Yeˬhawˇbaˬ˗euˬ yaw tsaˬ yaw dawˇ˗ahˇ ciˬ huiˬ ciˬ mahˇ

Yeˬhawˇbaˬ tsawˇ haˬ zaˬ˗euˬ gʼaˇ duˬ, muiˬ˗eu maˬ muiˬ˗eu zahˇ biꞈ nehˬ taˬ˗euˬ meh. Yaw jeˬ ma jeˬ, oeˇ mˇ baˇ dzaˬ˗euˬ aˬ li hawˇ˗eu aˬ buˇ maˬ shiˇ tiˬ ziˇ tiˬ kawˆ loꞈ˗ehˇ ya jawˇ˗eu meh lehˇ Miˬyehˇ ehˇ˗eu meh. (Tehˬ 19:4-6, 9) Miˬyehˇ dehꞈ bahˬ˗eu yawˬ jeˬ na luꞈ˗ahˇ bye˗eu meh. (1Gawˇ 6:9, 10) Miˬyehˇ aˬ li hawˇ˗eu aˬ buˇ moeˬ tsoeˬ dm˗eu maˬ duˇ leˇ˗eu gaˇ kawˆ mehˬ nehˬ˗eu meh.—Mehˬ 22:5; 1Tiˆ 2:9, 10.

Nymˇ tsawˇ haˬ myaˬ ni Yeˬhawˇbaˬ˗euˬ yaw tsaˬ yaw dawˇ˗ahˇ maˬ mˇ caw˗a. (Maˆ 1:18-32) Aˬ yawꞈ maꞈ dmˬ˗eu jeˬ hawˇ˗eu mˇ˗eu jeˬ tsawˇ myahˇ doˆ˗eu deuˬ˗ahˇ haw˗awˇ mˇ caw˗eu meh. Tsawˇ haˬ myaˬ ni maˬ muiˬ˗eu jeˬ mˇ˗eu gaˇ kʼahˬ sehˇ jehˆ˗awˇ, aˬ yawꞈ maꞈ loꞈ˗ehˇ maˬ dehꞈ˗eu deuˬ˗ahˇ ngehˬ doeˇ˗eu meh.—1Beˬ 4:3, 4

Aˬ dui Yeˬhawˇbaˬ˗euˬ Saˇ kiˇ pyeuꞈ˗eu miˇ neh, Yeˬhawˇbaˬ˗euˬ yaw tsaˬ yaw dawˇ˗ahˇ nui ma kʼaˬ duˬ ni ya mˇ caw meh. (Maˆ 12:9) Aˬ joˆ˗ehˇ ya jahˇ˗eu nga? Miˬyehˇ aˬ jeˬ˗ahˇ ha geuꞈ nga lehˇ aˬ cawˬ˗ahˇ a lawˆ lawˆ˗ehˇ ya bi siˬ nya˗eu meh. Ehˇ kʼawꞈ, aˬ dui jiˇ ni dehꞈ ziˇ laꞈ kʼoeˇ yaw tsaˬ yaw dawˇ jeˬ˗ahˇ ya bo saˆ˗eu meh. Yaw jeˬ ma jeˬ, ‘Ngaˬ neh tseˇ˗euˬ moeˬ tsoeˬ miˇ tsaˬ˗ahˇ taꞈ˗eu nga laˬ, maˬ ngeuˇ naˇ Miˬyehˇ˗euˬ zahˇ dawˬ˗ahˇ taꞈ nga laˬ? Ngaˬ neh tseˇ dm˗euˬ moeˬ tsoeˬ Miˬyehˇ˗ahˇ yaw zeu baw ngaˇ lehˇ siˬ laˇ ngaˇ laˬ?’ lehˇ yawˬ haˇ yawˬ ha ya naˇ haˬ meh. Byawˬ gʼa mo gʼa˗eu jeˬ˗ahˇ haw ngeh yaw haˬ˗ahˇ heu loꞈ˗ehˇ naˇ haˬ, ‘Yeˬhawˇba ha geuꞈ˗eu jeˬ pyeuꞈ ngaˇ laˬ? Heu˗ahˇ ha geuꞈ˗eu aˬ suˇ gʼaˬ nga? Ngaˬ neh tseˇ˗euˬ byawˬ gʼa˗eu jeˬ ngaˬ˗euˬ yawˬ tsaˬ yaw dawˇ˗ahˇ laˆ cawˆ˗eu jeˬ pyeuꞈ ngaˇ laˬ? (Ceuˬ 101:3) Byawˬ gʼa˗eu teu deuˬ ngaˬ˗euˬ nymˇ jiˇ hawˇ˗eu aˬ cawˬ˗ahˇ sahˬ tiꞈ bi tiꞈ˗eu jeˬ pyeuꞈ ngaˇ laˬ?’—1Gawˇ 10:31-33.

Yeˬhawˇbaˬ˗euˬ yaw tsaˬ yaw dawˇ˗ahˇ ciˬ huiˬ ciˬ mahˇ˗eu aˬ jeˬ miˇ neh aˇ yehˇ huiˬ dui dui˗eu nga? Yeˬsuˇ gʼawˬ myahˇ maˬ gʼeh˗ehˇ miˇ kʼahˬ tsawˇ jeuˬ deuˬ hawˇ˗eu yaw haiˬ deuˬ˗ahˇ laˆ cawˆ meh. (Yeˬ 9: 4-7) Miˬyehˇ nui kʼahˇ shiˇ˗eu jeˬ˗ahˇ mˇ caw˗eu deuˬ tehꞈ˗ehˇ dehꞈ˗eu jeˬ za meh. (1Yoˇ 2:15-17) Teu miˇ neh, aˬ dui neh yaw muiˬ jeˬ mˇ gaˇ mawˇ˗euˬ deuˬ Miˬyehˇ˗ahˇ ja ceuˬ laˇ ni, Yeˬhawˇbaˬ˗euˬ yaw tsaˬ yaw dawˇ˗ahˇ ciˬ huiˬ ciˬ mahˇ kaˇ˗euˇ.—1Beˬ 2:11, 12.

Yeˬhawˇbaˬ nehˬ˗ehˇ cawˬ cawˬ laˇ˗awˬ—Aˬ li tiˬ gʼaˬ, Aˬ buˇ tiˬ gʼaˬ lehˇ kuˇ˗eu biˬ diˬ oˬ˗ahˇ haw. Kʼoeˇ naˇ, naˇ haˬ˗eu jeˬ heu deuˬ neh naˇ haˬ:

• Miˬyehˇ˗euˬ yaw tsaˬ yaw dawˇ˗ahˇ dehꞈ caw˗eu aˬ jeˬ miˇ neh yaw gahˇ jeˬ pyeuꞈ˗eu nga?

• Aˬ da aˬ ma deuˬ zaˬ yaw nyiˇ ngeh neh Miˬyehˇ˗euˬ yaw tsaˬ yaw dawˇ aˬ jeˬ miˇ neh ya mehˬ nehˬ˗eu nga?

• Miˬyehˇ˗euˬ yaw muiˬ jeˬ˗ahˇ neh aˬ cawˬ gaˇ dahˇ tsoeˬ˗eu jeˬ za ni, aˇ kʼoꞈ kʼawˆ laˇ˗euˬ deuˬ hawˇ˗eu zaˬ guˬ deuˬ aˬ joˆ˗ehˇ caw ba nya˗eu nga?