Yeˬhawˇbaˬ˗euˬ gaˇ bi mˇ daˆ leꞈ ni aˬ yawꞈ maꞈ˗ahˇ dzaw nehˬ

Mehˇ nmˇ yaw shuiꞈ deuˬ dahˬ beh ngeh yaw muiˬ˗ehˇ ya dzaw˗awˇ, tsaꞈ gaˬ iˇ gaˇ aˬ myah luꞈ leh jeh naˇ, Miˬyehˇ gaˇ yaw muiˬ˗ehˇ mˇ nya˗eu tiˬ gʼaˬ pyeuꞈ laˇ ngaˇ lehˇ ya mawˇ˗euˬ ma. (Dawˬ 22:6; Piˆ 3:16) Heu gaˇ laꞈ oˆ jaˆ˗eu heu deuˬ naˇ, aˬ dui˗euˬ Jaˇliꞈ dzaw zaˬ deuˬ Miˬyehˇ˗euˬ gaˇ yaw muiˬ˗ehˇ mˇ nya ni aˬ dui caw ba nya˗eu tiˬ jeˬ na pyeuꞈ meh:

• Jaˇliꞈ dzaw zaˬ tsaꞈ gaˬ˗eu gʼaˬ pyeuꞈ laˇ ngeh, yaw kawˇ maˬ˗ehˇ dzaw nehˬ. (km˗E 8/15 1) Yawˬ jaw na luꞈ tsaꞈ gaˬ iˇ˗eu heu naˇ aˇ yehˇ huiˬ˗eu jeˬ pyeuꞈ nga lehˇ Jaˇliꞈ dzaw zaˬ˗ahˇ bi noeˬ leˇ. (Piˆ 1:10) Tsaꞈ gaˬ duˬ˗euˬ gaˇ kawˆ˗ahˇ yaw muiˬ paw ngehˬ keuˆ. (Piˆ 4:8) Tsaꞈ gaˬ˗eu gaˇ˗ahˇ sheuˬ gʼeh˗eu gʼaˬ hawˇ˗eu mehˇ nmˇ nui deuˬ neh puˬ haw mawˇ haw laꞈ˗euˬ jeˬ˗ahˇ dzaw geuꞈ˗eu gʼaˇ duˬ, aˬ yawꞈ maꞈ nehˬ˗ehˇ Miˬyehˇ gaˇ mˇ lehˇ gʼaˬ biꞈ.—Dawˬ 1:5; km˗E 10/12 6 ¶3

  

• Jaˇliꞈ dzaw zaˬ deuˬ iˇ cuꞈ shawˇ dzeuˇ˗euˬ kʼawꞈ ni, gʼaˬ biꞈ˗eu taˬ naˬ leˇ siˬ. Aˬ yawꞈ maꞈ “Miˬyehˇ˗euˬ gʼoeˇ˗eu gaˬ˗eu jeˬ” leˇ kuˇ˗eu paˇ dmˬ maˬ dzaw jiˇ ngeh ngehˬ˗ehˇ dzehˬ gʼaˬ ya biꞈ daˆ leꞈ˗eu meh.—km˗E 12/13 7

  

• Tsaꞈ gaˬ˗eu yaw shuiꞈ gʼaˬ nehˬ˗ehˇ tsaꞈ gaˬ iˇ ngeh, yaw awˬ awˬ lehˇ mˇ mawˇ nehˬ. Jaˇliꞈ dzaw zaˬ tsaꞈ gaˬ ngeh ja ceuˬ nehˬ˗awˇ, aˬ yawꞈ tsaꞈ gaˬ˗eu gaˇ˗ahˇ yaw muiˬ˗ehˇ mˇ nya ni caw ba nehˬ˗eu jeˬ mehˬ nehˬ.—km˗E 5/10 7