈ dehꞈ˗eu aˇ tiˆ˗ahˇ haw˗awˇ neh maˬ ehˇ, zahˇ tawˬ taˬ gaˇ haw˗awˇ neh maˬ ehˇ, maˬ ngehˬ cawˬ mawꞈ ni gʼeh˗eu kʼawꞈ pyeuꞈ nya meh. Ehˇ kʼawꞈ heu˗ahˇ taˬ ngehˇ:

1. Yeˬhawˇbaˬ hawˇ˗eu Yeˬsuˇ tsawˇ haˬ deuˬ˗euˬ nui ma˗ahˇ siˬ jiˇ mawˇ jiˇ nya˗eu meh. Ehˇ kʼawꞈ aˬ dui maˬ siˬ maˬ mawˇ nya˗a.

2. Yeˬhawˇbaˬ maˬ caw ba nehˬ nya˗eu tiˬ gʼaˬ˗iˬ maˬ jawˇ˗a.

5. Kʼaˬ duˬ ni gʼeh kʼawꞈ yaw gahˇ gahˇ lehˇ ya gʼeh˗awˇ yaw zeu ya baw. (Maꞈtehˬ 10:16) Taˬ pyehˇ dzaˬ. Guiˬ lahˬ dawˬ˗ahˇ maˬ naˇ haˬ mawꞈ˗eu deuˬ nehˬ˗ehˇ maˬ ehˇ, guˆ laˇ paˬ˗ehˇ gʼeh˗eu deuˬ nehˬ˗ehˇ maˬ ehˇ ya mawˇ ngeh, nahˬ yu ni ngehˬ˗awˇ doˆ le paˬ˗ehˇ gʼeh˗eu meh.—Dawˬdaˬ 17:14.