Miˬyehˇ gaˇ maˬ mˇ ni naˬ˗euˬ Ka li zaˬ deuˬ˗ahˇ nawˇ caw ba nya

Oeˬ siˬ ba la 11 Nyi nah ngeh nah, Miˬyehˇ gaˇ maˬ mˇ ni naˬ˗euˬ Ka li zaˬ deuˬ Yeˬsuˇ shiˇ˗euˬ gaˇ noeˬ mawˇ˗eu mehˬ bawˬ˗ahˇ oe˗eu meh. Aˬ yawꞈ maˬ dehꞈ ziˇ gaˇ ma˗ahˇ cehˆ laˇ˗euˬ kawꞈ, gaˇ kawˆ yaw myaˬ jeˬ baˬ da neh, maˬ cehˆ gahˇ nya ni pyeuꞈ iˇ˗euˬ meh. Ti deuˬ na˗euˬ gaˇ kawˆ Yeˬhawˇbaˬ jawˇ gaˇ gʼoꞈ laˇ˗awˬ boˬloˬshaˬ˗ahˇ ahˇ meh. (Heˬ 12:1) Miˬyehˇ neh aˬ yawꞈ˗euˬ Zaˬmaˇ bi shiˇ dah˗awˇ aˬ yawꞈ maꞈ˗ahˇ zeuˇ tsehˆ˗euˬ miˇ neh, Yeˬhawˇbaˬ gaˇ maˬ mˇ ni naˬ˗euˬ deuˬ kʼawꞈ, aˬ yawꞈ˗euˬ gʼaˇ duˬ aˇ poeˬ baw luꞈ˗a siˬ. (Kʼehˇ 20:28; 1Beˬ 1:18, 19) Aˬ yawꞈ maꞈ aˇ muˇ laꞈ kʼoeˇ bi gʼoꞈ laˇ˗eu gʼaˇ duˬ, aˬ dui aˬ joˆ˗ehˇ caw ba nya˗eu nga?

Yawˇ byoˆ˗iˇ ngeh leh jeh˗awˇ poˆ kʼoꞈ˗eu yawˇ bo zaˬ loꞈ˗ehˇ, aˇ muˇ˗ahˇ sheuˬ gʼeh˗eu deuˬ kʼawꞈ, Miˬyehˇ gaˇ maˬ mˇ ni naˬ˗euˬ mehˇ nmˇ deuˬ˗ahˇ leh jeh˗awˇ poˆ kʼoꞈ˗eu meh. (Luˇ 15:4-7) Heu˗aˬ, Yeˬhawˇbaˬ loꞈ˗ehˇ gʼawˬ shaˬ gaˬ˗eu jeˬ mˇ mawˇ˗eu jeˬ pyeuꞈ meh. (Miˇ 23:3, 4) Aˇ muˇ˗ahˇ sheuˬ gʼeh˗eu deuˬ tehꞈ˗ehˇ maˬ ngeuˇ˗eu, aˬ dui kʼawꞈ gʼaˬ biˬ nya meh. Gʼawˬ shaˬ gaˬ˗awˇ cawˬ cawˬ˗eu jeˬ mˇ mawˇ gaˇ Yeˬhawˇbaˬ nui kʼahˇ shiˇ˗awˇ, laꞈ sawˬ gʼawˬ myaˬ jeˬ biꞈ nehˬ˗eu meh. (Dawˬ 19:17; Kʼehˇ 20:35) Teu miˇ neh, nawˇ aˬ suˇ gʼaˬ˗ahˇ gʼaˬ biˬ mawꞈ nya lehˇ noeˬ˗awˇ maˬ nyi naˬ ni taˆ lehˇ mˇ˗awˬ

Miˬyehˇ gaˇ maˬ mˇ ni naˬ˗euˬ deuˬ˗ahˇ caw ba lehˇ kuˇ˗eu biˬ diˬ oˬ haw˗awˇ, naˇ haˬ˗eu jeˬ heu deuˬ neh naˇ haˬ:

• Ehˬbeˬ aˬ yawꞈ maꞈ siˬ nya˗eu Yeˬhawˇbaˬ˗euˬ Saˇ kiˇ tiˬ gʼaˬ mawˇ ngeh, aˬ jeˬ jahˇ˗euˬ nga?

• Miˬyehˇ gaˇ maˬ mˇ ni naˬ˗euˬ deuˬ˗ahˇ caw ba˗eu lehˇ gʼeh ngeh, aˬ dui aˬ jeˬ miˇ neh aˇ muˇ˗ahˇ sheuˬ gʼeh˗eu deuˬ˗ahˇ ya ehˇ nehˬ nga?

• Lawˬla jawˇ gaˇ gʼa kʼoꞈ iˇ˗eu lehˇ gʼeh ngeh, Ehˬbeˬ aˬ joˆ˗ehˇ leh hmˬ˗euˬ nga?

• Lawˬla˗ahˇ caw ba˗eu gʼaˇ duˬ Ehˬdeˬ gaˬ˗eu jeˬ, oˇ oˬ˗eu jeˬ, ziꞈ dahˬ ni gʼeh˗eu jeˬ aˬ joˆ˗ehˇ mˇ doˆ leꞈ˗euˬ nga?

• Yeˬsuˇ Luˇkaꞈ 15:8-10-ahˇ yaw jeˬ ma jeˬ sheu cehˆ taˬ˗eu jeˬ˗ahˇ neh, aˬ dui aˬ jeˬ dzaw nya˗eu nga?

• Lawˬla leh jeh˗eu miˇ neh, guiˬ lahˬ aˬ jeˬ jeˇ za˗euˬ nga?