Nui kʼaˬ ahˇ

Yeˬsuˇ aˬ jeˬ jahˇ˗euˬ nga?

Biˬdiˬoˬ: Yeˬsuˇ smˇ muiˬ muiˬ˗awˇ yaw huiˬ yaw mahˇ tiˬ gʼaˬ pyeuꞈ˗eu zaˬ guˬ tiˬ gʼaˬ˗ahˇ nui noeˬ nui duˇ biꞈ

1. Biˬdiˬoˬ˗ahˇ haw, maˬ ngeuˇ naˇ Maˬkuˆ 10:17-22-ahˇ gui. Jiˇ naˇ, naˇ haˬ˗eu jeˬ heu deuˬ˗ahˇ shaˇ noeˬ:

1. Yeˬsuˇ zaˬ guˬ teu gʼaˬ laꞈ kʼoeˇ˗euˬ aˬ jeˬ muiˬ˗eu seuˆ dzeuꞈ aˇ gʼehˇ˗ahˇ mawˇ˗euˬ pyeuꞈ nya˗eu nga?

2. Yeˬsuˇ aˬ yawꞈ˗ahˇ nui noeˬ nui duˇ biꞈ˗eu gʼaˇ duˬ, aˬ jeˬ miˇ neh nui gaˬ hawˇ˗eu nui kʼaˬ loˬ˗eu nga?

Yeˬsuˇ˗ahˇ neh aˬ jeˬ ya siˬ˗eu nga?

2. Aˬ dui dzaw zaˬ deuˬ nui jah paw huiˬ laˇ mahˇ laˇ ni caw ba nehˬ˗eu gʼaˇ duˬ, nui gaˬ ahˇ˗eu laꞈ kʼoeˇ dawˇ coe ni ya ngehˬ meh.

Yeˬsuˇ˗ahˇ dzaw geuꞈ

3. Aˬ dui˗euˬ dzaw zaˬ˗ahˇ aˇ pyaˇ daˬ nya ni hawˇ˗eu aˇ pyaˇ teu˗ahˇ le keuˆ nya ni caw ba nehˬ.

1. Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ laꞈ kʼoeˇ˗euˬ dzaw deuˆ aˬ yawꞈ hmˬ yawꞈ laꞈ kʼoeˇ ahˇ˗eu “Ngaˇ mˇ˗eu lehˇ noeˬ taˬ˗euˬ jeˬ” lehˇ ehˇ˗eu kawˆ˗ahˇ zmˬ.

2. Dzaw zaˬ˗ahˇ dawˬ peh maˬ ehˇ, gaˇ mahˇ maˬ ehˇ, daˬ taˬ˗euˬ aˇ pyaˇ deuˬ˗ahˇ le keuˆ nya˗eu gʼaˇ duˬ aˬ jeˬ jeˇ ya jahˇ˗eu lehˇ mehˬ nehˬ.

3. Dzaw zaˬ huiˬ laˇ mahˇ laˇ gaˇ ya mawˇ ngeh ja ceuˬ nehˬ.

4. Aˬ dui dzaw zaˬ˗ahˇ maˬ bi huiˬ maˬ bi mahˇ laˇ ni laˆ tsoeˬ˗eu jeˬ naˇ aˬ jeˬ nga lehˇ ya siˬ nya taˬ˗awˇ, teu˗ahˇ gʼaˬ leˇ nya ni caw ba nehˬ.

1. Yawˬ ha˗ahˇ heu loꞈ˗ehˇ naˇ haˬ:

   • ‘Ngaˬ˗euˬ dzaw zaˬ˗ahˇ iˇ cuꞈ shawˇ˗eu aˇ tiˆ˗ahˇ maˬ bi laˇ keuˆ nya ni laˆ tsoeˬ˗eu jeˬ naˇ aˬ jeˬ nga?’

   • ‘Ngaˇ aˬ yawꞈ˗ahˇ aˬ jeˬ caw ba nehˬ nya nga?’

2. Dzaw zaˬ˗ahˇ nui gaˬ ahˇ˗eu laꞈ kʼoeˇ aˬ jeˬ ya jahˇ˗eu lehˇ dawˇ coe ni ngehˬ nya˗eu gʼaˇ duˬ nui kʼaˬ biꞈ laꞈ lehˇ guiˬ lahˬ shaˇ.

5. Maˬ huiˬ maˬ mahˇ laˇ˗eu dzaw zaˬ deuˬ˗ahˇ taˬ paˇ mehˬ.

1. Aˬ dui˗euˬ dzaw zaˬ huiˬ laˇ mahˇ laˇ luꞈ ngaˇ˗a laˬ lehˇ yawˬ ha˗ahˇ heu loꞈ˗ehˇ naˇ haˬ˗awˇ noeˬ tsehˆ:

   • ‘Ngaˬ˗euˬ dzaw zaˬ aˬ yawꞈ neh ya siˬ˗euˬ jeˬ˗ahˇ mˇ caw luꞈ ngaˇ˗a laˬ?’

   • ‘Aˬ yawꞈ mehˬ bawˬ˗ahˇ laˇ ngaˇ˗a laˬ? Aˬ yawꞈ neh ya siˬ˗euˬ yaw tsaˬ yaw dawˇ jeˬ aˬ cawˬ˗ahˇ ja nehˬ ngaˇ˗a laˬ?’

   • ‘Aˇ yamˬ tiˬ yamˬ˗ahˇ keuˆ ni Jaˇliꞈ dzaw gʼaˬ ngeh tiˬ jawˇ, aˬ yawꞈ Yeˬhawˇbaˬ˗euˬ Saˇkiˇ tiˬ gʼaˬ pyeuꞈ laˇ mawꞈ ngaˇ˗a laˬ?’

2. Dzaw zaˬ gʼaˬ maˬ huiˬ maˬ mahˇ laˇ mawꞈ naˇ:

   • Nawˬ˗ahˇ laˆ tsoeˬ˗eu jeˬ naˇ aˬ jeˬ nya lehˇ naˇ haˬ haw.

   • Aˬ yawꞈ˗ahˇ Jaˇliꞈ aˬ jeˬ miˇ neh maˬ paˇ mehˬ tawꞈ leꞈ˗eu lehˇ yaw gahˇ gahˇ lehˇ dzawˇ nehˬ.

   • Jaˇliꞈ dzaˇ˗i tiˬ poˆ dzaw kʼoꞈ laˇ˗eu gʼaˇ duˬ, aˬ joˆ˗ehˇ ya jahˇ˗eu lehˇ bi siˬ.