“Nawˬ˗euˬ Miˇkʼahˬ keuˆ le luꞈ˗uˇ” Gʼawˬ mya lam gʼaˬ heu loꞈ˗ehˇ guiˬ lahˬ shaˇ˗eu meh
Nawˇ Miˬyehˇ˗euˬ Miˇkʼahˬ keuˆ le luꞈ˗uˇ lehˇ shaˇ haw maˬ loˇ? Gʼawˬ mya lam gʼaˬ “Miˬyehˇ Miˇkʼahˬ keuˆ le luꞈ˗uˇ” lehˇ shaˇ luꞈ˗eu gʼawˬ mya yaˇ kʼoꞈ byah laˇ˗euˬ meh. Aˬ yawꞈ maꞈ aˬ jeˬ miˇ neh heu loꞈ˗ehˇ shaˇ˗euˬ gaˇ shaˇ poˆ poˆ˗eu nga? Aˬ jeˬ miˇ neh ehˇ naˇ, Yeˬsuˇ aˬ yawꞈ˗euˬ zaˬ lahˇ deuˬ˗ahˇ heu loꞈ˗ehˇ guiˬ lahˬ shaˇ lehˇ ehˇ taˬ yaꞈ˗euˬ miˇ neh meh.
Dahˬ beh ngeh Yeˬsuˇ˗euˬ zaˬ lahˇ deuˬ Yeˬsuˇ ehˇ˗eu Miˬyehˇ Miˇkʼahˬ gaˇ kawˆ˗ahˇ yaw kʼaˆ˗ehˇ maˬ gʼoˆ shaw˗aˬ. Tiˬ poˆ zaˬ lahˇ deuˬ Yeˬsuˇ˗ahˇ “Sahˬ paˬ˗oˇ, nymˬ˗mˇ poˆ jawˇ Miˇkʼahˬ heu Kʼahˬ Iˇsaˬleˬlaˆ tsawˇ jeuˬ˗ahˇ nawˇ biꞈ kʼoꞈ˗eu lehˇ gʼeh˗eu ma loˇ” lehˇ naˇ haˬ˗euˬ meh. Aˬ yawꞈ maꞈ Yeˬsuˇ dawˇ coe ni maˬ ehˇ˗eu miˇ neh zahˬ leˇ˗euˬ yaw duˬ baw meh. (Gʼaˬkʼehˇ 1:6, 7) Toˆ˗ehˇ naˇ aˬ dui Miˬyehˇ Miˇkʼahˬ heu aˬ jeˬ pyeuꞈ˗awˇ, aˬ geu ngeh oe˗eu lehˇ siˬ nya˗eu gaˇ ma maˬ paˇ dahˇ ngaˇ maˇ˗iˬ. Toˆ˗ehˇ maˬ ngeuˇ˗a.
Loꞈ˗eu nymˇgoˇ heu dmˬ naˇ haˬ˗eu jeˬ heu deuˬ˗euˬ dawˬ kʼoꞈ biꞈ nehˬ meh.
Aˬ dui Miˬyehˇ˗euˬ Miˇkʼahˬ aˬ jeˬ miˇ neh loˬ˗eu nga?
Miˬyehˇ˗euˬ Miˇkʼahˬ˗ahˇ sahˬ paˬ geuꞈ˗eu aˬ suˇ gʼaˬ nga?
Miˬyehˇ˗euˬ Miˇkʼahˬ miˇ tsaˬ˗ahˇ aˬ geu ngeh uˆ lahˇ le˗eu nga?
Miˬyehˇ˗euˬ Miˇkʼahˬ aˬ jeˬ jeˇ jahˇ˗eu nga?
Aˬ dui nymˬ˗mˇ neh aˬ jeˬ miˇ neh Miˬyehˇ˗euˬ Miˇkʼahˬ˗ahˇ gʼaˬ biꞈ˗eu gʼaˇ duˬ ya noeˬ tsehˆ taˬ˗eu nga?
Miˬyehˇ˗euˬ Miˇkʼahˬ aˬ jeˬ nga?