Aˬ yawꞈ maꞈ˗ahˇ lmˇ boˬ ni ha geuꞈ

Lmˇ boˬ ni aˬ suˇ suˇ gʼaˬ˗ahˇ ya ha geuꞈ˗eu nga? Aˬ dui nehˬ˗ehˇ bawˬ dzaˬ laˇ˗eu yaw shuiꞈ deuˬ hawˇ˗eu, jawˇ myahˇ laꞈ˗euˬ cawˬ yawˬ gʼaˬ na˗ahˇ ya ha geuꞈ meh.a (Maˆ 15:7; Heˬ 13:2) Miˬyehˇ gaˇ maˬ mˇ ni naˬ˗euˬ deuˬ maˬ ehˇ, yawˬ kʼahˬ yawˬ˗ahˇ neh laˇ˗euˬ mehˇ nmˇ deuˬ maˬ ehˇ, yaw myaˬ kʼoꞈ kʼawˆ laˇ˗awˇ, bawˬ dzaˬ laˇ˗euˬ deuˬ˗ahˇ maˬ ehˇ ya ha geuꞈ meh. Nawˇ kʼoeˇ gʼaˬ pyeuꞈ law nmˇ˗aˬ aˬ joˆ˗ehˇ gʼeh nya lehˇ shaˇ noeˬ haw sheˇ, lmˇ boˬ ni ha geuꞈ laˇ gaˇ guiˬ lahˬ huiˬ˗eu maˬ ngeuˇ nya loˇ? (Tehˬ 7:12) Teu miˇ neh, Bawˬdzaˬnymˇ˗ahˇ jeˬ hu iˇ keuˆ˗awˇ, maˬ bawˬ dzaˬ˗eu miˇ naˆ˗ehˇ, hawˇ˗eu bawˬ dzaˬ gʼaˬ ngeh aˬ cawˬ nehˬ˗ehˇ ngehˬ cawˬ iˇ˗eu lehˇ aˬ jeˬ miˇ neh maˬ leh jeh le? Toˆ˗ehˇ jahˇ naˇ, lmˇ boˬ ni gʼoeˇ˗eu gaˬ˗eu jeˬ˗ahˇ gʼaˬ biꞈ˗awˇ, Yeˬhawˇbaˬ jiˇ ja ceuˬ˗eu jeˬ za˗eu meh. (Tehˬ 5:16) Yawˬ gʼaˬ na luꞈ˗ahˇ ngehˬ cawˬ doe jiˇ˗eu heu naˇ, maˬ pyeuꞈ leˇ nya˗a. Ehˇ kʼawꞈ, aˬ dui mˇ paˬ˗ehˇ gʼeh˗eu jeˬ mˇ naˇ,aˬ yawꞈ maˬ˗ahˇ ha geuꞈ ngaˇ lehˇ siˬ leˇ˗eu meh.

Maˇ diˇ ha geuꞈ˗eu jeˬ˗aˬ, Yeˬsuˇ shiˇ gaˇ noeˬ mawˇ˗eu mehˬ bawˬ˗ahˇ oe ngeh ya mˇ˗eu jeˬ tehˬ maˬ ngeuˇ˗aˬ. Yaw suiꞈ oe˗euˬ deuˬ aˬ duiˬ Ka li zaˬ loꞈ˗ehˇ gʼoeˬ˗eu gaˬ˗eu jeˬ mˇ mawˇ gaˇ za mawˇ ngeh, aˬ yawꞈ maꞈ kʼawꞈ aˬ dui nehˬ˗ehˇ Miˬyehˇ˗ahˇ uˬ duˬ tahˬ mawꞈ laˇ˗eu meh.—Yoˇ 13:35.