Yeˬhawˇbaˬ neh saˇ jaˇ dzaˬ taˬ˗euˬ jeˬ˗ahˇ nawˇ aˇ naˆ ni jah le?

Yawˇshuˆ hawˇ˗eu Sawˇlaˬmoˬ Yeˬhawˇbaˬ neh saˇ jaˇ dzaˬ taˬ˗euˬ jeˬ tiˬ jeˬ˗iˇ maˬ lehˬ iˇ˗a lehˇ kamˬ˗euˬ meh. (Shuˆ 23:14; 1Sahˬ 8:56) Saˇ jaˇ ziꞈ˗eu teu nyiˬ gʼaˬ neh ehˇ taˬ˗euˬ dawˬ aˬ dui˗euˬ nui jah ziꞈ dah ni gʼeh nya˗eu gʼaˇ duˬ gʼaˬ biꞈ˗eu meh.—2Gawˇ 13:1; Tiˇ 1:2.

Yeˬhawˇbaˬ Yawˇshuˆ˗euˬ saˇ ka˗ahˇ, aˬ yawꞈ neh saˇ jaˇ dzaˬ taˬ˗euˬ jeˬ maˇ diˇ aˬ joˆ˗ehˇ bi pyeuꞈ laˇ˗euˬ nga? Nawˬ˗euˬ nymˇ jiˇ laꞈ kʼoeˇ ‘Miˬyehˇ˗euˬ dawˬ aˬ myah luꞈ byah laˇ’ lehˇ kuˇ˗eu biˬ biˬ oˬ haw gʼaˬ naˇ, naˇ haˬ˗eu jeˬ heu deuˬ˗ahˇ ja sawˇ. (1) Nawˇ Aˬbyaˬhaˬ˗euˬ nui jah˗ahˇ aˬ joˆ˗ehˇ dzaw geuꞈ nya˗eu nga? (Heˬ 11:31; Koˆ 2:24-26) (2) Aˬkaˬ˗euˬ gaˇ kawˆ˗ahˇ haw ngeh diˇ daˬ˗ehˇ ehˇ dawˬ maˬ naˇ haˬ˗eu heu naˇ, aˬ jeˬ˗euˬ shaˬ zahˬ pyeuꞈ laˇ˗eu lehˇ bi siˬ laꞈ˗eu nga? (3) Giˇbyoˬ tsawˇ haˬ guiˇ deuˆ˗eu tsawˇ haˬ pyeuꞈ kʼawꞈ, Iˇsaˬleˬlaˆ tsawˇ haˬ nehˬ˗ehˇ cawˬ pyeuꞈ˗eu gʼaˇ duˬ, aˬ jeˬ miˇ neh Yawˇshuˆ˗ahˇ jaˬ myawꞈ myawꞈ˗eu nga? (4) Aˬmawˇlaˆ˗euˬ sahˬ paˬ 5 gʼaˬ Iˇsaˬleˬlaˆ˗ahˇ laˆ cawˆ˗eu lehˇ ehˇ ngeh, Miˬyehˇ˗euˬ dawˬ maˇ diˇ aˬ joˆ˗ehˇ pyeuꞈ laˇ˗euˬ nga? (Shuˆ 10:5-14) (5) Nawˬ˗euˬ dehꞈ ziˇ laꞈ kʼoeˇ Miˬyehˇ Miˇkʼahˬ hawˇ˗eu aˬ yawꞈ˗euˬ yaw tsaˬ yaw dawˇ˗ahˇ jeˬ huˬ bi jaˆ naˇ, Yeˬhawˇbaˬ nawˬ˗ahˇ aˬ joˆ˗ehˇ caw ba nehˬ˗eu nga?—Tehˬ 6:33.

Aˬ dui Yeˬhawˇbaˬ neh mˇ dzeuˇ˗euˬ jeˬ, mˇ luꞈ˗eu jeˬ, mˇ˗eu lehˇ gʼeh˗eu jeˬ˗ahˇ shaˇ noeˬ shaˇ sawˇ naˇ, aˬ yawꞈ˗euˬ saˇ jaˇ dawˬ˗ahˇ jah˗eu nui jah myaˬ daˆ laˇ˗eu meh.—Maˆ 8:31, 32.