Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu paˇ dmˬ zmˬ˗awˇ Jaˇliꞈ aˬ joˆ˗ehˇ mehˬ nya˗eu nga?

Jaˇliꞈ maˬ mehˬ mi naˆ˗ehˇ

1. 

   1. Yaw muiˬ˗ehˇ lehˬ hmˬ. Lehˬ hmˬ ngeh dzaw zaˬ˗euˬ gaˇ kawˆ, aˬ yawꞈ loˬ˗eu jeˬ hawˇ˗eu aˬ yawꞈ noeˬ˗eu jeˬ˗ahˇ jiˇ shaˇ noeˬ shaˇ sawˇ. Dzaw zaˬ gʼoˆ shaw˗eu maˬ awˬ˗eu, mˇ caw˗eu maˬ awˬ˗eu aˬ geu jeˬ nga lehˇ jeˬ hu neh shaˇ noeˬ taˬ. “Haw lahˬ” laꞈ kʼoeˇ ahˇ˗eu gaˇ kawˆ deuˬ hawˇ˗eu biˬdiˬoˬ deuˬ dzaw zaˬ˗ahˇ aˬ joˆ˗ehˇ caw ba nehˬ nya˗eu nga lehˇ shaˇ noeˬ shaˇ sawˇ. Jaˇliꞈ mehˬ ngeh loˬ naˇ gaˇ kawˆ teu˗ahˇ zmˬ nya meh.

Jaˇliꞈ mehˬ luꞈ ngeh

1. 2. Dzaw zaˬ nui ma tsaˬ naˇ, Jaˇliꞈ maˬ mehˬ mi naˆ˗ehˇ hawˇ˗eu mehˬ gʼaˬ ngeh guiˬ lahˬ shaˇ.

2. 

   3. Dawˬ yaw kʼaˆ˗ehˇ maˬ ngehˬ myaˬ ni lehˬ hmˬ nehˬ taˬ˗euˬ gaˇ kawˆ˗ahˇ haw tsoˆ taˬ. Dzaw zaˬ aˬ yawꞈ noeˬ˗eu jeˬ˗ahˇ aˬ yawˇ yawꞈ bi ngehˬ doˆ leꞈ.

3. 4. Aˇ bymˇ yaw shuiꞈ tiˬ hmˬ aˇ dahˬ beh ngeh aˇ bymˇ teu˗euˬ aˇ yeˇ huiˬ˗eu tsahˇ˗ahˇ gui. Kʼoeˇ naˇ dzaw deuˆ tiˬ hmˬ na˗euˬ uˬ dzah ehˇ nehˬ.

4. 5. Aˇ bymˇ tiˬ bymˇ dzaw gʼaˬ ngeh ya siˬ˗euˬ yaw tsaˬ yaw dawˇ jeˬ˗ahˇ dzaw zaˬ noeˬ taˬ nya˗eu gʼaˇ duˬ, aˇ bymˇ teu˗euˬ ja sawˇ poˆ˗eu gaˇ kawˆ˗ahˇ zmˬ.

5. 6. Dzaw zaˬ nehˬ˗ehˇ dzaw deuˆ tiˬ deuˆ kʼaˇ dzaw ngeh:

   1. Dahˬ beh˗eu bymˇ˗ahˇ gui.

   2. “Gui” lehˇ ehˇ˗eu Jaˇliꞈ aˇ deuˆ yawˬ deuˆ na luꞈ˗ahˇ gui.

   3. Loˬ naˇ dzaw deuˆ teu laꞈ kʼoeˇ ahˇ˗eu Jaˇliꞈ aˇ deuˆ nui deuˬ˗ahˇ jiˇ gui.

   4. 

      Gʼeh nya naˇ, “Pah” lehˇ ehˇ˗eu biˬdiˬoˬ yawˬ hmˬ na luꞈ˗ahˇ pah.

   5. Dzaw zaˬ˗ahˇ naˇ haˬ˗eu jeˬ yawˬ hmˬ na luꞈ naˇ haˬ.

   6. “Naꞈ suiˇ ni dzaw” lehˇ ehˇ˗eu kawˆ laꞈ kʼoeˇ˗euˬ aˇ baˇ˗ahˇ bi haw. Kʼoeˇ naˇ aˇ baˇ teu nehˬ˗ehˇ taꞈ leˇ˗awˇ tiˬ jeˬ na naˇ haˬ.

   7. Dzaw zaˬ aˬ yawꞈ aˇ naˆ ni huiˬ laˇ mahˇ laˇ˗euˬ lehˇ aˬ yawˇ yawꞈ bi siˬ˗eu gʼaˇ duˬ, “Ngaˇ mˇ˗eu lehˇ noeˬ taˬ˗euˬ jeˬ” lehˇ ehˇ˗eu oeˬ coeˇ oeˬ bawˬ˗ahˇ zmˬ. Dzaw zaˬ˗ahˇ teu laꞈ kʼoeˇ ngehˬ keuˆ taˬ˗euˬ aˇ pyaˇ˗ahˇ maˬ ehˇ, aˇ pyaˇ yawˬ hmˬ yawˬ˗ahˇ maˬ ehˇ, daˬ nya ni caw ba nehˬ.

   8. Dzaw zaˬ˗ahˇ ‘Nawˇ Jaˇliꞈ dzaw˗eu gʼaˇ duˬ lehˬ hmˬ ngeh, “Haw lahˬ” laꞈ kʼoeˇ nawˇ ya leˇ dzehˬ˗eu gaˇ kawˆ maˬ ngeuˇ naˇ biˬdiˬoˬ jaˆ miˇ˗a laˬ’ lehˇ naˇ haˬ.

   9. Tiˬ poˆ mehˬ ngeh dzaw deuˆ tiˬ hmˬ mehˬ jiˇ.

Jaˇliꞈ mehˬ gʼaˬ ngeh

1. 

   7. Dzaw zaˬ˗euˬ gaˇ kawˆ shaˇ noeˬ daˆ leꞈ. Dzaw zaˬ˗euˬ huiˬ laˇ mahˇ laˇ˗eu jeˬ˗ahˇ guiˬ lahˬ biꞈ˗eu gʼaˇ duˬ, hawˇ˗eu aˬ yawꞈ˗ahˇ aˬ joˆ˗ehˇ ya caw ba˗eu lehˇ ya siˬ˗eu gʼaˇ duˬ, Yeˬhawˇbaˬ˗ahˇ guiˬ lahˬ shaˇ.