Ka li zaˬ˗euˬ dehꞈ ziˇ
Gʼoˆ kʼehˬ˗ahˇ yawꞈ ngeh yaw zeu baw laˇ paˬ˗ehˇ yawꞈ
Ka li zaˬ deuˬ “miˇ tsaˬ zaˬ dawˬ tawˆ luꞈ bi haw niˇ gʼa˗eu gʼaˇ duˬ . . . miˇ kʼahˬ zaˬ mehˬ shi” jawˇ luꞈ gaˇ duˇ˗eu meh. (1Gawˇ 4:9) Teu miˇ neh, nymˇ sahˇ tiˬ deuˬ na laˇ gʼoꞈ paw neh aˬ dui˗ahˇ haw luꞈ˗eu meh. Maˬ ngeuˇ naˇ, iˇ kahˇ laꞈ kʼoeˇ jawˇ˗awˇ aˬ dui ngehˬ gaˇ naˇ haˬ luꞈ˗eu meh. Tiˬ nymˇ na, mawˇ nya˗eu, teˇ saˇ gaˬ laˇ˗eu, aˇ baˇ yuˇ taˬ nya˗eu, smˇ kʼoeˬ tahˇ joe nyehꞈ˗eu daˇ boˬ deh caˆ hawˇ˗eu maiˇ dawˆ tsoˆ taˬ˗euˬ meh. Gʼoˆ kʼehˬ˗ahˇ jawˇ ngeh yaw zeu baw laˇ paˬ˗ehˇ jahˇ nya˗eu jeˬ.—2Gawˇ 6:3.
Nawˬ neh mˇ˗eu jeˬ˗ahˇ neh (Piˆ 1:27)
Nymˇ sahˇ˗ahˇ yaw zeu baw˗eu gʼaˇ duˬ iˇ kahˇ laꞈ kʼoeˇ maˬ ya cu haw˗a. Iˇ kahˇ gʼoˆ kʼehˬ˗ahˇ yawꞈ ngeh sahˬ boꞈ sha˗eu, naˬ gaˬ ngehˬ cawˬ˗eu, dzaˬ˗eu, dawˇ˗eu heu deuˬ maˬ ya jahˇ˗a
Nawˬ neh ngehˬ˗eu dawˬ˗ahˇ neh (Peˇ 4:29)
Iˇ kahˇ gʼoˆ kʼehˬ˗ahˇ yawꞈ ngeh, nymˇ sahˇ maˬ bi gaˬ mawꞈ˗eu jeˬ maˬ ya ngehˬ˗a. Tsaꞈ gaˬ˗eu deuˬ tiˬ gʼaˬ na nymˇ sahˇ nehˬ˗ehˇ ngehˬ cawˬ˗eu lehˇ lehˬ hmˬ˗eu gʼaˇ duˬ aˬ yawꞈ ha ngehˬ luꞈ˗eu gaˇ kawˆ kʼoeˇ na tawˬ˗eu meh